หว่านปุ๋ย หลกหญ้าข้าวหว่าน เหมื่อยหลายค่ะพี่น้อง ขึ้นจากงานนา
เข้าดงหาหน่อไม้ไหล่มาแกงใส่ผักแขยงอ่อน
ฮ้อน ๆ หอม ๆ คือจะเข้าท่าเน๊าะค่ะ
ได้มาแล้วหน่อไม้ไหล่ ขนหลาย เทิงคายเทิงคันคัน... ข้ามขั้นตอน
ตอนบู๋ป่าไหล่เน๊าะค่ะ เทิงคาย เทิงฝนตกริน เทิงฮิ้นเจาะ
บ่มีอารมณ์เก็บภาพค่ะ (เอาใจยากแหน่เด้อค่ะกับศิลปิน)
มาฮอดบ้านแดดออกเฉย..
เลือกเอาหน่อ อวบ ๆ ขาว ๆ งาม ๆ ถอดเสื้อผ้าเพิ่น
จักงาม ๆ บางหน่อกะผ่าเป็นซีกเอาโลดค่ะ เป็นลูกโดด
ต้มจักน้ำหนึ่งกะพอค่ะ จืดคักบ่ค่อยแซ่บต้องให้มีรสขมเหลือนำนิดหนึ่ง
ระหว่างต้มหน่อไม้ กะตำยานางถ่า แต่กี้เคยสงสัยว่าเป็นหยังแกงหน่อไม้ต้องใส่ยานาง
บาดได๋แท้เป็นภูมิปัญญาแต่พ่อแต่แม่ หน่อไม้เป็นของร้อน ยานางมีสรรพคุณเป็นยาเย็น
แกงใส่เพื่อลดความร้อนของหน่อไม้....:l-
ข้ามขั้นตอน ตอนแกงนำค่ะ คิดว่าทุกคนต้องเฮ็ดเป็น
มาเด้อค่ะซดแกงหน่อไม้ไหล่ฮ้อน ๆ ยามกลางเว็น
ตำหมากหุ่งเผ็ด ๆ เข้ากั๊น เข้ากัน
*************
ขอบคุณพื้นที่แบ่งปันค่ะ บ้านมหาดอทคอม
Bookmarks