กำลังแสดงผล 1 ถึง 3 จากทั้งหมด 3

หัวข้อ: ย่างดู๋กะพ้อดู่ แต่กะพออ่านเล่นยุ(บ่ฮู้จักคนเขียน)

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    ย่างดู๋กะพ้อดู่ แต่กะพออ่านเล่นยุ(บ่ฮู้จักคนเขียน)

    อย่าเอาภาษีข่อยไปจ่ายเด้อ
    ชีวิตอาสาสู้ บู๋งานหลวง ตั้งแต่หนุ่ม
    อุทิศตัวรับใช้ แม่นจนไฮ้ บ่จ่มนำ
    ทำตัวเป็น ฟันเฟืองน้อย คอยหมุน หนุนส่ง
    หวังบ้านเมืองให้ก้าวข่วม ความด้อย เก่าหมอง
    หวังให้พี่ให้น้อง ได้อยู่ซุ่ม กินเย็น
    อบรมเด็กเพื่อให้เป็นกำลัง เพิ่งบุญ เมือหน้า
    เทิงบุตรีบุตราน้อย ให้คอยฟัง ความผู้ใหญ่
    อย่าเป็นคนดื้อรั้น เตือนแล้ว ให้อยู่ความ
    ตอนนี้ ปานน้ำท่วม เพียงปากบ่ขานไข ได้แหล้ว
    แนวว่าคนในสังคม ส่วนหลายพวมรุมทึ้ง
    พากันดึงพากันแย่ง บ่มีปุน ปันแบ่ง
    มีแต่ยาดแย่งยื้อ ดึงเข้า ใส่เจ้าของ
    ฮอดบ่คึดเถิงหม่อง ครองฮีต ความเป็นมา
    มีแต่หวังสิดึงเอา บ่คึดเห็น หม่องมันฮ้าย
    เสียภาษีรายได้ กะเสียไป ปีละหลายหลายหมื่น
    บ่เคยหลบหลีกเลี่ยง เสียให้ทุกสตางค์
    หวังเพียงให้เมืองบ้าน พอมีฐาน เป็นที่เพิ่ง
    เอาไว้เฮ็ดไว้สร้าง แปลงบ้าน ซ่อยกัน
    ตกมามื้อนี้นั้น มีผีเผด ตาโปนโปน
    มันหากซาวมือมา สิยาดเอา ไปหย่ำ
    ทั้งเงินคำ ทองก้อน ในกองคลัง สิขอแบ่ง
    เอาให้เผดลูกน้อง ผู้กวนบ้าน ให้ซ่อยกิน
    ทุกตัวตนต้องได้สิ้น สิบล้านบาท พอประมาณ
    กาลของเฮาพวมมาถึง ให้รีบฉวย ฉกไว้
    แผ่นดินไทยตอนนี้ คนดีดี พวมหันหน้า เข้าป่า
    ปล่อยให้พวกเปรตา มันรุมดึงคาบแห่น กินบ้านมุ่นทะลาย
    โรคมะเร็งว่าฮ้าย บ่ปานโรค เลือกคนเลว พี่น้องเอ้ย
    คอยเบิ่งเด้อบ่ทันโดน ซุมทุกข์จน สิตายเมี้ยน
    เหลือแต่ซุมผีบ้า กินเงินตรา จนท้องอิ่ม
    ส่วนคนจนสิญ่อแห้ง บ่เหลือค้าง อยู่แผ่นดิน พี่น้องเอ้ย


  2. #2
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    ...จ่มหยังน้อคะรับ...
    ทุกข์พอปานหัวเฮียดยังสิมาเบียดบังกันอีกอยู่ตี้

  3. #3
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    บ๊ะ หลานหนุ่มหน้าลาวจ๋าคือมาเว้าได้ถืกต้องเถิงใจแท้หล่ะหลาน


    เลือกคนโกงมากินบ้าน เลือกคนพาลมาหาเรื่อง
    หาซื้อเสียงกวาดล้าง หวังสิได้ดอกนั่งโกง แมนอีหลีเด๊เนาะหลาน อิอิอิ
    มาแจมหน่อยหนึ่งไปก่อน นนนนนน

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •