...มื่อนี่ได้ข้าวเม่ามา..ยายฝากมากับหลานพร้อมกับแนวกินทางบ้าน
กินข้าวแล้วสิกินข้าวเม่าเล่นๆกะบ่เข้าท่า มันบ่หวาน..ต้องเฮ็ดให้มันหวานกว่านี้จั่งสิแล้ว
ป้าเพิ่นเลยบอกให้เฮ็ด..ข้าวเม่าหัวหงอก...ทางนี่กะบ่เคยเฮ็ดกะเลยลองเอาสูตรเพิ่น..มาเบิ่งเอาพี่น้อง..เมนู..ข้าวเม่าหัวหงอก..สูตรไทสกล...
..วัตถุดิบ..ข้าวเม่า/มะพร้าวทึนทึก/ น้ำตาล/นมสด/เกลือป่น
..ขั้นตอนบ่มีหยังหลายครับ..ขูดบักพร้าวใส่ชามไว้..ได้พอสมควรแล้วกะเอาข้าวเม่าลง..น้ำตาลเทใส่..สุดท้ายกะเติมนมสดแล้วคนให้เข้ากัน..ใส่เกลือเล็กน้อย..ชิมเบิ่ง
หวานมันพอดีแล้วกะเอาขึ้นค่างไฟจักคราว
..ค่างไฟนิดนึง อย่าตั้งไฟแฮง..พอน้ำตาลละลาย/ข้าวเม่าสุกจับกันพอดีกะปลงลง..ช่วงค่างไฟต้องคนตลอดกะซั่นข้าวเม่าสิติดก้นหม้อก้นชาม..
...เรียบร้อยแล้วครับ..ตักใส่กะโป๋..เอาบักพร้าวที่ขูดไว้มาโฮยหน้านอยนึง
พอเฮ็ดให้มันหัวหงอก..ชิมเบิ่ง..แชบเติบยุ
..1 ถ้วยกับ 1 กะโป๋นี่ตักไว้อ่อยหนูพะนะป้าเพิ่นว่า..หนูทางได๋น้อ..งง?
..บ่ทันดน..หนูมาอีหลี..หนูแข่ว..555..ว่าที่หมวดเหลืองกับสหายผ่านมาเล่นนำ..กะเลยได้ลองชิมของหวานผุเฒ่า..ข้าวเม่าหัวหงอกนำกัน..
..ขอบคุณเวบบ้านมหาดอทคอม..
Bookmarks