กำลังแสดงผล 1 ถึง 3 จากทั้งหมด 3

หัวข้อ: เพลงหวานแห่งบ้านทุ่ง

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    กระพริบตา เพลงหวานแห่งบ้านทุ่ง

    ตาเว็นแดงจวนค่ำ ฟังลำนำของชาวท่ง
    เสียงนกตูม ฮ้องตู้มตู้ม งานตากล้า หว่างสิถอน
    นกคืนคอนตอนค่ำ อีกาดำบินกลับถิ่น
    ออกหากินตั้งแต่เช้า แลงแล้วได้ต่าวฮัง
    ฟังเสียงกบนาฮ้อง กังวานไกล เอ้บแล้วเอ้บ
    แอ๋แล้วแอ๋อิ่นอ้อย จ่านาน้อย ฮ่ำฮอน
    ขวยกี่ซอนมันอ้น แจคันแทหม่องน้ำขาด
    เป็นคลองคูคดเคี้ยว ปานเอ็นเส้น ปูดโปน
    คนกะฮือฮือฮ้าย ควายบักเล ให้ฟ้าวย่าง
    ทางขี่โผ่จื้นจื้น เอาเด็กน้อย ขึ้นขี่หลัง
    เสียงดังโหม่งโหม่งตึ้ง โปงญาคู เพิ่นทุ้งทั่ง
    ระฆังเหง่งเหง่งหง่าง ผสมตู้มโหม่งแซม
    ดวงจันทร์แฮมกลางเดือนเก้า พรรษาเนา พ่วมเคิ่ง
    พ่อทายกถือดอกไม้ ไปไหว้ บ่มศีล
    ยินเสียงเพลงดังแว่ว หวานหวานของบ้านท่ง
    เลือดอีสานเข้มข้น ออนซอนซึ้ง ซาบเสียง
    แสงตะเกียงรี่รี่ ไหวไหว ลิบลี่
    ลมทุ่งวีฟาดต้อง เรไรฮ้องแอ่วผสม
    ชมพระจันทร์ดวงแหว่ง ยามแลง คึดฮอดอุ่น นางเอ้ย
    โอ้แม่คุณของบักอ้าย ปานนี่ อยู่จั่งใด๋ เด้น้อ...
    เพลงหวานแห่งบ้านทุ่งเพลงหวานแห่งบ้านทุ่งเพลงหวานแห่งบ้านทุ่ง
    แก้ไขครั้งสุดท้ายโดย หนุ่มหน้าลาว; 11-09-2011 at 05:57.


  2. #2
    Banned

    วันที่สมัคร
    Oct 2010
    กระทู้
    798
    บล็อก
    4
    ป๊าดลาวอิหลีสุดยอดได้อารมณ์บรรยากาศอิสานคัก อิอิ

  3. #3
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    ***ฝนเอ้ยฝนเม็ดน้อย ป๋าชาวนาให้หลงคอย บ่เห็นส้น เห็นไง่
    สาวเอ้ยสาว...เจ้านั้นลงไปไทย ปล่อยอ้ายยาว ท่าอยู่บ้าน ซ่างใจแล้ง ยิ่งกว่าฝน..น้อ
    ***ฝนเอ้ยฝนอันเย็นฉ่ำ ซ่างมาฮำ แต่หม่องขุ่ม แท้น้อ
    ป๋านาดอนค้างเท้อเล้อ ให้ทรายกุ้ม ไง่ผง แท้ล่ะ หือ พะนะ 5555 ฮิ้ว ๆๆๆๆๆ
    :l-

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •