เว้าผิดไปอภัยบ้าง พรั้งปากไปอภัยแน
คั่นผิดใจอีหลีแท้ มาขอแก้โปรดอภัย
มีคำได๋ที่ได้เว้า ก้าวก่ายให้เคืองจิต
แมนเว้าผิดแนวได๋ ให้อภัยอย่าเคืองแค้น
แขนสองแขนมือสิบนิ้ว พนมนอมน้อมก้มใส่
โปรดอภัยให้ผุข่า ที่จ๋าเว้าบอเข้าหู
ขอโทษครูอาจารย์ท่าน ลูกศิษหวั่นอยู่ในใจ
ยามเว้าไปบอถืกคอง บอตรึกตรองเวลาเว้า
คำหนักเบาได้เว้าเล่น คำได๋เป็นคำบอม่วน
บอสมควรที่ก้าวร้าว ขอโทษเจ้าให้อภัยแนเด๋อธุจ้าธุจ้า
สองมือพนมตรงกลางทรวงอก
ก้มหน้าปลายนิ้วจรจจมูก
ขอกล่าวคำขอโทษ ขออภัย
จากใจ หากล่วงเกินเพื่อนพ้อง
ด้วยวาจาพลาดพลั่งปากเผลอ
ขอพี่น้องพร้องเพื่อน โปรดอภัย
ให้สะใภ้สิสาน กำมะลอคนนี้แน้เด้อ
คริคริคริ เป็นไงป้าจ้าขอกล่าวคำขอโทษในกระทู้ป้าด้วยนะคะ จุฟฟฟฟฟ
บ่เป็นหยังดอกครับป้า อย่าถือสาควมผู้อื่น
ทุกวันคืนแลงเซ่า คิดฮอดเจ้าอยู่ผุเดียว
เจ้าผุเขียวใบเข่า อย่าเอาเลามาจักตอก
หลอกให้หลานคอยเก้อ ละเมอล่มจ่มหา
แก้ไขครั้งสุดท้ายโดย พล พระยาแล; 09-09-2011 at 22:36.
อิอิอิ หลานนิจ๋า แหม มาแบบสวยๆม่วนๆเลยนะจ๊ะ ขอบใจจ้าหลานที่รัก
หลานพลเอ๋ย ป้านี่น๊า หันมาคิดเบิงแล้ว จั๊กเว้าหยังไปนำแน
หลงเว้าแย่ คำหมู่นั่น มาคิดย้านเพินสิซัง คั่นได้ผิดพลาดพลั้ง
เว้าล่วงไปทางเสีย ป้ามาเคลีย ขอโทษไปให้อภัย ในคำเว้า
อิอิอิ ป้ากะอยากมาขอโทษ เนาะหลาน ย้านว่ายามหลางเว้า คำบอดีที่บอสมควร เว้า
กะย้านแต่ผิดใจเพิน คั่นแมนคำได๋ที่ได้เว้าไปแล้ว เฮ็ดให้บอพอใจ ป้ากะเลยมาขอโทษ ขออภัย
สุผุสุคนนั่นหล่ะหลาน
ขอบใจหลานที่มาเว้า เอาคำกล่าวแบบเห็นใจ
ดีใจหลายแท้เด๊หลาน คนสำคัญในใจป้า
บอได้จ๋าหลอกล้อ อดใจรอไปสาก่อน
อย่าทำเซิงซงใจฮ้อน เซื่อป้าถ่อนให้เซื่อใจ
ป้านี่ได้เอ่ยไว้ ออกหน้าไมค์ จั๊กมื่อหนึ่ง
เอาให้คนตลึง ฮ้องคู่กันอีกจั๊กครั้ง เพลงหยังนั่นให้ค่อยฟังเอ่ยยยยยยยยนอนี่น่า อิอิอิ
ประนมหัตถ์ นมัสการท่าน อภิบาลผู้มาก่อน
แต่งกาพย์กลอน มาขอโทษ ขอท่านโปรดพิจารณา
หากคำจาของนางหล่า ไปบ่ค่าว่าบ่แม่น
ขออภัยอย่าเคียดแค้น ย้อนบ่แน่นเรื่องผญ๋า
เฮียนเขียนสาส์นต้านจา อักษราผญ๋าหย่อย
ไปตามฮอยแต่เค้า ผู้เฒ่าเก่าเดิม
ให้ซ่อยเสริมซ่อยยู้ ไปตามครูให้ถืกป่อง
ถ้าข้าวต้มมัด ไปบ่คล่อง บ่ถืกต้องขออภัย พี่น้องเอ้ย
มาแจมนำคุณแม่จ้า ลงโตน้อยบ่เป็น อิอิ นางลงโตใหญ่เด้แม่
ขออภัยเป็นผญา ของลองเบิ่งนำเด้อค่า
บ่อเคยวาเคยเว้า เอานำเจ้าผุเป็นครู
นางนี่บ่อค่อยฮู้ รู้คำเว้าทางอิสาน
แต่ก็พยายามหาญ เอามาสานจนได้
ขออภัยเด้อค่า สิ่งได๋เว้าผิดมา
บ่อเข่าท่าบ่อเข่าหู ไปตามฮูของเจ้าของ
บ่อตามครองตามฮีต หรือไปกรีดใจผุได๋
อย่าสะได่เคียดแค้น แล่นนำคำเว้าผุข้าเด้อ
ย้อนวาเผลอวาพั้ง บ่อยับยั้งเจ้าของ
สิบนิ้วของนางหล่า กราบขมาคือวา
ยกโทษให้นางสา มื่อข้างหน้าบ่อเฮ็ดแล้ว
ให้อภัยน้องแก้วแน่เด้อจ้า...
ขอแจมกับคุณป้า พร้อมขอภัยมา ณ ที่นี้ด้วยจ้า
เห็นเผิ่นมาจาเว้าขออภัยที่เผลอหล่วง ความเป็นห่วงที่พลาดพลั้งเผลอเว้าเข้าอั่งทรวง
สิ่งทั้งปวงทั้งหลายแหล่แน่วแหน่อยู่ในใจ อย่าได้ไปห่วงใยต่อคำที่เคยเว้า
ซุมหมู่เฮาแนวเชื้อไทเหนือใต้กะส่าง หรือหว่างกลางตกออกพุ้นบ่อควรวุ่นให้หมุ่นใจ
ล้วนเป็นไทนามเนื้อไทอิสานย่านถิ่น อย่าได้หมิ่นหมู่พวกพ้องให้หมองหม่นอั่งอุรา
ความผญาความเว้าล้วนไทเฮาเว้าให้หม่วน ให้ใคร่ควรเพื่อบอกแจ้งแถลงไว้ให้หิ่นตรอง
ให้เฮาครองตนหมั้นแนวดีเอาแบบอย่าง สิ่งต่างๆที่ชั่วช้าให้หลีกเว้นไลล้างให้ห่างไกล
ครั้นผู้ใดผิดพลาดพลั้งเผลอไปในทางชั่ว เฮ็ดไปทั่วเผื่อให้ได้มาไว้เป็นเจ้าของ
ให้ตรึกตรองดีถ้วนควรบ่อควรให้คึดฮ่ำ อย่าถลำให้แปดเปื้อนราคีเศร้าให้เหล่าหมอง
ให้ประคองใจหมั้นในคำพุทโธวาท ให้ฉลาดรอบรู้สติหมั่นนั้นเที่ยงตรง
อย่าไปหลงเกลือกกลั้วกับกิเลสตัณหา มันสิพาให้หมองต่ำลงบ่อโงฟื้น
อย่าได้ฝืนใจเจ้ามัวเมาแต่แนวชั่ว อย่าไดตั๋วพุ้นพี้แนวนี้หั่งบ่อดีแท้เด้
(เว้าไปตามประสาเพราะว่าอยากต่อกลอนกับป้าลำซิ่ง ครับ)
ป้าดติโท..มีแต่ระดับปารมาจารย์มาประชันกัน..เอ้า..ม่วนๆครับพี่น้อง ขาดป้าแดงกับคนภูค่าวเด้อ เข้ามาไวไวบ่ซั่นตกรุ่นนะ สิบอกไห่ 555
บ่เป็นหยังดอกคุณป้า...ถือปรองดองเอาสา ใจนั่นสิซมซืน..ไปดอก
แนวเอาคืนบ่ได้...ผุถือไว้กะอั่งทรวง
คันได้ล่วงไปแล่ว...แนวใด๋เว้าบ่คอง
ถือว่าพี่ว่าน้อง...ปรองดองไว้อย่าไล่ลา
ให้คืนมาสาเจ้า...อย่าไปมัวถือเอา หากคำเว้าใด๋บ่ม่วน
แนวบ่ควรอย่าถือไว้...พุ้น โยนถิ่มใส่ป่าหนาม
ให้มาฮักมาตุ้ม...ซุมอิสานให้มันใหญ่
ให้แผ่ไกลทั่วหล้า...ให้เหมิดฟ้า ห้าแผ่นดิน....พุ้นเด้อ
อันว่าวาจาต้าน สังมาหวานอ้อนอ่อย
ประนมหัตถ์สัจจ์จ้อย มาจอบจ้อขอสมมา
เจ้าผุแพงเครือคำค้า วาจามาขออ่อน
ส่วนว่าจิตมะนะตั้ง มะโนน้อมถ่อมกาย
ปราชญ์อีสานแผ่นผ้าย ชมซุมผุปากอ่อน
มณีเขียวจั่งแม่เจ้า สมครูเค้าเผ่าอีสาน......แท้น้อจร้าแม่
กฎการส่งข้อความ
อ้างข้อความนี้
Bookmarks