มาเด้อไปหาปลาใส่บุญ

[หนุ่มหน้าลาว]

หาใส่เบ็ดกะพอได้ แม่นบ่หลายกะพอแบ่ง อยู่ดอก นางเอ้ย
พอได้ใส่ห่อข้าว เอาบุญบ้าน ส่งทาน
คันอยากหมานควรมีน้อง มานำ ถ่าเสียบเหยื่อ
ถ่ามาจับปลาค่อกั้ง ลงข่อง ใส่สะพาย
ถ่ามาบายปลาเข็งจ้าด ปลดตาขอ เบ็ดเกี่ยว
ถ่าจับเอี่ยนซ่อยบักอ้าย ตอนมันดิ้นสิต่าวฮู ซั่นดอก นางเอ้ย
ฮ่าฮ่าฮ่า ฮิ้ว ๆๆๆๆ

หมายเหตุ ปลาเข็งจ้าดโตใหญ่กว่าปลาเข็งแจ้ด
ปลาค่อกั้งใหญ่ส่ำกันกับปลาค่อคอแดง
เอี่ยนกะโตส่ำกันกับปลาค่อคอแดงแต่ว่ายาวกว่า555

[pcalibration]

เผิ่นผุ่หากินหมาน..บ๊ะอยากไปพายข่องหย่างนำก้นเบิ่งเด้
...ท้าวลิ้นก่าน ฝ่าตีนแดงหว่าแต่แงงลงใส .ฮีบดังไฟไว้ถ่าโลด...
:,1-:b-b:,1-

[หนุ่มหน้าลาว]

มาเด้อเจ้า อ้ายพีเอ้ย คันอยากม่วน
สิซวนเจ้าไปย่างเล่น เลาะหนองน้ำ ใส่ปลา
หามาแกงมาปิ้ง กินซากัน กับตำหุ่ง
คั่วกะปูพร่ำพร้อม บักขามน้อย คลุกใส่กัน
ได้ข้าวเหนียวจักปั้น คุ้ยใส่ปาก555น้ำยายไหย
ไผอยากกินมาเด้อ มื้อเที่ยงโฮม เถียงนาน้อย....ฮ่าฮ่าฮ่า
:b-b:b-b:b-b

[pcalibration]

โอ่ยน้อน้องเอ้ย
มันหากเต็มทีแหล่วแนวซายอ้ายพี่
หนีจากนาป๋าท่งก้วงมาเทียวข่วงอยู่เมืองไกล
จักสิดนปานได๋จั่งสิโงคืนบ้าน
เมืองอิสานเฮือนเค้าไกลเก่าบ่คือหลัง
มรดกมูลมังกะฮกเป็นนาเฮื้อ
บัดหว่าเหลือแฮงล้าจั่งสิลาเมือพักผ่อน
ไปออนซอนถิ่นเค้าพอเซาฮ้อนให่อุ่นใจ

[หนุ่มหน้าลาว]

อ้ายพีเอ้ย ไคยุตี้ ผู้ที่ลงมาคว้า ซาวคั่วหาเงิน
อยู่เมืองกรุงแดนไกล สิฮุ่งเฮือง เหลืองเหลื่อม
เงินคำคงหาได้ เต็มถงเต็มไถ่ อยู่มั้ง
บ่คือกับผู้ข้า ผู้เนายั้ง อยู่อีสาน
การงานกะมีหน่อย หาทำ แสนลำบาก
ไคแต่มีข้าวอยู่เล้า บ่ไปซื้อ เพิ่นกิน
อาศัยพลิกดินสู้ หากิน เลี้ยงปาก
แม่นสิยากสิท้น ยอมทนสู้ บ่ถอย
ชีวิตพลอย เกิดมาไฮ้ ต้องจำใจ สู้ต่อ
อดสาเฮ็ดเลี้ยงพ่อ อดสาทำเลี้ยงแม่ ผู้มีคุณมากล้น ซ่อยแฮงท่าน ผ่อนมือ
คิดอยากลงมาตื้อ สาวกรุง เบิ่งจักหว่าง ยุดอก อ้ายพีเอ้ย
ห่าได้ลูกสะใภ้ ไปไว้ ให้แม่แงง
เจ้าผุน้อยด้องแด้ง เจ้าผุแต่งโตงาม
อยากมีแฟนเป็นชาวนา บ่น้อ คนโก้
คันหลูโตนคนคืออ้าย ขอให้นาง นี่ส่งข่าว แหน่เด้อ
ผมหน้าลาว สิขอบู๋ด้นดั้น ขายนาน้อย มาแต่งดอง สาวเอ้ย

[chudhancock]

:l-น้ำท้วมนา ปลาออกบ้อน หลายคัก เอาอีหลี
แต่บอมีแนวดัก เฮ็ดจังได๋สิเอาได้ เทิ้งปลาใหญ่
เทิ้งปลาน้อย เห็นมันลอย หว่ายน้ำผ่าน
หลายพอปาน ในสระเลี้ยง เห็นแล้วให้งึดหลาย

ไสโตได๋ปลาหยังอ้าย ปลาเอียนใหญ่โตซ่ำได๋
บอกน้องไปจับนำ ย้านยามกำหลุดมือซ้ำ
บอเอานำดอกเด๊อ้าย ปลาเอียนใหญ่ข่อยย้านหลาย
ให้อ้ายไปแต่เจ้าของ บอต้องมาเอ่ยซวนน้อง อิอิอิ มาต่อหลานหนุ่มหน้าลาวจ้า

[หนุ่มหน้าลาว]

ปลากะแยง ปลาค้าว ปลานาง ปลากระเดิด
ปลาตะเพียน ปลาค่อกั้ง ปลาเข็งน้อย ล่องลอย
ปอยจอกแหนเป็นปุ้ม เป็นซุม ยามน้ำทั่ง
ไหลจากวังเลิ่งล้น ไหลรี่ เลื่อนลง
มันหากลงไปโห่ง ทางกุด โฮมฮ่อม
ท่วมข้าวมานพวมแก่ท้อง ตายถิ่ม เน่าเหม็น
ความทุกข์เข็ญรออยู่วันข้างหน้า ชาวนาเอ้ย น้ำตาหลั่ง
ความหวังเหมิดมอดเมี้ยน ไปนำน้ำ ทั่งทลาย
พายเอาเฮือลำน้อย ลอยลำ ออกเสียบเหยื่อ
ไส่เบ็ดราวเลาะห้วย หามาไว้ บาดขาดเขิน
สายตาเพลินนำน้ำ เบิ่งมันไหล เร่งหย่าว
สาวเอ้ยสาว บ่ออยากพายซ่อยอ้าย บ้อน้อง มาซ่อยแจว แหน่เปี๋ยง
แนวเอาไปดักไว้ ลันกับไซ เลาะตาฝั่ง
ดักปลาไหล กุ้งน้อย หม่องมันตื้น ซ่อนกระแส
แวไปยามเก็บกู้ ลันหลายหลัง ถืกน้ำทั่ง
เอี่ยนอาศัยเข้าบั้ง เซาซ้น ซ่อนเนา
สาวเอ้ยมาเอากุ้งไปก้อย มาเอาปลาไปอ่อม เด้อหล่า
ส่วนเอี่ยนใหญ่คันอยากได้ ให้ไปเว้า ผู้อยู่เฮือน เด้อฮ่าฮ่าฮ่า ฮิ้วๆๆๆๆๆๆ

[พลายแก้ว]

ป๊าดดดด กระทู้นี้แมะ มีแต่ระดับ ปรมาจารย์ คักๆๆๆ ม่วนขนาดครับ ข้าน้อยขอเป็นผู้อ่านเด้อครับ ...

[chudhancock]

อ้ายเอ้ย แนวปลานางอยากสิได้ ปลาข่อใหญ่พวมเต็มกำ
บออยากถามเรื่องเอียน เดี๋ยวเปลี่ยนคำเว้า อิอิอิ
เอากะเอาคั่นอ้ายให้ น้องสิไปขอเพินเบิง
ย้านแต่เถิงฮอดเฮือนแล้ว บอเห็นอ้ายว่าจังได๋ นี่ติ๊ อิอิอิ

[หนุ่มหน้าลาว]

อ้ายเอ้ย แนวปลานางอยากสิได้ ปลาข่อใหญ่พวมเต็มกำ
บออยากถามเรื่องเอียน เดี๋ยวเปลี่ยนคำเว้า อิอิอิ
เอากะเอาคั่นอ้ายให้ น้องสิไปขอเพินเบิง
ย้านแต่เถิงฮอดเฮือนแล้ว บอเห็นอ้ายว่าจังได๋ นี่ติ๊ อิอิอิ

นางเอ้ย เอี่ยนของอ้ายนี่กะได้ เจ็ดบาท องคุลี
พวมพอดีบ่ยาวเกิน ใหญ่กะกำ พอได้
สิถืกใจบ่น้อหล่า ผิวกายา มันสีเผือก
ผิวบ่แหล่หนังบ่ซ้ำ กำแล้ว หากเกิ่งกัน
คันแม่นนงคราญหล่า ไปจานำ ผู้ที่กล่าว
ผมหน้าลาว สิเป็นคนซ่อยเว้า ให้เขามอบ ให้แก่นาง
ขอเพียงนางอย่าเว้าเล่น คันอยากเห็น เอี่ยนใหญ่
ไปเบิ่งดู้ บาดห่าเถิงบ่อนได้จ้าว สาวเอ้ยสิบ่ลืม สาแหล้ว ฮ่าฮ่าฮ่าฮิ้วๆๆๆๆๆ