กำลังแสดงผล 1 ถึง 7 จากทั้งหมด 7

หัวข้อ: ...15 ค่ำ เดือน 10...

  1. #1

    ...15 ค่ำ เดือน 10...

    ทศมาสระยาตรเข้า เนาว์วันเพ็ญสิบห้าค่ำ
    ในพระธรรมคำภีร์แจ้ง แถลงเว้ากล่าวมา
    ปราชญ์โบราณเพิ่นบอกว่า นรกเปิดฝาฟ้าเปิดป่อง
    ญาติเทียวท่องมายามบ้าน รับทานได้ให้แต่งเตรียม
    บุพพะชนวนมาเยี่ยม เพียงมื้อหนึ่งวันเดียว
    เพิ่นสิเหลียวแลหา ถ่ารับทานในวันนี้
    ดวงชีวีที่ดับดิ้น ดวงวิญญาณที่เวียนอยู่
    ปานประตูเปิดป่องให้ ได้มาเยี่ยมรับทาน
    หลังเที่ยงคืนมื้อนี้นั้น ยมภิบาลประกาศข่าว
    ว่าให้รีบฝั่งฟ้าว หาญาติเจ้าที่วัดวา
    เทิ่งเมื่อยล้าและหิวข้าว ย่อนฟ้าวมาแต่ทันฮุ่ง
    ผ้าแพรนุ่งกะขาดส่อย ฮอยเกาะไม้เกี่ยวหนาม
    ฟ้าวมายามอยากเห็นหน้า กินข้าวปลาใบตองห่อ
    ลูกสิรอแม่บ่เจ้า หรืองานเข้าธุระหลาย
    เห็นฝูงชนย่างซ่ายล่าย เทิ่งหญิงชายแถวท้ายวัด
    มากันจัดภาชน์โภชน์พร้อม ตอมไว้ใส่กระทง
    หมู่เพิ่นคงมีสุขล้ำ อิ่มหนำสำราญม่วน
    อิ่มแล้วยังห่อม้วน เก็บไว้ใส่เสบียง
    แม่นี้เพียงอยากเห็นเจ้า ข้าวบ่ห่อกะตามแต่
    แม่เข้าใจอยู่ดอกหล่า ว่าทางเจ้ายากงาน
    หิวอาหารเลยหวนไห้ ปานว่าใจสิขาดแหล่ง
    ทั้งเหมิดแฮงอิดอ่อนล้า แฮงขาหน่อยหล่อยลง
    อิงกำแพงเลาะเลียบซ้ง ในดงด้วยแฮงอ่อน
    ในอุทรแสบจ้าวๆ หิวข้าวจนตาลาย
    มือซาวบายไปพ้อ ใบตองห่อเศษอาหาร
    ที่เพิ่นทานปันหยาย เลยบายขึ้นเลียลวบ
    หวังประจวบประทังท้อง เทิ่งเหม่อมองหม่องคนผ่าน
    แว่วเสียงนายยมภิบาล เพิ่นเอิ้นขานบอกแม่ ให้แวเลี้ยวสู่ถิ่นเดิม
    เหมิดเวลาบ่อาจเพิ่ม เสริมตาส่องคอยมองหา
    โอ้ลูกจ๋า..เจ้าอยู่ใส แม่สิไปแล้วเด้อท้าว
    มื้อสิต่าวมาทางพี้ ปีหน้าเด้อสิมาใหม่
    ย่างโซเซซัดไป น้ำตาไหลหลั่งย้อย สิคอยถ่าว่าปีลุน...เด้อคำเอ้ย..


    ธุจ้าธุจ้า

    พอแต่แต่งฮอดหม่องนี้ น้ำตาปรี่เปียกปอน
    สุดสังวรพินิจโต ตีบตันสมองตื้อ
    มือที่ถือปากกาแหล่ ผัดมาแวเป็นสั่นๆ
    อกหวั่นไหวใจสะบั้น สุดที่กลั้นอัสสุริน
    หวนถวิลคิดพ้อหน้า มารดาผู้พาใหญ่
    เลยสิจบยุติไว้ ขอไปไหว้..แม่อยู่เฮือน..ก่อนเด้อ พี่น้องเอย..


    :,1-


  2. #2
    เจ้าหน้าที่ประชาสัมพันธ์
    ขวัญใจบ้านมหา 2012
    สัญลักษณ์ของ สาวมุก
    วันที่สมัคร
    Mar 2010
    ที่อยู่
    มุกดาหาร
    กระทู้
    683
    ยกนิ้วให้เลยค่ะ อ้ายพลายแก้ว สำหรับผญาบทนี้น่ะค่ะ ...อ่านไปนำกะน้ำตาสิไหลไปนำค่ะ เคยฟังผุเฒ่ากับพระเพิ่นเทศนาให้ฟังคือกันค่ะ เกี่ยวกับเรื่องของวันเพ็ญ 15 ค่ำเดือน 10 นี่น่ะ...

    ญาติพี่น้องผู้ล่วงลับไปแล่วในมื่อนี่ ไผมาทันกะทัน ไผมาบ่ทันกะได้แต่นั่งฮ้องไห้ ว่าลูกหลานคือบ่เฮ็ดบุญมาให้น้อ ทำนองนี่ล่ะค่ะ ...

    บ่ว่าสิเป็นเรื่องจริงหรือเป็นเรื่องเล่าขานกันมา จั๋งใด๋กะแล่วแต่ โดยส่วนตัวแล่วเชื่อเรื่องนี้ค่ะ..

  3. #3
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    ยายข้าวสากให้ทั่วเด้อ

    อีกสองมื้อ บานประตู นรกเปิด
    ปล่อยให้ผีเผดเป้า มายามเยี่ยม ภพคน
    แต่บ่โดนเพียงข้ามมื้อ ให้โงคืนหม่องเก่า
    ฟ้าวมารับเอาข้าวน้ำ หลานหล่อน เพิ่นแต่งทาน
    ปวงชาวบ้าน ทุกครัวเฮือน จัดแจ่ง
    แต่งแปลงพาข้าวน้ำ ไปถวยทอด แก่สงฆ์
    ให้เพิ่นปลงเสร็จสิ้น สาธุการ ทานทอด
    จั่งสิบรรลุได้ เถิงเซื้อ เผดผี
    ต่อจากนี่ พวกข้าวห่อ โภชนัง
    จั่งเอาไปจัดวาง ให้เผดผี โพงเป้า
    ส่วนหนึ่งเอาไปเข้า ยายนำนา นำตาแฮก
    แจกให้เถิงถ้วนทั่ว ทุกตัวได้ ทุกตน
    ส่วนว่าคนเจ้าอย่าหลงทางบ้าน เมือเฮือน ให้มันถืก เด้อ
    ไปพ้อเผดส่ำน้อย สิหลงจ้าวแล่นนำ บ่ได้เด๋...ฮ่า ฮ่า ฮ่า ฮิ้วๆๆๆๆๆ
    ยายข้าวสากให้ทั่วเด้อยายข้าวสากให้ทั่วเด้อยายข้าวสากให้ทั่วเด้อ

  4. #4
    Banned

    วันที่สมัคร
    Oct 2010
    กระทู้
    798
    บล็อก
    4
    เป็นคือเคยได้ฟังลำเนื้อหาแบบนี้ล่ะค่ะ..พอดีมื่อนี่เมื่อบ้านเห็นแม่เพิ่นเฮ็ดเข่าสากเลยได้เว้านิทานเข่าสากสู่เพิ่นฟังแบบย่อๆ....

  5. #5
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    สุดแสนสุดยอดสุดม่วนเลยจ้าหลานพลายแก้วจ๋า อ่านแล้วกะน้ำตาไหลซั้นแหล่วป้ากะเด๋ย อิอิอิ

  6. #6
    แต่งม่วนหลายจ้า อ่านไปกะเห็นภาพไปนำ

  7. #7
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    .
    ..หย่อง.หย่อง.หว่าแหม่นนิกรน้อยผุ้นหละเผิ่น..พลายแก้ว..
    สาธุสาธุ..ห้ามหนั่งหนั่งหง่าเด้อ..แม่ออกพ่อออก (ท่านผู้ฟัง-อ่าน)
    สิีวีข้าวต้มมัดใส่เด้โตธรรมมันมะงอมะง่องคือขี่นกเขาอ่านบ่ค่อยออกกะเลยหนั่งหง่าไปก่อน..(เล่นลูกคอแบบเนียนเนียน)ตามธรรมเนียมภาคพื้นอีสานแต่ก่อนบุญข้าวสากสิมีการเทศน์นิทานชาดก(หนังสือใบลาน)วรรณกรรมอีสานที่เป็นภูมิปัญญาโบราณ
    อ้างอิงเกี่ยวข้องกับบุปพกรรมกำเนิดของพระพุทธเจ้าหรือเรื่องทั่วไป
    (ปัจจุบันคงจะเหลือน้อยมาก)
    แก้ไขครั้งสุดท้ายโดย pcalibration; 12-09-2011 at 15:52.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •