คิดจั่งได๋ในใจน้อง จั่งเทียวท่องโทรมาหา
แล้วเวลาที่ผ่านไป แม่นอยู่ใสหายดนแท้
มื้อนี้แวมาบอกอ้าย คิดฮอดหล๊าย หลายคือเก่า
ความฮักเฮายังคงหมั่น ผ่านวันมื้อบ่เปลี่ยนแปลง
วาทแถลงแปลงคำอ้อน ยังออนซอนบ่ลาเลิก
บ่เคยเคิกความฮักอ้าย หรือมายม้างหว่างคิดถึง
แม่นรำพึงรำพันโอ้ หรือแค่โชว์ว่าเว้าม่วน
หรือมากวนกระบวนต้าน หรือขานเว้ากล่าวเรื่องจริง
แล้วที่ทิ้งคำหวานเว้า คำว่าเฮานั้นไผ๋แหน่
สิมีแค่น้องกับอ้าย หรือหมายเว้าเขาและเธอ
ว่าอยากเจออยากพ้อหน้า ทุกเวลาคิดฮอดพี่
ย่านแม่นดีแต่ปากเว้า ส่วนใจเจ้าบ่คะนิง
เว้าความจริงมาโลดหล่า จำนรรจาแต่ความแม่น
คำว่าแฟนในใจน้อง เหมิดสี่ห้องฮักผู้ได๋
แล้วที่โทรมาหาอ้าย คิดฮอดชายอิหลีบ่
บ่แม่นโทรผิดบ่น้อ คนที่รอคันว่าว่าง เว้าอีกครั้ง..ว่าคิดถึง เบิ่งดู้..อิอิ


:l-:l-:l-