กำลังแสดงผล 1 ถึง 10 จากทั้งหมด 10

หัวข้อ: ออยเนาะ...โลกียวัตร

  1. #1

    ออยเนาะ...โลกียวัตร

    ออยเนาะ โลกีย์ก้วง สารพัดห่วง ลวงดัก

    หากบ่จักหลบทัน ย่านห่อนตายแควนคอแท้

    บ่ออยากแวหนามเกี้ยว ไม้หากเลี้ยวดีดมาใส่

    หลบบ่ไวหากถืกเปรี้ยง เคียงคิ้วละหว่างตา




    เห่อๆๆ ข้าวต้มมัดบ่ได้เขียนว่าไผ๋เด้อจ้า ภาษาผญ๋าไสตร์ข้าวต้มฯ พบพ้อหยังกะเขียนให้อ่านเล่นๆจ้า
    แก้ไขครั้งสุดท้ายโดย ข้าวต้มมัด; 16-09-2011 at 13:52.


  2. #2
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,558
    ตกลงแปลว่าเขาดักตีหัวแหม่นบ่นี้เอื้ย

  3. #3
    บ่เด้อน้อง555+รู้หลบเป็นปีก รู้หลีกเป็นหางจ้า
    แล้วแต่เวรไผ๋กรรมมัน เฮ่อๆๆๆ

  4. #4
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    หย่างบ่ดีสิตกท่อ กทม.คือเผิ่นหว่า(กทม.คือกรุงเทพมหานคร)
    อุปมาคือจั่งเว้าคนเฮาต้องฮู้ผีก(หลบหลีก)
    กกไม้ฉีกอย่าป้ำ เห็นไม้ค้ำอย่างอย
    มีมูลฝอยหมาจั่งขี่ เห็นของฟรีอย่าฟ้าวหน่ำ(เห็นแก่กิน)
    บาดคะลำออกฮ้อนท้อง ยากนำหม่องสิปิ่นปัว
    ...แหม่นจั่งซั่นบ่น้อง...
    :,1-:,1-:,1-

  5. #5
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    ฮู้จักหลบหลีกเลี่ยง ผ่าไม้เปี่ยงยังกระเด็น
    คั่นบอเห็นแก่ขอน กะบอคอนขัวญมาซ้ำ
    แต่ฮู้จำต้องหลบได้ ปล้ำไม้ใหญ่ระวังหนี
    ฮู้วิธีบอเจ็บโต คั่นคึดทันบอเจ็บซ้ำ ลูกเอ้ย อิอิอิแม่มาแจมนำลูก

  6. #6
    ตอบอ้ายพี่จ้า อิอิ แม่นแนวคืออ้ายหล่ะจ้า นางต่ออีกจักน้อยอ้ายมาชี้ทางให้แล้ว


    ออนเนาะ โลกีย์ก้วง อย่าฟ่าวล่วงคำเพิ่นสอน
    มันสิเข้าบ่อนตำรา "ไปค้าบ่คุ้มค่า ไปนาบ่คุ้มมื่อ"
    ว่าสั่นล่ะญ๋าอ้าย เนาะ
    อยากตายนำของฟรี ดีบ่ดีเสียหลายกว่าเกา




    ฮ่าๆๆๆ ว่าไปคนเห่อของโปรโม่ชั่นคือข้าวต้มฯนี้หล่ะจ้า
    แก้ไขครั้งสุดท้ายโดย ข้าวต้มมัด; 16-09-2011 at 14:56.

  7. #7
    ตอบคุณแม่ป้าลำซิ่งจ้า แม่กับอ้ายพี่เว้าม่วนเนาะ เดี๋ยวนางต่ออีก อิอิ


    ออยเนาะ โลกีย์ก้วง น้ำไหลล่วงอย่าฟ่าวขวง
    บาดห่าน้ำมาแฮง ส่งถืกแก่งจนเรือล่ม

  8. #8
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,558
    ออยเนาะ โลกีย์ก้วง หลบขอนไม้ขวางทางผัดมาหย่างตำต่อ ว่าพ้นแล้วหนอเหยีบลงผัดถืกหนามพี่น้องเอ้ย
    หลีกไปทางขวาดันมาข่องเคือล้ม...แจมนำเด้อพี่ข้าวต้มมัด

  9. #9
    Banned

    วันที่สมัคร
    Oct 2010
    กระทู้
    798
    บล็อก
    4
    โลกียวัตรซัดเข่าอุกเอ้าอั่ง แม่นมันทั่งโหมเข่าเร้าคือไฟ
    หลีกให้ไกลไปให่พ้นตามกลไก ให้ใส่ใจกอปกิจคิดดีชั่ว
    อย่าไปมัวหลงไหลไปตามน้ำ ฮู้จักตามฮู้จักต้านค้านให้เป็น
    บ่อลงเล่นใกล้ไฟให่หม่นหมอง บ่อไปลองสิ่งบ่อดีมีราคี
    เฮ็ดโตดีมีราศรีเพิ่มคุณค่า เพิ่นจั่งวาพี่น้องครองโตดี

    ขอแจมนำเด้อค่ะถึงภาษาซิบ่อได้แต่ใจรัก...

  10. #10
    หมั่นให้เจ้าหมั่นปานหินพันปี
    ดีให้เจ้าดีดั่งเหล็กไหล ถืกไฟได้เป็นก้อน
    ขอนให้เป็นขอนไม้แป้น ยูงยางหมั่นแก่น
    อย่าได้แขนอ้อนต้อน ปานงิ้วป่องปลาย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •