หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: ขอเป็นความหวังใหม่..เพื่อใครสักคน..

  1. #1

    ขอเป็นความหวังใหม่..เพื่อใครสักคน..

    หล่านางเอ้ย...ซับน้ำตาสาเด้อน้อง เซาจับจองความหมองหม่น
    ให้อดทนปนอย่าท้อ บ่ดนมื้อสิผ่านกาย
    มื้อที่เจอความเลวร้าย ก้าวต่อไปอย่าไหวหวั่น
    อ้ายขอขันอาสาสู้ มาบู๋หม่นด้นคู่เคียง
    ขอแค่เพียงเนียงนางหล่า หล่ำลืมสาอดีตผ่าน
    ให้ทอดทานถกถอดถิ่ม หันมายิ้มให้อิ่มเอม
    ขอมาเครมหัวใจน้อง เข้าประครองกกกลิ้งกล่อม
    ขอมาซ่อมหัวใจฮ้าง ขอมายม้างหม่องหม่นใจ
    มื้อหนาวลมห่มผ้าให้ มื้อหนาวใจขอเป็นหมู่
    มื้อฝนซูซัดสาดต้อง ขอเป็นจ้องป้องห่าฝน
    ขอเป็นคนฝนยาให้ รักษาใจที่ขาดแหว่ง
    ขอเป็นแฮงใจซ่อยยู้ คอยซูค้ำอยู่สุยาม
    อันนินทากาเลดั่งเทน้ำ เทใส่ในดินทราย
    บ่ทันดนสิเหือดหาย เสื่อมซึมลืมจ้อย
    อ้ายสิคอยเป็นเศษผ้า ซับน้ำตาที่ไหลหลั่ง
    เป็นความหวังใหม่ให้เจ้า ลืมราวเรื่องที่ผ่านมา...สาเด้อ นางเอ้ย....


    ขอเป็นความหวังใหม่..เพื่อใครสักคน...ขอเป็นความหวังใหม่..เพื่อใครสักคน...ขอเป็นความหวังใหม่..เพื่อใครสักคน...


  2. #2
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    คักแหน่แท้น้อคน ฮ่าฮ่าฮ่า ม่วนเด้อ สิบอกให้

  3. #3
    Banned

    วันที่สมัคร
    Oct 2010
    กระทู้
    798
    บล็อก
    4
    เก็บหัวใจกลับมาขอลาก่อน
    เก็บซ่อนความขื่นขมบ่มอุรา
    เก็บน้ำตาที่ไหลรดใบหน้า
    เก็บเข้าหาหัวใจไว้อีกที

    เริ่มต้นคิดพินิจจิตวิเคราะห์
    เริ่มให้เหมาะกับตัวเองเกรงจะหลง
    เริ่มทำใจของเราเสียให้ปลง
    เริ่มทรนงค์ในตัวเองไม่เกรงใคร

    เนื้อหามันใกล้เคียงท่านหลานฝากแน่ พอได้แหง่เว้าเล่นเน้นความม่วน
    พอได้ซวนพี่น้องก่องน้ำตา อยากวาผญาเว้าคือจั่งเจ้าข่อยเว้าบ่อเป็น....อิอิ

  4. #4
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31

    อายหน้าแดง ขอยารักษา...ใจ

    "ในอุราหยังหมองเศร้า ใจยังเหงาบ่มีส่วง
    นับมื้อป่วงและเป็นบ้า ซาตาน้องมีแต่ข่ม
    ใจระทบนานปีแล้ว บ่มีแววจะสดชื่น
    ใจขมขื่น หายาแก้หารักแท้บ่ฮ่อนเจอ
    ใจระเมอหลายมื้อพ้น บ่มีคนมาเป็นห่วง
    ใจเบิ้ดดวงยังอ้างว้าง ไร้คนข้างและหย่างนำ
    ใจมืดดำไร้แสงสู่ ปูทางให้สว่าง
    รักจืดจางหนทางตัน หาความฝันบ่ทันพ้อ
    มื้อนี้น้อ อ้ายมาเว้า วาจาให้คึดต่อ
    แม่นบ่น้อ ควมอวดอ้าง เป็นเศษผ้ารักษาใจ...ชายเอ้ยย"

  5. #5
    หันคืนมาสาเด้อหล่า สบสายตาคนหน้าเก่า
    คนที่ห่วงตั้งแต่เจ้า ยังคอยเฝ้ากล่าวอภัย
    ถึงหัวใจสิเจ็บบ้าง บาดยามนางบ่เห็นค่า
    เป็นเพราะว่าเขาคนนั้น สำคัญแท้กว่าพี่ชาย
    คนห่างไกลสายตาเจ้า เฝ้าแต่รอท้อหลายเทื่อ
    แต่หากเหลือความรักแท้ บ่แปรปิ้นจากรักเธอ
    เทียวละเมอเห็นแต่หน้า ใจถามหามื้อร้อยเล่า
    แม่นสิทุกข์อุกอั่งเอ้า กะยังเฝ้าเว้าว่าแคร์
    มื้อนี้เธอเจอความแพ้ ได้นอนแซ่ระทมจิต
    อ้ายแสนคิดคะนิงนำ ฮ่ำฮนสุดทนแล้ว
    ยิ่งเห็นแววสายตาเศร้า เห็นความเหงาเบ้าตาซุ่ม
    เจ้าตกหลุมความรักพ่าย ปานใจอ้ายสิขาดดอม
    คันเจ้ายอมลืมเขาได้ เก็บเศษใจที่ม้างหมุ่น
    อ้ายสิขอลงทุน คอยค้ำจุนหัวใจน้อง ประครองเจ้าเท่านิรันดร์..

  6. #6
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,558
    555..คือๆหล่านู๋น้อยสู้เขาหล่าอ้ายสิถ่าอ่านดอก

  7. #7
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    "ความในใจยังหมองเศร้า คึดนำเขาคืออ้ายว่า...นั้นละชาย
    เพราะได้หมายใจกับเขา พอปานเงาเคียงกายน้อง
    ใจหม่นหมอง เห็นคำอ้ายเผยวาจา มาอิ่มอุ่น
    หัวใจหม่นดวงน้อยๆ พอเห็นแจ้งสว่างทรวง
    คำเป็นห่วงจากใจอ้าย นางรับใส่ในดวงจิต
    แต่ว่านางมาหวนคิด มันคือผิดในตนแท้
    เขาบ่แล กับมาหาอ้าย จั่งคือใจสับสนน่อ
    ย้านบ่พอความดีอ้าย ใจนางน้องขออ่อนยอม..."


    ออย มีฮอดกองเชียร์ ท่านฟี่หายกะดาย เว้ยย

  8. #8
    หล่านางเอ้ย..ส่างมาเปรยวาจาต้าน คือผลักดันให้ไกลห่าง
    เป็นเพราะนางลืมบ่ได้ หัวใจน้องจั่งฮ่ำฮอน
    ยังคิดนำเขาอ้อนต้อน จั่งหลงป่อนคำเฉลย
    คิดนำคนที่เคยรัก ฮักห่วงเขาจนเกินร้อย
    อ้ายสิถอย..คันเขาบอกว่าฮักเจ้า คืนดีเขาอ้ายบ่ว่า
    เป็นที่ปรึกษาให้กับน้อง บ่เคยร้องเรียกสิ่งใด๋......
    ขอก้มเก็บความฮักไว้ ในหัวใจที่ล้าบิ่น
    คืนไปกินข้าวต้มโจ้ อยู่ในหม้อที่โจ่ไฟ
    ถึงความรักของบักอ้าย มายม้างหมุ่นปานฮอยปู
    บ่อิดูคิดผลักใส กะตามใจเถาะเนาะน้อง
    อ้ายสิคองจองใจถ่า ซับน้ำตาที่ไหลหล่น
    ขอเป็นคนที่ฮักเจ้า ไฟเผาร่างจั่งสิลืม...พุ้นแหล่ว..


    :l-:l-:l-

  9. #9
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31

    อายหน้าแดง

    ลืมเขาได้บอกอ้ายแหน่เด้อ ...ว่าติอ้าย จัดไปๆ


    ฟังจากควมอ้ายต้าน วาจาวอนให้นางต่อ
    ว่าสิขอซับน้ำตาให้ ยามนางพ่ายใจอ่อนแฮง
    อ้ายคือแสงฮุ่งหิงห้อย ถึงจะน้อยแต่บ่ดับ
    ปานคือสายน้ำคงคานับ หาใด๋บ่มีเท่า
    อ้ายเอ้ย...ที่นางวาจาเว้า กะย้อนย้านบ่สมเผิ่น
    ย้านนางตกกะเทินจะฮักหมั่น หมายมุ่งต่อพี่ชาย
    ย้านหัวใจอันเพียงหน่อย ผิดหวังคอยซ้ำตื่มต่อ
    ย้านอ้ายหน้อบ่ฮักแท้ ย้านนางแพ้ใจเทื่อสอง เด้น้อ...อ้ายเอ่ย


    :l-:l- ใจยังบ่สิ้นกลิ่นน้ำตา

  10. #10
    หล่านางเอ้ย...เว้าพื้นความฮักแท้ บ่มีแปรไปเป็นอื่น
    ทุกวันคืนมีแต่เจ้า เป็นเงาซ้อนบาดอ่อนแฮง
    คำแถลงแปลงคำต้าน บ่หวานเพราะเสนาะหู
    แต่ให้รู้เด้อว่าใจ ฮักเจ้าหลายจนเกินร้อย
    อดสาคอยทนรอน้อง มื้อหม่นหมองเมือหม่องเก่า
    เป็นฮ่มเงาให้เจ้าซ้น หลบฝนฟ้าบาดล้าเพลีย
    ย่านแต่เสือไลป่าเหี้ย ไปหาเหงี่ยอยู่เทิ่งเขา
    ควายสิไลลาเครา ปล่อยทำเลฤดูแล้ง
    ดินที่แหง...ฝนบ่ตกหยาดโฮ่ง โปรยลงพรำน้ำบ่ทั่ว
    มาล่อตัวะให้เขียดน้อย หลอยดิ้นแม่นท่าวตาย
    คือความรักของบักอ้าย มุ่งหมั่นหมายอยากตายฮ่วม
    สรวมถนอมต่อน้อง ตะผองเฒ่าชั่วชีวัง
    ภาพความหลัง...ซ่างมาปุนแปลงให้ ในใจกลัวขยาด
    ย่านเขามายาดเจ้า ดึงน้าวให้หน่ายหนี
    ย่านวจีวาจาต้ม ล่อให้จมลงเหวรัก
    พอเจ้าผลักตกลงตุ้ม ถมหลุมไว้..ตายทั้งเป็น...นั่นแหล่ว..


    :l-:l-:l-

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •