กำลังแสดงผล 1 ถึง 5 จากทั้งหมด 5

หัวข้อ: ....สายเกินไป...

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    ....สายเกินไป...

    อย่าเสียใจไปเด้อเด้อหล่า ตัดใจสาอย่าไห้ฮ่ำ
    ดวงตาก่ำน้ำตาย้อย ให้คอยกั้นทำนบใจ
    ความรักเธอเสนออ้าย หากมาสายกายเกินก่อ
    แต่กี้รอถ่าแต่น้อง จนหมองม้อยเมื่อยมะโน
    อ้ายทนโสกากลุ้ม มรสุมรักรุมถั่ง
    คิดว่าเหมิดความหวัง..แล้วทางอ้าย เป็นไปได้แค่มดแดง
    เพียรฮักแพงถนอมน้อง เจ้าผั่นมองหมางเมินค่า
    ทุกกิริยาบ่บ่งบอก หรือแสดงออกบอกรักชาย
    จำต้องลีลาย้าย เพื่อไปหาปลาวังใหม่
    จนว่าได้ไปพบพ้อ คนรออ้ายและรักจริง
    บ่แม่นอ้ายกลับกลอกกลิ้ง พ้อหญิงใหม่แล้วลืมหลัง
    อย่าคิดซังอ้ายเด้อนาง ให้ปล่อยวางสาเด้อน้อง
    ให้เจ้าคองอดคอยถ่า รักษาใจอย่าให้หม่น
    อ้ายคิดว่าคงบ่ดน สำหรับคนงามจั่งเจ้า ผู้อยากเว้า..ย่านแม่นหลาย อยู่แหล่ว..นางเอย..


    ....สายเกินไป.......สายเกินไป.......สายเกินไป...

  2. #2
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    สุดสมใจมะโนแม้ง ตามแฮงรักอธิฐาน
    ขอสุขสำราญจงมี พบคนดีและเพื่อนแท้
    ให้สายแนนได้มายู้ บุญชูนำส่ง
    เพื่อนยังคงอยู่เคียงข้าง สหายนี้ดังเดิม นั้นแหล่ว



    ดีใจนำเด้อจ้าเพื่อนรัก

  3. #3
    Banned

    วันที่สมัคร
    Oct 2010
    กระทู้
    757
    บล็อก
    4
    สายเกินไปติอ้ายชายซ่างวา
    น้องนางหล่าน้ำตาย้อยคอยทำใจ
    บ่ออยากไปปานได๋กะซ่างไล่
    หรือมีสาวผุไคคองคอยอ้าย
    เห็นอ้ายม่ายผ่านมาน้องเหลียวหา
    ทั้งน้ำตาไหลย้อยคองคอยท่า
    บัดวาอ้ายผ่านมาซ่างกล้าวา
    ไปสานางไปสาหาผุใหม่..พะนะ..

    แจมนำเด้อค่า อิสานลึกๆบ่อแข็งแรง..ขออภัยด้วย

  4. #4
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31

    พบปะพูดคุย



    สายเกินไปใจเกินแก้ เทียวมาแวนั่งแนมทาง
    สุดแต่ทางความฝัน ห่างไกลกันสาน้ออ้าย
    สาวได๋หมายมาต้อง จ้องมองชายให้เหลียวหล่ำ
    มองเขาสาอย่าได้กล้ำ ฝืนเห็นน้องหม่อมพะนาง
    ด้วยจิตใจบ่อยากรั้ง ใจพี่ให้ทุกข์ใจ
    คั้นมีไผ๋เข้ามาแทน หย่างเกี่ยวแขนของอ้าย
    นางกะยินดีด้วย พ้อคนสวยเท่าเทียมพี่
    พ้อคนดีมีใหม่แล้ว ลืมน้องแก้วสาเด้อ..อ้ายเอ่ยย

    :l-:l-

  5. #5
    ร่วมกิจกรรมนำความรู้ สัญลักษณ์ของ เซียนเมา
    วันที่สมัคร
    Jun 2009
    ที่อยู่
    Suratthani
    กระทู้
    1,450
    สายเกินไปในใจ อยากสิแก้
    เจ้าบ่แลโอกาสแก้ แม่นบ่มี
    แม่นผุใด๋ล่ะเฮ็ดให่มัน เป็นจั่งซี่
    เจ้าคนดีบ่ให้อ้าย ได้แก้ตัว...นางเอ้ย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •