อย่าเสียใจไปเด้อเด้อหล่า ตัดใจสาอย่าไห้ฮ่ำ
ดวงตาก่ำน้ำตาย้อย ให้คอยกั้นทำนบใจ
ความรักเธอเสนออ้าย หากมาสายกายเกินก่อ
แต่กี้รอถ่าแต่น้อง จนหมองม้อยเมื่อยมะโน
อ้ายทนโสกากลุ้ม มรสุมรักรุมถั่ง
คิดว่าเหมิดความหวัง..แล้วทางอ้าย เป็นไปได้แค่มดแดง
เพียรฮักแพงถนอมน้อง เจ้าผั่นมองหมางเมินค่า
ทุกกิริยาบ่บ่งบอก หรือแสดงออกบอกรักชาย
จำต้องลีลาย้าย เพื่อไปหาปลาวังใหม่
จนว่าได้ไปพบพ้อ คนรออ้ายและรักจริง
บ่แม่นอ้ายกลับกลอกกลิ้ง พ้อหญิงใหม่แล้วลืมหลัง
อย่าคิดซังอ้ายเด้อนาง ให้ปล่อยวางสาเด้อน้อง
ให้เจ้าคองอดคอยถ่า รักษาใจอย่าให้หม่น
อ้ายคิดว่าคงบ่ดน สำหรับคนงามจั่งเจ้า ผู้อยากเว้า..ย่านแม่นหลาย อยู่แหล่ว..นางเอย..
Bookmarks