กำลังแสดงผล 1 ถึง 6 จากทั้งหมด 6

หัวข้อ: แมงกว่างรำพัน

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    กระพริบตา แมงกว่างรำพัน

    ใต้ฮ่มแก พักฮ้อน ลมพัดอ่อน โชยมา
    สายตามองตามเสียง แมงกว่างดัง อยู่เทิงต้น
    ลังโตบินบนผ่าย เวหา ย่องยีย่อง
    เบิ่งลังโตผั่นฮ้อง เสียงแอ้ แอ้ดแล้วแอ๋
    โตแม่หยุดอยู่นิ่ง บ่ติงคิง สงบเงียบ
    ส่วนซุมบักเขาโค้ง ส่งเสียงท้า เสียดสี
    มีหลายโตเป็นปุ้ม เป็นซุม ย้อยยามหย่าง
    ลังโตตีต่อสู้ หวังสิแย่ง แม่นาง
    กว่างเอ้ยกว่างสีเข้ม ซ่างมางาม เป็นตาเบิ่ง แท้น้อ
    เจ้าสีแดงเคิ่งม่วง ใสเหลื่อม ดั่งพลอย
    คึดฮอดเด้ ตั้งแต่เป็นเด็กน้อย ได้ปีนป่าย หาจับ
    เทิงแมงกว่างแมงทับ จับเอามา ผูกขาเล่น
    ตาเว็นเพลเคยพาน้อง จูงแขนกัน ออกไปท่ง
    น้องเคยลงเล่นน้ำ สระน้อย ล่องลอย
    จนตาเว็นบ่ายคล้อย เจ้ายังขี่ ตีโปง
    ซิ่นเคียนเอิกบ่ระวัง อ้ายสิ่งเห็น ตากับแก้555
    เจ้ายังแวแวเว้า เสียงนัว หัวม่วน
    เบิ่งเจ้าลอยเล่นน้ำ มีสุขล้น เริ่งใจ
    บัดนี้นางใหญ่แล้ว ผั่นจรจาก เมืองเฮา น้อหล่า
    ปล่อยให้ชายคอยเหงา อยู่โพน เถียงนาน้อย
    ตั้งตาคอยอยากเห็นหน้า ตอนมื้อออกพรรษา นางน้อง สิกลับต่าว บ่น้อ
    หรือเจ้ามีบ่าวซ้อน แล้วป๋าอ้าย ผู้คิดนำ บ่น้อน่อ หล่าเอ้ย
    แมงกว่างรำพันแมงกว่างรำพันแมงกว่างรำพัน

  2. #2
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430
    ***กว่างเอ้ย ปีนี้ฝนมันแล้ง เจ้าผั่นแฮ่ง จรหนี น้อ
    ปล่อยบ่าวแถวลำชี ให้นั่งเหงา เหมิดแฮงล้า
    เจ้ามาป๋านาไว้ ลงไปไทย คว้าซ่าว
    ไปทำงานป๋าผุบ่าว ให้นอนคอยแอ้งแม้ง นอนแล้ง คือจั่งฝน แท้น้อ ผุสาวเอ้ย
    :l-:l-:l-

  3. #3
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    ยุบ้านข่อยเอิ้นแมงคาม ชอบยุนำต้นแก พอออกไข่แล้วกะสิตาย เป็นสัตว์อายุสั้น คึดเห็นบรรยากาศตอนเป็นเด็กน้อย ม่วนๆ ครับบ่าว

  4. #4
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    แมงคามเอามาซนกัน พอเซาม่วน กะเอามาจี่กิน อิอิ

  5. #5
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    787
    แม่นละครับแมงคามทางบ้านผม ม่วนๆครับอ้ายพล

  6. #6
    แบ่งปันความรู้และประสบการณ์ สัญลักษณ์ของ PLA2KEM
    วันที่สมัคร
    Jul 2012
    กระทู้
    201
    มีแต่คนโหดๆ แท้น้อครับ อาจารย์ บ้านผมเพิ่นจับมันมากินอ้อยตั๊ว ครับ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •