ธุจ้า สวัสดีจ้าพ่อแม่พี่น้องชาวบ้านมหาทุกๆท่าน จ้า มื้อนี้มื้อดี มื้อหวยออก ฮ่าๆๆ บ่แม่นดอกจ้าเนื้องจากมื้อนี้ มีพี่น้องมายามจากทางบ้าน หอบเอาลังขึ้นรถทัวร์ ข้ามป่าข้ามเขา มาเกือบเจ็ดร้อยกิโลเมตร เพื่อเอาแนวอยากแนวกินมาส่งลูกสาว กับลูกชายเลา แม่นแล้วจ้ามื้อนี้ เฒ้าแม่มายาม พร้อมทั้งของฝากสองลัง
ตำเตือน กะทู้นี้บ่เหมาะกับ ผู้ที่กำลังกินเจ เด้อจ้า ต้องกราบขออภัย บ่ได้ตั้งใจ แต่เจตนา ฮ่าๆๆ
ลังนี้ละจ้า
เปิดกล่องออกแล้ว กะ... ของโปรดทั้งนั้น
เริ่มที่ ส้มปลาน้อย ฝีมือแม่
แปรสภาพ แต่งองค์ทรงเครื่องแล้ว สอยตะไคร้ บักพริกหน่วย บักเขือขื่น ที่แม่เลาเอามาให้นำย้านลูกหาซื้อยาก ฮ่าๆๆ รอบคอบ
นึ่งเห็ดปลวก เพราะวั่งฮั่นเห็ดปลวกออกหลาย ออกในป่าแดงใกล้ๆเฮือน
บ่คึดหยั๋งหลาย ฟ่างค้างหม้อแกงเห็ดก่อนหมู่ ฮ่าๆๆ
บักค้อสุก
ขาดบ่ได้ หน่อไม้ กับ ใบย่านาง หอมผักตู่ แม่เตรียมมาให้พร้อมปรุง อิอิ
บักกอกเหิ่ม ต้นหลังเฮือน เอามาใส่ตำบักหุ่ง
บักพริกอ่อน เอามาใส่แกงหน่อไม้ กับ หักจั้มส้มปลาน้อย
บักขามอ่อน ส้มแข่วปิ้ดดดด
และของแถม บักลำไย ต้นยุเฮือนแม่โต่ เป็นบักลำไยกะโหลกหน่วยน้อยๆ แต่หวาน ยุจ้า
บักหุ่งหัวเหลือง ดกๆเฒ้าแม่ว่า อิอิ กินกันเบิ้ดบ้าน พะนะ
และถุงสุดท้าย แกะออกมาเป็น........คั่วจิหรีด นั้นเอง อิอิ เฒ้าแม่เลาเลี้ยงไว้ถ่าลูกชาย ลูกสาวเลา ของโปรด))))))))
Bookmarks