...ก้อยกุ้ง..แนวกินแลงกำพร้าผีน้อย..

[กำพร้าผีน้อย]

......คุณยายเพิ่นมาจากต่างจังหวัด มายามฮอดหม่อง..เอาแนวอยู่แนวกินมาฝากเพียบ..เพราะก่อนสิขึ้นรถสั่งเอาๆ จนเพิ่นว่า..อยากกินหยังกะเทศน์กินโลดเนาะ พะนะ..55..

..มื่อนี่สิกินแนวอยากที่สุดก่อน..คือป่นกุ้ง หรือก้อยกุ้ง...เมนูนี่บ่ผ่านไฟครับ
กุ้งฝอยที่คุณยายเพิ่นนำมาจากบ้าน ยังสดๆใหม่ๆยุ เอามาล้างๆๆๆให้สะอาด.กะจัดการเลย ขั้นตอนกะบ่ยากครับ...ตำพริกพอแหลกจักนอยกะเอากุ้งลงใส่่ครก..ใส่น้ำปลา..น้ำปลาแดก..ผงชูรส..ข้าวคั่ว..ใบผักแพว..ต้นหอมซอย..ใบหอมเป..บักกอกจัก 2 หน่วย..ตำให้เข้ากัน บ่ต้องตำให้กุ้งแหลก..ชิมเบิ่ง..ถ้าพอดีแล้วกะฟ่าวตักใส่จาน...






..ลงมือให้ยายชิมเองเลย..เพิ่นเดินทางมาเมื่อยๆสิใช้กะย่านบาป..หน้าตาออกมาดีเติบ..แซบคือเก่า...







..มีปลาส้ม ส้มปลาขาวส้อยมานำ..อันนี่ผ่านไฟครับ สุกเรียบร้อยแล้ว..



...กุ้งคั่วกะมี..เอามาต้อนซุมบ่กินดิบ...







..ยายมีข้าวเม่ามานำ..ข้าวเม่าทางวานรนิวาส..อ่อน-หอม นุ่ม...




..ผุนี่กะนำฮอยไฟมาคือเก่าหละ...พอดียายมีข้าวเม่ามานำ..กะเลยได้ห่อไปต้อยแข่วอยู่บ้านพร้อม..







...ขอบคุณเวบบ้านมหาดอทคอมครับ...

[บักขามป้อม]

โอ้ ก้อยกุ้งใส่บักกอก
เมนูนี้จำได้ว่าได้กินล่าสุดตอนไปยามเอื้อยทางกะสิน
โอยน้ำลายแตกจ้าอ้าย

ปล. กระทู้แรกแฮกหมานเนาะจ้า "กำพร้าผีน้อย"

[หนึ่ง]

น่าแซ่บๆๆ ถ้าซิให้กินแบบสนิทใจ ต้องแบบสุกจ้า

[มะเหมี่ยว]

อ่อยยยยยย อยากกินนำเด้ๆๆก้อยกุ้ง
น้ำลายไหลย้อยยยย
เบิ่งเด้ออออมื่ออื่นออกเจสิไปหากุ้งมาก้อยคือกันล่ะ.....

[ตรี ศรีเมืองใหม่]

สุดยอดครับเมนูนี้ ได้ 40 ดีกรี จักเป็กใหย่ๆ บ๊ะ ดึงหูกะบ่อออก อิอิ

[พล พระยาแล]

ก้อยกุ้งฝีมือมหาดุลย์ แซบอีหลีครับ อยากกินอยู่แต่เลาบ่ซวน 5555

[แจ่มใสยิ้มสวย]

น้ำมาคนกินกุ้งคร้าบพี่น้อง. อยากกิน

[ภูเบตร์]

ก้อยกุ้งใส่บักกอก
เมนูนี้พรุ่งนี้เจอกันตอนค่ำๆนะครับ

[จ่าเหลือง]

ฮาๆๆ กำพร้าผีน้อย แรก ข่อยเข้าใจ ว่า "กำพร้าเมียน้อย" เอิ้กๆๆๆ
เมนูสุดยอดครับ แจ่วกุ้งสดๆ คั่วกุ้ง ปิ้งปลาส้ม มื้อเที่ยง สิหล่อยไปจอบอีก ได้ข่าว ว่าสิแกงไก่บ้านใส่เส้น เอิ้กๆๆๆ

[ธิดายาเย็น]

เมื่อวานกะได้กินยุกุ้งเต้นแซ่บคือกานนนนน...อิอิ