สบายดีเนาะจ้าพี่น้องบ้านมหาทุกท่าน...ขอเป็นกำลังใจให้พี่น้องยิ้มสู้กับปัญหาต่างๆที่ผ่านเข้ามาในชีวิตจ้า...
ส่วนติ๋มเองเมื่อ2เดือนที่แล้ว กะสุขภาพบ่ค่อยดีปานใด๋ ห่างหายจากพี่น้องไปแหน่ ต่อไปกะบ่รู้ว่าสิเป็นแนวใด๋...
คืออ้ายบ่าวบอกอ้ายเชียงหั่นหละว่า เว็บบ้านมหาบ่แม่นศาลาคนเศร้าใด๋ กะซั่นกะม่วนๆกันต่อไปจ้าพี่น้อง บ่ว่าอิหยังสิเกิดขึ้น...สู้ๆๆ
ขอฝากเมนูเห็ดไว้ให้คึดฮอดกันแหน่เด้อ...เทือติ๋มหายไปอีก...บ่เศร้าเด้อจ้า เว้ามาหละปวดตับ...:l-
ลาบเห็ดเพื่อสุขภาพโกโลโกโสข่อยหนี่หละ อิอิ
เฮ็ดแต่เดือนที่แล้วพุ้น จำสูตรได้บ่บุ...
เห็ดสด2ชนิดล้างน้ำ มีเห็ดหอมสด 3ดอกตัดขาแก่ๆออกหั่น4ชิ้นต่อดอก+เห็ดออรินจิหั่นชิ้นพอคำ
จับยัดลงกระทะคั่วให้สุก ก่อนปิดไฟ ใส่น้ำมันหมากกอกเคิ่งช้อนชาคนๆให้ทั่ว ปิดไฟ
ต่อไปกะมีหอมแดงซอย ใส่ชามปรุงรสด้วย ซีอิ๊วขาว น้ำปลาแดกต้มนิดหน่อย น้ำตาลทรายหยิบเดียวพอ
ใส่พริกป่น ข้าวคั่ว น้ำพริกเผานิดเดียว คนๆ ชิมเบิ่ง คั่นรสพอดีแล้วกะใส่ต้นหอม+ผักชีซอยและเห็ด
คลุกๆพอเข้ากันดี ตักใส่จานโรยพริกแห้งทอด ใบสะระแหน่
เสริ์ฟกับผักสด ผักต้มแล้วแต่สิหามาได้หละจ้า...
ทีนี่ซุปเห็ด
เห็ดนางรม+เห็ดหอม+เห็ดแซมปิญอง+เห็ดนางรมญี่ปุ่นดอกสีเหลืองๆล้างให้สะอาด หั่นๆฉีกๆ
ใส่กระทะคั่วให้สุกพักไว้ เครื่องน่้ำพริกทุกอย่างนำไปคั่วให้สุก มีหอมแดง,กระเทียม,พริกกระเหรี่ยงสด,งาขาว+งาดำ
เอาใส่ครกโขลก ใส่เห็ดโขลกต่อ แล้วกะปรุงรส เกลือ ซีอิ๊วขาว น้ำปลาร้าต้มสุกนิดหน่อย
ติ๋มใส่น้ำหมากนาวนำ มักกินส้มๆ
ตักใส่ถ้วยโรยด้วยผักชี...เสริ์ฟกับผักต้ม ผักสด มาเด้อพี่น้องกินข้าวนำกัน
พอแล้วแลงย่อนอยู่จ้า....
ทุกมื้อนี่กินข้าวผัด ข้าวต้มไปก่อนหละเนาะ...
Bookmarks