สองเมนูจากบักอื๋อ(ฟักทอง)จ้า
สวัสดีพี่น้องป้องปลายไทบ้านมหาทุกท่านจ้า
เห็นวุ้นกะทิจากกระทู้ดีเจนู๋น้อยแล้วคึดอยาก
ไปโลตัสได้มาถุงหนึ่งกับกระทิกล่องหนึ่งแต่ทันได้มีโอกาสเฮ็ด
ย้อนว่าช่วงนี้ หาก่อฟื้นจากไข้ มีแต่อยากนอน แล้วกะคร้านๆ อิอิ
พอดีมื้อต่อมาได้บักอื๋อมาแกงใส่ไก่ กะเลยเกิดไอเดีย เหตุเกิดกะย้อนกระทู้อ่อมเนื้อใส่บักอื๋ออ้ายหนุ่มน้อยศรีสะเกษ
คึดว่าแบ่งบักอื๋อมาใส่วุ้นนำดีกว่า บักอื๋อมีประโยชน์พร้อม สิบ่ได้รู้สึกผิดที่กินหวานๆ มันๆอย่างเดียว อิอิ
ละลายผงวุ้นในน้ำเดือด ตักฟองออกเรื่อยๆ ใส่น้ำตาลแล้วแต่ผู้มักเด้อจ้าหวานหน่อยหวานหลาย
แต่ของขามป้อมเอาหวานพออ่อยหม่อยกะพอ แล้วตักแยกวุ้นออกเป็นสองส่วน ส่วนหนึ่งใส่บักอื๋อลงไป
อีกส่วนหนึ่งเอาไว้ผสมกับน้ำกะทิเพื่อสิเฮ็ดเป็นหน้าวุ้น ใส่เกลือในน้ำกะทิจักหน่อยให้ออกเค็มนิ๊ดนึงๆ อิอิ
บักอื๋อสุกดีแล้วกะเทวุ้นลงในถาด หรือภาชนะอย่างอื่นที่ในเฮือนพี่น้องมี
เอาวุ้นที่แบ่งไว้กับกะทิผสมกันแล้วตั้งไฟต่อให้กะทิแตกมัน
ค่อยๆ เทลงไปในถาด พอวุ้นเย็นแล้ว ตรงที่เป็นหน้าสิเซ็ทโตดีดขึ้นมาเองอัตโนมัติ
แต่ขามป้อมเทแฮงโพด บักอื๋ออยู่ข้างล่างลอยขึ้นมาเสย ฮ่าๆ
ตัดมายามเช้าจ้า ย้านมดกับแมงสาปมาลง ขามป้อมเลยเอาผ้าขาวบางมาปกถาดวุ้นไว้
ปรากฎว่า หน้าวุ้นเป็นฮอยผ้าขาวบาง ออย
ตัดแบ่งได้เลยจ้า เอาจานมาเด้อจ้าพี่น้อง หน้าตาพอไปวัดไปวาได้บ่น้อ
หวานมันรสชาติดี กินแล้วเข้าข้างเจ้าของว่า
แซบดีมีประโยชน์จากบักอื๋อพานะ บำรุงสายตา อิอิ
เอาต่อนงามๆ ใส่กล่องยัดใส่ตู้เย็นไว้สู่พี่น้องกิน เทื่อเพิ่นมายาม
พี่น้องสามารถดัดแปลงจากบักอื๋อเป็นข้าวโพด หรืออย่างอื่นได้เด้อจ้า เพิ่มสีสันและรสชาติ
หรือไผบ่มักกะทิกะใช้นมสดแทนกะได้คือกันจ้า
ต่อนที่งามแหน่ บ่งามแหน่จากขอบถาด กะกินเองสาก่อน
เอาเข้าปากไปแหน่แล้วตะตอนปาด อิอิ
เสร็จไปอย่างหนึ่งเมนูของหวานจากบักอื๋อ
บาดทินี้มาต่อกันที่เมนูของคาวจากบักอื๋อจ้า
แซบเทิงสองเมนูเลยจ้า
มาเด้อจ้าพี่น้องกินข้าวจ้า
ขอบคุณพื้นที่จากเว็บบ้านมหาดอทคอมจ้า
อ้างข้อความนี้
หึยยยยย้านตะคนอื่นจ่อยแท้น้อลังคนมีตะแนวแซบๆ ตัดกำลังกันคัก
Bookmarks