[สอบถาม] ปลาชะโด ปลากระสง นี่ทางอีสานบ้านเราเค้ากินกันมั้ยครับ

[Sukum]

ผมทำงานอยู่ปทุมธานีอ่ะครับ ปลาชะโดเยอะมากเลยเวลาตกปลาจะได้แต่ปลาชะโดไม่ค่อยได้ปลาช่อนกัน
นึกถึงสมัยเด็กๆที่บ้านผมที่อุบลนี่ไม่เคยเห็นปลาชะโดเลย เลยสงสัยว่าปกติแล้วทางบ้านเราเค้ากิน
ปลาชะโดกับปลากระสงกันมั้ยและมันคะลำอะไรหรือปล่าว

ปล.ผมลองกินแล้วล่ะก็อร่อยดี แต่ผมว่าสีมันน่ากลัวเลยกินไม่ค่อยสนิทใจเหมือนไอ้ช่อน(หรือปลาค่อ) บ้านเราอ่ะครับ

[บ่าวพล]

ปลาชะโด เอามาเฮ็ดส้มแช่บขนาดเลยครับ ส่วนปลากระสงเห็นแต่ทางบ้านเขาว่าเอามาแล่ตากแดดเป็นปลาแดดเดียวปิ้งหรือย่างแห้งๆ ผมกะบ่เคยกินดอกว๊าปลากะสงนี้กะดาย ........

[ฅนภูไท]

แม่นครับ หรือสิต้มส้ม กะแซบคือกัน ได้เหล้าจักขวดนิแฮงเข้ากันหลาย ถาได้มาอย่าลืมเอิ้นเด้อ สิไปเฮ็ดให้กิน เว้ามาน้ำลายไหล ...

[theerachat]

เว้าเป็นตาแซ่บน้อ จังชั่นทอดผ้าไปกลม1เด้อ ต้มแล้วมาเอิ้นแหน่

[เซียงสีผีเป้า]

กินมันโลดครับ ปลาโดแองโตใหญ่ ผมอยู้นครปฐม ไปตกเบ็ดเคยเห็นเพิ่นได้โตละสิบสองกิโล ทอกกขานี่ล่ะ ได้มาแล้วเพิ่นกะบ่กล้ากิน
ฮ่วยมันกะแมนมามผมซั่นแหล่ว เทิงลาบเทิงส้ม ได้เมือบ้านฝากอีพ่ออยุ่ร้อยเอ็ดพุ้นแหล่ว

ระวังดีๆเด้อครับ ปลาโดคันมันเป็นปลาลูกครอกอย่าลงไปเด้อ ดับแนวได๋ มีอยู่ครั้งนึงไปตึกแห มองไกลๆวาแมนปลาดุกเข้าหมู่ ถ่อเฮือใส่บักอย่างคัก ตึกลงไปเอาขึ้นมามีแต่ลูกปลาโด โตท่อแขนกิ่วสิบกว่าตัว คึดแล่วย่าน ห่าเทือตึกลงไปแล่วแหมันข่องหนาม ต้องลงไปปลด โอ้ยย่านหลาน แม่มันสวบคักแท้ๆ
ส่วนปลากระสง กะคือกัน กินโลดครับ บ้านผมอยู่ร้อยเอ็ดกะบ่มีคือกันแต่อยู่แถวนี่หลายคัก กินได้ครับ confirm

[บ่าวพรรณานิคม]

ปลาลูกครอกโตแดงๆหั่นเอามาเฮ็ดส่มปลาน้อยหรือวาปลาจ่อมหนิสุดยอดควมแซบเด้อพี่น้องตะวาตอนไปเอาลูกมันให่ระวังแม่มันเด๋ เจ้าสิสูญพันธุ์เอาง่ายๆคือบ่าวเซียงสีบอกนั้นหล่ะ อันปลากระสง บ้านข่อยเอิ้นว่าปลาหัวแหลม(ภาษาภูไท)เนื้อมันสิคือกันกับปลาค่อโตมันกะคล้ายๆกัน ตะวาโตใหญ่มันสิออกสีดำลายๆกินแซบคือกัน

[puipk]

แถวบ้านผมกะบ่มีคือกัน แต่ได้มาเห็นอยู่ทางอื่น เนื้อปลาโดโตใหญ่ๆ แล่บางๆเอาไปเฮ็ดแจ่วฮ้อนแบบเนื้องัวแซบแท่ๆเด้อครับเนื้อนุ่มดีคัก กับเฮ็ดส้มปลาโดแซบหลาย แต่แม่ลูกอ่อน หรือเคยมีลูกกะระวังไว้แหน่ บางคนกะผิดกะบูลเด้อครับ :)