ไปเลาะเบิ่งทุ่งนาทางเมืองมุกดาหารนำสาวมุกกันจ้า

[สาวมุก]

เมื่อวันที่ 1-3 ตุลาที่ผ่านมาได้มีโอกาสกลับบ้านนอกเมืองมุกดาหาร เลยเก็บภาพบรรยากาศอยู่ทุ่งนามาฝากพี่น้องบ้านมหาค่ะ



















[IMG]http://image.free.in.th/z/ix/uy117.jpgIMG]

[สาวมุก]

[ทิดจ่อย]

ท่งนาน้องหล่าคืองามแท้ บรรยากาศดีเนาะ แนมเห็นภูเขานำ
บักอิ๊กคิวมันใส่เบ็ดกบตริเห็นขุดดินอยู่ข้างคันแท
แม่นงูหรือหยังหล่าโตลายๆ เป็นย้านแท้


ปล. อั่นนางแบบคือเหงาโส่งโหล่งแท้หล่า อิ อิ อิ

[สาวมุก]

ท่งนาน้องหล่าคืองามแท้ บรรยากาศดีเนาะ แนมเห็นภูเขานำ
บักอิ๊กคิวมันใส่เบ็ดกบตริเห็นขุดดินอยู่ข้างคันแท
แม่นงูหรือหยังหล่าโตลายๆ เป็นย้านแท้


ปล. อั่นนางแบบคือเหงาโส่งโหล่งแท้หล่า อิ อิ อิ

นางแบบเหงาเพราะว่าเมื่อคืนเดินทางบ่ได้นอนน่ะค่ะ ไปฮอดบ้านกะเปลี่ยนเสื้อผ้าลงทุ่งนาเลยจ้า


ส่วนโตลายๆน่ะเป็นงูค่ะที่มาติดส่อนใส่ดักปลาค่ะ

[kapoloclikclik]

บรรยายกาศบ้านฮอด งานเด้
งูหยั่งนั่น..ข่อยคือบ่ฮู้จักน้อบาดนี่ มาเป้นตาย่านแท้จร้า

[จ่าเหลือง]

อืมปีนี้ น้ำท่าอุดมสมบูรณ์ ทางมุกดาหารข้าวงามดี น้อ ปูปลานาน้ำกะคือสิดีตาม

หลานอิกคิว กลับบ้านได้แลนเล่น กะได้ประสบการณ์ชิวิตอีกแบบ ยามข้าวใหม่ ขอข้าวเหนี่ยวหม่านึ่งจักหวด แน่เด้อแม่อิกคิว

[pcalibration]

บรรยากาศช่วงนี้กำลังสวยงามตามธรรมชาติ
ทิวเขาและท่งนาที่เต็มไปด้วยความเขียวขจี
เกือบสามสิบปีแล้วที่เคยไปอยู่ยังคิดฮอดบ่ลืม
สาวภูไทอำเภอคำชะอี55555

[ธิดายาเย็น]

ปลาซิวมะหลายคักแท้น้องอร ขอแนจั๊กถ้วยแต่บักดำๆขาวๆนั่นบ่เอาเด้อจ้า..หยิวววว

[อาวอ้วนเมืองยศ]

ข้าวปลาอุดมสมบูรณ์ดีน้อ น้ำดีน้อจ้าน้อปีนี่แมะ
อืมๆ ทางนี่กะเมือยุบ้านแล้ว สิเอามาฝากให้ไทบ้านอิจฉามั่งหละ

[บักขามป้อม]

ขอบคุณบรรยากาศข้าวแตกกอเขียวงามๆ
ขอบคุณบรรยากาศท่งไฮ่ท่งนาบ้านเฮาเด้อจ้า
สะออนปลาเด้เนาะ หมกใบตองย่างไฟคือสิหอมห่วยๆ
ท่าลูกซายถือบักจกเบิ่งแล้วกะอดยิ้มตามบ่ได้จ้า

ปล่อยให้เด็กน้อยอยู่กับธรรมชาติแบบนี้ ดีกว่าปล่อยไว้กับร้านเกมส์เป็นไหนๆจ้า