กำลังแสดงผล 1 ถึง 7 จากทั้งหมด 7

หัวข้อ: เทิดพระเกียรติในหลวง

  1. #1
    kuru
    Guest

    เทิดพระเกียรติในหลวง

    ข้าบาทขอกราบก้ม มือประนมขึ้นเหนือเกศ
    ขอเทเวศทั่วฟ้า เล็งตาพ้อแหน่เป็นหยัง
    ข้าน้อยขอต่อตั้ง เทิดพระเกียรติไว้เป็นกลอน
    ในหลวงคือจั่งบิดร ของประชากะว่าได้
    เพิ่นเสด็จทั้งไกลใกล้ เอาใจใส่ต่อพสก
    อันใด๋ต่ำกะยอยก พัฒนาเจริญแท้
    ทั้งภัยแล้งเพิ่นกะแก้ เหลียวเบิ่งแหน่น้ำฝนหลั่ง
    นำใสคือจั่งแก้ว ทางข้าวแหล่วเขียวขจี
    โครงการหลวงหมู่นี้ เพิ่นกะเอาพระทัยใส่
    ปราบฝิ่นปลูกเอาไว้ งามเกินข้าว่ากลอน
    สามัคคีบ่เดือดร้อน คำพ่อสอนประกาศสั่ง
    ให้มีจิตต่อตั้ง ฮักเมืองบ้านเสมอตน
    บารมีพ่อหลายล้น ภูมิพลองค์ประเสริฐ
    แม่นสิเกิดฮ้อยซาด ขอเป็นบาทฮองถวาย
    ถึงสิมีภัยฮ้าย อันตรายเข้ามาผ่าน
    ขอให้พระภูบาล อันตรายให้กรายพ้น
    ให้พ่อสุขลื้นล้น อยู่ตุ้มคนยั้งขม่อม
    ให้เป็นจอมราษฎณ์ไว้ ชั่วฟ้าดินสลาย
    สาแหลว ญาพ่อเอ้ย

    ขอพระองค์ทรงพระเจริญ




  2. #2
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    Re: เทิดพระเกียรติในหลวง


    เก่งแท้ ๆ น้อครับ ไปรับเงินหมื่นเมืองอุบลฯ โลดเด้อครับ ผมบ่บังอาจอิหลี ให้อ้ายทิดศรี เผิ่นนำแน่หล่ะ เผิ่นสิพาไปประกวดเนาะ

  3. #3

    Re: เทิดพระเกียรติในหลวง

    สุดยอดครับ

  4. #4
    TomUbon
    Guest

    Re: เทิดพระเกียรติในหลวง

    เก่งอี่หลีครับ สุดยอดไปเลย

  5. #5
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140

    Re: เทิดพระเกียรติในหลวง

    ให้ขอนำแหน่อเด้อขอรับ

    แปดสิบพรรษาราชาเจ้า พ่อหลวงเฮาเกล้ากระหม่อม
    เป็นจอมไทยเอกอ้าง เนาสร้างอยู่เสวย
    พ่อบ่อเคยหยุดยั่ง มีทุกข์หยังพ่อปลดปล่อย
    ให้ประชาไพรน้อย พลอยสร้างอยู่เกษม
    ปิติเปรมปรีได้ พี่น้องไทยได้ซ้นฮ่ม
    พระบรมสมภารกล้า ประชาเจ้าเข้าเพิ่งบุญ
    พระทรงหนุนทรงเกื้อ ทรงช่วยเหลือผู้ตกต่ำ
    ถึงระกำลำบากล้น พ่อทรงด้นเสด็จไป
    ทั้งอีสานเหนือไต้ พ่อหลวงไทยเสด็จผ่าน
    ถิ่นทุรกันดาร พัฒนาเขตก้ำได้ทสร้างอยู่กิน
    โครงการเหมิดตลอดสิ้น องค์ภูมินทร์เพิ่นคิดอ่าน
    ให้ชาวไทยทุกหมู่บ้าน เกษมสร้างอยู่บ่เซา
    บัดนี้ ข้าจักขอทูลเกล้า ถวายพรเจ้ากระหม่อม
    องค์พระจอมธรรมนี้ สุขขีล้ำลื่นโลกา
    พระพลาแข็งหมั่น สุขกระสันต์ซ้อนซื่น
    มีพระชนม์ยาวยืน ได้หมื่นพรรษาข้าม ได้หัวย้ามอยู่บ่อเซา
    เนาว์เป็นโพธิ์ปกเกล้า ประชาเฮาจนเท่าซั่ว
    รัศมีอย่ามืดมัว ให้ใสแสงสว่างจ้า จันทราแจ้งกะบ่อปาน
    พี่น้องไทยทุกหมู่บ้าน ร่วมประสานดวงจิตส่ง
    ถวายองค์ธรรมเจ้า น้อมเกล้าส่งพระพร............ข้าน้อย

    บ่อค่อยม่วนเด้อขอรับ แต่ว่าส่งจากใจอีหลี อดสาอ่านเอาเด้อ ป้องใส่จังหวะเอา

  6. #6

    Re: เทิดพระเกียรติในหลวง

    สุดยอดอีกแล้วครับ ให้ไปเลย 1 เต่ง

  7. #7
    TomUbon
    Guest

    Re: เทิดพระเกียรติในหลวง

    แต่งได้ม่านปานนี้ ไปเฮียนมาจากไสน้อครับ ผมอยากสิแต่งเด้ครับ ซวยแนะนำแหน่เด้อครับ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •