วิธีการปอกกระเทียมแบบรวดเร็วทันใจและง่ายๆจ้า

**บักขามป้อม** · 05-10-2011, 20:21

สวัสดีตอนแลงอีกรอบหนึ่งจ้าพี่น้องบ้านมหา
พอดีขามป้อมยาดคอมฯได้ โอ๊ะบ่แม่น
ได้มีเวลาหลังเลิกงานนั่งอ่านข้อมูลข่าวสารจากเว็บต่างๆ ไปเรื่อยๆ
กะได้พ้อกระทู้หนึ่งจากเว็บพันทิพ เพิ่นเอาลิงค์วิธีปอกกระเทียมวิธีง่ายๆมาแบ่งปันจ้า

ลิขสิทธิ์บน YouTube Credit By : https://www.youtube.com/watch?v=0d3oc24fD-c

พอตะได้เบิ่งคลิป แล้วกะเบิ่งคอมเมนต์แต่ละคนที่เพิ่นลองเฮ็ดแล้วได้ผล
กะเลยฟ้าวแล่นไปหาอุปกรณ์จ้า สิบปากว่าไม่เท่าตาเห็นเพิ่นว่า

ในกระทู้เพิ่นบอกว่าที่ได้ผลดีที่สุด รองจากกะละมังคือพ่อใหญ่ในคลิป
คือขวดน้ำที่เป็นแก้วมีฝาปิดขนาด 600 มล.
หรือกล่องพลาสติกแบบทัพเพอร์แวร์แบบหนาจ้า

ขามป้อมมีกล่องทัพเพอร์แวร์แบบหนาอยู่กะเลยลองเบิ่ง
แต่ในครัวมีตะกระเทียมกลีบน้อย ปรากฎว่าได้ผลอยู่จ้า
แต่กลีบน้อยสิได้เขย่าดนแหน่จักหน่อย เทิงกระเทียมกลีบน้อยเปลือกสิบางนำ
ต่างกับกระเทียมกลีบใหญ่ที่เปลือกสิหนา เลยร่อนโตดีออกก่อกลีบน้อย

เอามาฝากพี่น้องผู้มักกินกระเทียม หรือต้องปอกกระเทียมเทื่อล่ะหลายๆเด้อจ้า

ปล. บ่สมควรทดลองยามวิกาลจ้า ข้างบ้านสิอยากไล่

ขอบคุณข้อมูลจากกระทู้ในพันทิพจ้า
ขอบคุณพื้นที่จากบ้านมหาดอทคอมจ้า

**พล พระยาแล** · 05-10-2011, 21:46

ใช้ข้างมีดทำครัว กดลงบนกระเทียมให้แตกก็ปอกง่ายเช่นกันครับ

แนวเขย่าคือเสี่ยงเซียมซีนี่ บ่เคยเฮ็ดจักเทือ 5555

**pui.lab** · 05-10-2011, 22:14

พี่ปุ้ยกินทั้งเปลือกจ้าน้องป้อม ทุบๆมันก็ละเอียด
ขอบคุณเคล็ดลับดีๆจ้า

**แจ่มใสยิ้มสวย** · 05-10-2011, 23:49

รุนแรงแท่ปุ้ยกินกระเทียมทังเปลือก ขอบคุณค่ะขามป้อมช่างสรรหา

**siranee** · 06-10-2011, 06:55

ข่อยเฮ็ดนำเจ้าบ่ได้ดอกอิพ่อใหญ่เอ้ยซงยากอยู่จ้า

**บักขามป้อม** · 06-10-2011, 07:08

บ่แม่นแต่ยากเด้เอื้อย ปวดกล้ามแขนเบิด
ต้องผู้ข้อมือแข็งแรงอิหลีจ้า

ขอบคุณพี่น้องที่เข้ามาจ้า
วิธีนี้เหมาะกับกระเทียมกลีบใหญ่ แล้วกะผู้ที่ใช้ทีละหลายๆจ้า

คึดพ้อเมนูกุ้งแช่น้ำปลากับแหนมเนือง เนาะจ้าเอื้อยกระเทียมหลายๆแบบนี้:l-

06-10-2011, 07:10

เข้าท่าน้อจ้าวิธีปลอกกระเทียม ขอบคุณ PJ.ขามป้อมจ้า ต่อไปกะต้องเชคกระเทียมกันแล้วน้อ อยู่บ้านคือมีกะละมังบ่พอคู่จ้า ต้องไปซื้ออีกข้างมาปะกบกันแล้วจ้า เอ หรือว่าต้องอุปกรณ์ที่มีอยู่จังสิบ่ได้เสียงตังซื้อ ถ้าลองแล้วสิมารายงานผลจ้า อิอิ

ปล. ทางพู้นมียาดคอมกันอยู่บ่จ้า ทางนี้บ่ยาดกันแล้วจ้า ...อิอิอิ