:,1- สวัสดีจ้าพี่น้องบ้านมหา ในสภาวะน้ำท่วมทุกหนแห่งแบบนี้จั่งได๋กะขอเอาใจส่อยเด้อจ้า
ธุจ้า ขอให้คุณพระรักษา ให้อยู่รอดปลอดภัยในชีวิตและทรัพย์สินกันสุคนสุหม่องจ้า ขอให้เหตุการณ์ฟ่าวผ่านไปโดยเร็ว ...
มื้อนี้นู๋น้อยกะเลยมีเมนูมาฝากจ้า "หมกปลาหมึก" บางคนอาจจะคิดว่าแปลก
กะย้อนว่ามักกินหมก เห็นหยังกะเอามาหมกไปเบิ้ดแม้บ่มีใบตองกะยังบังคับให้เป็นหมกให้ได้ อิอิ
มาเริ่งเบิ่งกันเลยจ้า เริ่มที่ซื้อปลาหมึกสดๆมาจากตลาดใกล้บ้าน
ล้างทำความสะอาดให้เรียบร้อยแล้วกะหั่นให้พอดีคำ
เตรียมเครื่องแกงสำหรับหมก มีตะไคร้ ใบมะกรูด ข่า พริก กะเทียม และหอมผักตู่
เอาหมึกที่หั่นไว้แล้วใส่ในกะทะ หรือหม้อกะได้จ้า แล้วกะเอาเครื่องแกงที่โขรกแล้วลงไป
แล้วกะยกหม้อค้างบนเตาเปิดไฟอ่อนๆ
ระหว่างรอกะหันมาเตรียมน้ำปรุงหมก ได้แก่ไข่ไก่ หนึ่งฟอง เกลือ ชูรส
และน้ำมะนาวผสมเข้ากันแล้วกะตีจนฟู
พอหมึกเริ่มสุกกะเทน้ำปรุงลงไปจ้า
คนให้เข้ากันจ้า ในตอนนี้จะซิมก่อนกะได้ รสชาดจะเป็น เปรี้ยว เค็ม เผ็ด
ใส่หอมผักตู่ก่อนจะปิดฝาหม้อ
ปิดฝาจักครู่จ้า
สุกแล้วหน้าตา "หกมปลาหมึก" ออกมาเป็นแบบนี้จ้า
เมนูนี้กินกับข้าวสวยฮ้อนๆ จะเข้ากันกว่าข้าวเหนียวนึ่ง
สำหรับนู๋น้อย กินแบบนี้จ้า สะดวกตักราดข้าวไปนั่งกินหน้าโทรทัศน์ อิอิ
:*- เวปบ้านมหา อ้ายบ่าวคนเดิม และขอบคุณพี่น้องที่แวะมาเยี่ยมยามกะทู้ ขอให้มีความสุขกับการกินจ้า
Bookmarks