-
แบ่งปันความรู้และประสบการณ์
ตอบไห่ขะน้อยแนจ้า
มีไทอิสานทางได๋ที่คนทางใต้คะเจ้ามากว้านซื้อที่คือทางบ้านขะน้อยแนจ้า อั่นได้ยินเฒ่าแม่บอกวาคะเจ้ามาซื้อไว้อย่างหลายเลยวาสั้นปกติที่ทางบ้านเฮามันสิบ่อเป็นที่หมายตาของคนทางอื่นป่านได๋เด้แต่มาตอนนี่มันเป็นหยังคือมาถืกตาคนใต้น้อบาดนี่....แต่วาขะน้อยกะบอกเฒ่าแม่ไปแล้วล่ะวาอย่าขายเพราะในอนาคตมันบ่อแน่นอนบาดเทือเฮาบ่อมีหม่องไห่ลูกหลานเ้จ้าของได้อยู่แต่กะเป็นจังบุญเฒ่าแม่เลากะบ่ออยากขายคือกัน...แล้วพี่น้องบ้านมหาเคยมีคนทางภาคอื่นมาถามซื้อที่บ่อน้อจ้า แบบวามันสงสัยเป็นหยังคะเจ้าคือมาสนใจที่ดินแดนที่ราบสูงที่หลายๆคนบ่ออยากมาอยู่มาเที่ยวแถมยังถืกเอิ้นวาพวกเสี่ยวพวกลาวสั่นดอกหวา
-
ศึกษาหาความรู้
แถวบ้านข่อยกะมีคือกัน เป็นเช่นนี่ คงอาจสิเป็นเพราะว่า น้ำทะเลสิถ้วมภาคใต้ตามคำทำนายกะเป็นได่ เพราะแต่ละปีน้ำทะเลหนุ่นขึ้นปีละหลาย เซนติเมตร อยู่พอสมควร ฉนั่นพวกเฮาชาวอิสานจงร่วมใจกันต่อต้านการขายที่ดินอย่างแข่งขัน เพราะต่อไปในอนาคต พวกเฮาชาวอิสาน ที่พวกเพิ่นเอิ้น ว่าชนชั้นต่ำกะสิกายเป็นคนบ่มีแผ่นดินสิอยุ่ ขายที่แล้วใส้หนี่แล้ว เหลือนั้นกซื่อรถ แล้ว กะลด แล้วกะลด แล้วกะเบิด เสียวอนาคต แทนลูกหลานแท่ๆๆๆ
-
แบ่งปันความรู้และประสบการณ์
แม่นแล้วขะน้อยกะคึดไว้คือกัน
-
ศึกษาหาความรู้
บ่แม่นขะเจ้าซื้อไว้ถ่าเฮ็ดสวนยางบ้อนอเพราะทางภาคใต้ฆ่ากัน
เพื่อแย่งซิงการแบ่งเป็นรัฐอิสระยุพุ่นฆ่ากันเป็นว่าเล่น....เพิ่นเลยมากว้านซื่อที่ทางบ้านเฮาทางอิสานซั่นหนา
-
Banned
เห็นเพิ่นมาซื้อยุหลายร้อยไร่ทางร้อยเอ็ด เป็นบริษัทน้ำยักษ์ใหญ่ ทาง กทม. พู้นล่ะ ซื้อบ่ออั้นแต่ต้องเป็นแปลงใหญ่ๆ รวมๆกันขาย เพิ่นซื้อไว้ปลูกยาง เห็นวาทางใต้ไปกรีดยางบ่อได้แล้ว แต่ไปเพิ่นซิมาปลูกทางอิสานกัน คนใต้ที่ทำสวนยางกะเลยมาก๊วนซื้อคือกัน....
-
ศึกษาหาความรู้
ทางใดเผิ่นขายแน่ สิไปซื้อนำ เพราะว่าทางใต้อีก 10 -20 ปี กะสิเป็นทะเลหมดแล้ว ครับ
-
ศึกษาหาความรู้
ผมมาทำงานยุทางภาคใต้หลายปี เห็นชายทะเลฝั่งอ่าวไทยหายไปเกือบ 30 เมตรแล้วครับ
-
ผู้ช่วยผู้ใหญ่บ้านมหา
Mr.Reception
มีคือกันครับทางบ้านผม แต่ขะเจ้าสิเอาแบบ20ไร่ขึ้นไป....นายหน้ากะเป็นคนอีสานนี้ละ
-
ฝ่ายกิจการพิเศษ
....มีหลายเหตุผลครับที่เพิ่นมาซื้อ..แบบที่พี่น้องมาตอบนั่นหละ..ภาคอีสานเฮาเป็นที่ที่ปลอดภัยจากภัยธรรมชาติประเภทรุนแรงเช่น บ่มีรอยเลื่อนที่สิเกิดแผ่นดินไหวชนิดรุนแรง
บ่มีภัยธรรมชาติจากทะเล..สิมีกะแค่ฝนทิ้งช่วงเกิดความแห้งแล้ง และน้ำท่วมในฤดูมรสุมบ้างเท่านั้น..ส่วนใหญ่ภาวะน้ำท่วมทางอีสานเฮากะบ่ได้หนักหนาสาหัสคือทางภาคอื่น..ท่วมไฮ่ ท่วมนาซะเป็นส่วนหลาย แล้วกะบ่ท่วมดนเป็นเดือน สองเดือน...พี่น้องที่มีที่ทางกะอย่าไปขายให้ขะเจ้าเด้อ จ่งไว้ให้ลูกให้หลานได้อยู่ ทำมาหากิน...
-
ดีเจ นักจัดรายการ
ตามที่พวกอ้ายๆเพิ่นว่านั้นล่ะจ้า
อ้ายหนุ่มแก่นนครเพิ่นกะบอกคือกันว่า
อีกสิบปีข้างหน้า ทางภาคใต้สิปลูกยางบ่ได้ผลผลิตที่ดีคือเก่า
ประกอบกับทางอิสานเฮาพอปลูกแล้วได้ผล
เพิ่นกะเลยพากันเตรียมอพยพจ้า
อย่าพากันขายเบิดเด้อจ้าพี่น้อง
ต่อไปลูกอิสานกะสิบ่ต้องไกลบ้านพลัดถิ่นไปหาเฮ็ดงานทางอื่นจ้า
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks