มาพี่น้องไปซิดเบ็ดปลาขะแยงนำกานนนนน

[ฅนภูค่าว]

มื้อนี่คื่มฟ้าคื่มฝนเลยชวนทีมงาน บ้านฅนไท โคราชบ้านเอง ไปหาซิดเบ็ดเอาปลาน้อยมากินแลงเบิ่งกะน้า



ไปบ้าน กันผม บ้านเซียนเต้ย ว่าแล้วกะพากันขุดเงี่ยขี่ไก่เดือน(ไส้เดือน) มื้อนี่ไปกันบ่อครบทีม มีเซียนเต้ยเจ้าถิ่น เซียนเอี่ยว และ เซียนบ๊ะ



เป็นลำห่วยธรรมซาติ ซ่วงนี่น้ำหลาย ตั้งใจว่าสิเล่นปลาน้อยกันมื้อนี่ เลยใซ้เบ็ดเบอร์ #2กัน



โตแรกเซียนเต้ยหมานก่อนหมู่ ปลาขาวเปล(โคราชเอิ้น ปลากะละมัง)



โตที่สองเซียนบ๊ะได่ปลาขะแยงโตแรกของทีมงาน โตกำลังงาม





เซียนเอี่ยว กะบ่น้อยน่าหมู่ได่ปลาขาวเปลตามมาติดๆ (เซียนเอี่ยวว่า รอดโตไปแล้ว)



เที่ยวนี่เซียนเต้ยโชว์ผลงานลากปลาทูขื่นมา(ปลาสองโต)





บรรยากาศดีครับมื้อนี่บ่มีแดด ฝนตกหน่อยๆ(ฝนตกริน)เดี๋ยวตกเดี๋ยวหยุด





เอามาอวดกันของไผสิใหย่ก่อกัน โตใหย่บ่หนีกัน



เอาอีกแล้วเซียนเต้ยได่ ปลาทู....



เอาอีกแล้วเซียนบ๊ะ ปลาขะแยง




ส่วนโตนี่ ปลาก๋า (ปลาอีก่ำ)จักไปจังได๋มาจังได๋ มาหาแย่งกินเงี่ยปลาน้อยแมะ



ผลงานของทีมงาน กะโอเคหละมื้อนี่บ่ผิดหวัง

ขอขอบคุณ บ้านมหาดอทคอมที่เอื้อเฟื้อพื้นที่ใหนำเสนอ

มาพี่น้องไปซิดเบ็ดปลาขะแยงนำกานนนนน

จากเล็กๆน้อยๆของทีมงาน บ้านฅนไท โคราชบ้านเอง

[pui.lab]

ขอบคุณนำภาพบรรยากาศตกปลามาให้เบิ่ง
ตะก่อนปุ้ยก็มักตกปลาจ้า ถ้าอยู่ใกล้จิไปนำดอก
มีแต่ผู้ซายเขาตกปลา แต่ปุ้ยมักคือกันงงจะของ

[บ่าวกุดชุม]

ชีวิตหรือว่าวิถีชุมชนมันกะมีความสุขจั่งชี้ล่ะ เป็นตาไปนำอยู่ครับ ผลงานเป็นที่ประจักษ์ :b-b:b-b

[ไก่น้อย]

ปานได้สิว่างพาเซียน (โสดๆ) มาซิดทางสุงเนินน่อ อิอิ ... น้ำท่วมปลาหลายติจ้ทางนิคม
เฮดปลาแดก เมื่อกินบ้นเฮาแนเด้อ อ้าย แหะๆ

[หนุ่มน้อยศรีสะเกษ]

เป็นตาม่วนนอครับ บรรยากาศกะดี ปลากะเป็นตาแซบ

[บักขามป้อม]

มีตะผู้หากินหมานเนาะจ้าอ้าย
ปลากะแยงยามนี้ไข่เต็มท้อง
เอามาเอียบเกลือไว้จักคืน
นึ่งใส่ผักตำนิน ยอดแค กับตำแจ่วพริกดิบจี่
ป้าดด บ่พ้อดนแล้วจ้าเมนูนี้ กินเผื่อแหน่เด้อจ้า

[จ่าเหลือง]

ป้าด ท่าน ปลาอีก่ำ นั้น ก้อย คันใส่มดแดงส้ม คือ สิคัก น้อ ส้มปากเด้

[ธีระปลัด]

เป็นตามวนแท้ซิดซอดแจ้งโลด

[นู๋น้อย]

ผะบ่าวบ้านนี้เผิ่นหากินหม๋านๆเน๊าะจ้าอ้าย เป็นนำเปิงบ้านบ้อน้อจ้า :l-

[เซียงสีผีเป้า]

หากินหมานปานนี่ อยากไปนำเด้ เป็นตาม่วนเนาะครับ