อั่นสาวส่าฯ ย่างตลาด ..เห็นไข่ผำ... กะเลยคึดอยาก ...แต่ว่าเฮ็ดบ่เป็นดอก.. สิกลับเมือบ้านให้อิแม่ เฮ็ดให้กิน...
ไผ๋เฮ็ดเป็นกะบอกให้แน่ .. ....กะสิขอบคุณหลาย
ขอบคุณ : บ่าวพล ที่ให้ภาพมาให้เบิ่ง
ตำบักพริก กระเทียม หอมแดง ใส่เกลือนิดหน่อยเอาปลาย่าง หรือ ปลาแห้งมาตำใส่ลงไปให้แหลก ตั้งหมอใส่น้ำเอาะเจ๊าะ พอน้ำเดือดใส่พริกแกงที่ตำแล้วลงไปคั่วให้หอม แล้วกะล้างบักไข่ผำมาให้สะเด็ดน้ำแล้วใส่ลงไป ใส่น้ำปลาแดก จักหน่อย ชูรสจักหน่อยซีมเบิ่งจาง เค้ม คันแซบแล้วกะ ใส่ผักหอม ผักอีตู ปงลงโลด ฟ้าวซดฮ้อนๆให่มันลวกลิ้น เอ้ย บ่แมน มันจั่งแซบ
เบิ่งไข่ผำ ถ้ามันสุก มันสิเปลื่อนสีเด้อ สีมันสิแหล่กั่วเก่า ถ้ามันยังเขียวอยู่อย่าฟ่าวเอาลงเด้อ จบกระบวนการแกงผำ พะนะ เอ้าเชิญแซบ สะล่ะล่ะ
เกิดมาจากท้องพ่อท้องแม่ก็บ่อเคยเห็น และบ่อเคยกิน ไข่ผํานี้....อยู่แถวได๋มีชวนผมไปชิมเบิ่งแหน่เด้อครับ..
อ้ายบ่าวกะเดยเนาะ บักไข่ผำมันสิอยู่นำน้ำแหมะครับ สีเขียวๆลอยอยู่เทิงผิวน้ำ เอาเขิงไปส่อนเอา วาส่อนกะบ่ถืกปานได๋ ต้องบอกวาเอาเขิงไปแตะเอา เพราะคันส่อนเอาเลยมันสิติดขี่หยังเหยี๊ย กะเลยต้องเอาเขิงไปแตะให่มันลอดเข้ามาในเขิง ไผบ่มีเขิงกะเอากะต่ากะได้ กะด้งกะได้ กะเบียนกะได้ แล้วกะเอาถุงผ้าเย็บติดไว้ทางก้น ยามแตะกะเอาทางหน้าเขิงแตะลงน้ำไข่ผำสิลอดเข้ามาแล้วกะกระดกเขิงให้ไขผำไหลเข้าถุงผ้าที่ผูกติดอยู่ทางก้นนั่นหนา
ไข่ผำเป็นต้นอ่อนของบักหังเหยเด้อครับ ตะน่อยเม็ดกลมๆสีเขียวเอิ้นบักไข่ผำ พอใหญ่มาสีเขียวปนแดงเป็นแผ่นใหญ่กั่วเก่าทอจอมก้อย เอิ้นวาบักหังเหย ซั่นแหล่วกะบาทเอ้ย
http://www.baanmaha.com/forums/index....html#msg18205
ตามนี้เลยครับ
ป้าด อ้ายเซียง อยู่ไทอุบลฯ นำกันคือ บ่อฮู้จักไข่ ผำ แซบเอาฮ้าย.. ถ้าบ่เคยกิน ให้ไปบ้านเด้อ สิให้อิแม่หาให้กินกระทู้ต้นฉบับโดยคุณ ♪บ่าวเซียงน้อย♪
หากินยากน้อคับ ทุกมื้อนี้ บ่ได้กินมมาหลายปีแล้ว ..
ผมบ่ได้กินดนแล้วตั้งแต่เกิดมากะบ่ได้กินเลย เพราะว่าบ่รู้จัก อิอิ
ยุบ้านเจ่าบ่มีตี้ คือว่าเป็นหนุ่มบ้านนอกซั่นบ่าว ...
บ้านนอกอยุ่ แต่บ่รู้จักอิหลี มันมาจากไส ไข่หำเนี่ย เอ๊ย ไข่ผำ แมะ
กฎการส่งข้อความ
อ้างข้อความนี้