สิบโมงออกจากตูปน้อย เฒ่ายาวสร้างทันแล้ว ไปตามเส้นทางร้อยเอ็ด - เสล - โส - บล ครับ 555
ฮอดหว่างบ้านแคนหิวเข้าจ้าว จ้าวเลยแวะกินเที่ยงไก่ย่างบ้านแคน คือผุลังคน 555 ฮิ้ว
กินกับคณะดอกหวาบ่ได้กินคนเดียวดอก 555
มาฮอดหม่องพักฝนรินแซมแซะแซมแซะโห่งเอาะเจ๊าะแอะแจ้ะพอจื้นจื้นนี่ล่ะ
ใกล้ค่ำแล้วหาแนวฮองท้องก่อน ไคแหน่ได้ไกด์กิติมศักดิ์ ผุเพิ่นใส่หมวกบ่ถอดนั่นล่ะ 555
เบิ่งวิวริมโขงทางฝั่งลาวคึดฮอดผุลังคนจ้าวจ้าวยังว่า 555 ฮิ้ว
กินข้าวแล้วค่ำพอดี เบิ่งสีสันเลาะฝั่งโขงครับ
มื้อออกพรรษาเพิ่นกะไหลเรือไฟซั่นแหล่ว
จากหั่นกะไหลเบิ่งโคมไฟตั้ว 555 ฮิ้ว
ตื่นเซ้าฝนยังรินแซ่งแซะแซ่งแซะยุ มีแต่สิตกแฮงไปหน้า ยังว่า
สวยสวยจักหน่อยเดินทาง ไปดงหมากขามยักษ์ ของไกด์กิติมศักดิ์(อ.สวัสดิ์ สร้อยสิงห์)
เพิ่นเตรียมต้อนรับอย่างดีครับ ด้วยเมนูอาหารป่าสุดยอด
เมนูแรก หกล้อทอดกรอบครับ
เมนูที่สอง อ่อมคุณนายเหน ครับ
เมนูที่สาม ต้มเอี่ยนหน้าลาวครับ 555 ฮิ้ว
มาเด้อบาดนี้ได้เวลาลงมือแล้ว 555
กินข้าวแล้วเพิ่นกะพาตากฝนเลาะเบิ่งไฮ่หมากขามยักษ์ตั้วบาดนี่ 555 โปรดสังเกต หมากขามเพิ่น ห้าหน่วยต่อกิโลครับ
ก่อนสิจากกะขอถ่ายฮูปไว้เบิ่งยามคึดฮอดกันครับ พร้อมทั้งเพิ่นหาแนวต้อนแนวฝากผุไปยามครับ ( ขอส่ำแหน่จักหน่อย อ.สวัสดิ์ ใจดีคักเด้อครับ )
ขวดที่เห็นในภาพเป็นผลิตภัณท์ของเพิ่นที่ผ่าน อย.แล้วครับส่งออกนอกพุ้นล่ะครับ
สุดท้ายขอขอบคุณ อ.สวัสดิ์ สร้อยสิงห์ ที่ให้การต้อนรับอย่างดีครับ แล้วกะบ่ลืมขอบคุณบ้านมหาที่ให้พื้นที่แบ่งปันความสุขครับผม
Bookmarks