กำลังแสดงผล 1 ถึง 8 จากทั้งหมด 8

หัวข้อ: คืนฉันเหงา...คืนฉันเศร้า

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    กระพริบตา คืนฉันเหงา...คืนฉันเศร้า

    เลเลไหลเรื่อยเรื่อย ลำเลิง แม่น้ำแก่ง
    ลอยลอยไหล เลื่อนรี่ ลาแหล่ง แล่นเริง
    พอปานกับขอนไม้ ฟูฟอง ขี่ขนดอก
    ลอยไหลเลย ฮอดบ่มีบ่อนยั้ง ตามน้ำ แม่กระแส
    ชีวิตเอ้ย ซ่างบ่มีอีหยังแน่ มีแต่แปร ปลิ้นไป่
    พอปานขอนไม้น้อย ลอยน้ำ ล่องลอย
    ตั้งแต่น้อย น้องยังว่า บ่ลืมกัน
    ความสัมพันธ์ยังเกลียวกลม บ่ห่างลา สาบานไว้
    ว่าบ่มีใจเลี้ยว มีแต่เกลียว มั่นแก่น
    เจ้ายอมเว้า อ้ายคือแฟน คนอื่นบ่เกี่ยวข้อง อ้ายจำได้ บ่หล่าหลง
    บาดเจ้าลงมาใต้ เมืองไท ไกลจากถิ่น
    ซ่างมาหลง เผี่ยนสิ้น นาห้วย ฮ่อมเลิง
    ลืมฮอดเดือนอี่เกิ้ง เฮาเคยเบิ่ง เฮียงกัน
    ลืมฮอดวันออกพรรษา เฮาแห่เทียน เคียงข้าง
    ลืมกองฟางหม่องเคยพรอด กอดประโลม โน้มเหนี่ยว
    ลืมทางเทียว เคยส่งน้อง ตอนจวนแจ้ง จูบสั่งลา
    เจ้ามาอยู่เมืองฟ้า สังคมใหญ่ ทันสมัย
    ได้ควงแขน บ่าวเศรษฐีเมืองสุพรรณ นั่งรถแอร์ ฟอร์จูนเนอร์
    เจ้าซ่างเผลอใจเลี้ยว ลืมเฒ่ายาว ผุจอบผ่อ
    ขี่แต่ควายบักตู้ จ่มหาน้อง อยู่ซุวัน
    มันซ่างไกลกันแท้ ซินซาตา คนคือพี่
    หนีบ่พ้นดอกเรื่องเศร้า มันเป็นเจ้า ครอบใจ
    ความฮักเอ้ย...ไปสาเด้อ ให้เจ้าไปหวั่งหวั่ง อย่าหันหลัง มาเอิ้นสั่ง เด้อคำ
    ปล่อยให้คนมีกรรม ให้มันนั่งฮ้องไห้ ให้ตายถิ่ม อยู่ท่งนา
    ขอให้น้องเป็นดอกฟ้า สูงส่ง ศรีศักดิ์
    ลืมสาเด้อความฮัก ค่าส่ำดิน ของชาวทุ่ง
    เชยน้ำปรุง ลืมขมิ้น ของชาวดิน เคยขุดก่น
    ลืมเฒ่ายาวคนจนจน ขอให้น้องเป็นดอกฟ้า สาน้อง ขอส่งเสริญ ...หล่าเอ้ย
    คืนฉันเหงา...คืนฉันเศร้าคืนฉันเหงา...คืนฉันเศร้าคืนฉันเหงา...คืนฉันเศร้า
    แก้ไขครั้งสุดท้ายโดย หนุ่มหน้าลาว; 30-10-2011 at 08:51.

  2. #2
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    296
    55555555อยากให้บ่าวสุพรรณมาอ่านเด้

  3. #3
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    5555 ม่วนทุกแบบ ม่วนทุกแนว สุดยอดครับท่านพี่..

  4. #4
    ศึกษาหาความรู้ สัญลักษณ์ของ jong
    วันที่สมัคร
    Mar 2007
    กระทู้
    27
    ยอดเยี่ยมครับ อ่านแล้วคึดฮอดสมัยเก่าๆ ตอนอยู่บ้านเกิด เว่าแล้วกะอยากเมือบ้าน ไปนอนเบิ่งอีเกิ้ง อยู่เทิงแคร่ หน้าหนาว ข้างๆ แคร่ กะสุมไฟจั๋กหน่อย (เอามันแกวมาจี่ อิอิ)

  5. #5
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858
    อ่อยยยยยยยย อ่านแล้วมาหลูโตนเฒ่ายาวแท่น้อบาดนี่...........คริๆ

  6. #6
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    อ้ายเอ้ย วาดว่าไว้ วาดใส่แกวัง ฮังๆเหิง ม่วนระเริง เร็งจ้อง
    อันว่าโตของน้อง กะวาดใส่เอาเศรษฐี หวังอยากมีคาวมสุข
    ได้เว้นมาลาม้ม แมนสิสมกับอ้าย น้องกะบ่ายเบียงหนี
    อ้ายบอมีเงินแสน ย้านขาดแคลนเงินใซ้ น้องสิไปอยู่เมืองฟ้า
    บอได้ลาเอิ้นสั่ง ไปตามทางที่หวังไว้ อยากเป็นใภ้เพินเศรษฐีพุ้นแหล่ว


    อิอิอิอิ เว้าใส่ใจดอกเด้อ ที่จริงแล้วกะยังฮักเป็นห่วงอ้ายยุดอก

  7. #7
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    แหม่นเขาหนีย้อนเจ้าทุกข์
    หรือเขาอุกย้อนน้ำท่วม เลยบ่ฮ่วมทางเทียว
    ไปบ่แลบ่เหลียว ให้อยู่เดียวเหี่ยวแต่บแต่ง
    :,1-:,1-:,1-
    หน้าลาวนายแน่มาก

  8. #8
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    ตอบบ่าวพี

    บ่าวพีเอ้ย...น้ำท่วมทางอื่นเขา น้ำตาเฒ่ายาวท่วมบ้าน
    อยู่อีสาน เมืองเกินร้อย งอยโพน เลียบตาฝั่ง
    น้ำซีขังแถบบ้าน จังหารล่ม ดั่งกัน
    เชียงขวัญกะจมหมิ่ง ติงไปไส มีแต่แอ่ง
    ปานว่ามันบ่เคยแล้ง บาดยามท่วม ฮอดมิดหัว
    ระรานไปถ้วนทั่ว อมไปฮอด ทุ่งเขาหลวง
    เสลฯ ธวัชฯ กะจมมิด ข้าวเน่าเหม็น ตายเกลี้ยง
    เหลือเพียงแถวแถวบ้าน ปอภาร หม่องข่อยอยู่
    นาโนนพอเบิ่งได้ ฮวงข้าว ต่งเต็ม
    พอได้เล็มอยู่ตี้ท่าน แม่นบ่หมาน กะพอได้ปันแบ่ง
    ผู้เพิ่นท่วมเพิ่นแล้ง ยามมาเยี่ยม ย่องยาม
    ฟังข่าวน้ำ ทางไกล ท่วมคักแหน่
    เหมิดแอ๋แสกรุงเทพ หมู่คนย้าน แตกหนี
    คักอีหลีทุกข์น้ำท่วม ทรมาน แสนลำบาก
    อดเอาเด้อพี่น้อง บ่โดนดอก อาจสิบก
    คันบ่ตกมาเพิ่ม เพียงจักคราว กะคงเหือด
    เดือดร้อนเพียงสั้นสั้น บ่หลายมื้อ สิซื่นบาน
    ส่วนเฒ่ายาวอยู่บ้าน กะอุกคัก สาวลักหนี
    บ่าวพีเอ้ย จักเพิ่นไปทางได๋ บ่ข่าวคราว เถิงบ้าน
    จนโดนนานปานนี้ ปล่อยเฒ่ายาว คอยแล้งแล่ง
    น้ำตาไหลบ่เหือดแห้ง โถมท่วม ระหว่างใจ
    คันอยากไปอีหลีแท้ เป็นหยังน้อ จั่งบ่สั่ง
    สิให้อ้ายคอยหวัง อยู่เฮ็ดหยังล่ะน้อง กรูณาถ่อน โปรดสั่งลา
    คันเจ้าได้เป็นดอกฟ้า อ้ายบ่ถ่วงซาวดึง ไว้ดอก นางเอ้ย
    สิขอยอสรรเสริญ ฮอดสิยิน ดีด้วย
    คนสวยเอ้ย เจ้าไปไสนอหล่า ให้กลับมา โค้งต่าว
    บ่าวพีเอ้ย คันเห็นสาว เจ้าซ่อยบอกให้น้อง หันจ้ำ อ่วยเมือ แหน่เด้อ...
    ตอบบ่าวพีตอบบ่าวพีตอบบ่าวพี
    แก้ไขครั้งสุดท้ายโดย หนุ่มหน้าลาว; 30-10-2011 at 08:50.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •