หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

หัวข้อ: โอ้-อโยธยา

  1. #1
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1

    โอ้-อโยธยา

    โอ้..อโยธยา
    ปลายวสันต์น้อพลันเศร่าไทเมืองเฮาระอุอ่วม
    พายุกวมเมฆตั้งเค้าฝนกะเหล่าน้อรินตก
    ไพรพนาบ่มีฮกหล่วงลงมาเต็มพื้น
    ตกมากองนองคลื่นพังครืนจนล้นแอ่ง
    ธรรมชาติฟาดแหม่นแม้งแฮงล้นเข้าถั่งโถม
    อึกทึกครึกครามโคมถล่มลงมาทางเบื้อง
    ไหลผ่าเหมืองเมืองบ้านหลายสถานกำลังจ่อ
    จมลอยคอเปียกจื้นคืนค่ำอยู่บ่เป็น
    ถือเป็นทุกข์เข็ญข่อนชาวนครบ่มีหย่อน
    นับแต่เกิดเหตุฮ้อนนอนได้บ่อิ่มตา
    ขวัญผวาเขียวคืนตื่นฟังแถลงฟ้าว
    ทุกข์ของเฮาคราวนี่แสนเต็มที่ได้คิดฮ่ำ
    คือจั่งเทียบเหยียบย่ำฟ้ากระหน่ำดินสนอง
    นี่หละเป็นครรลองมนุษย์คนบ่มีพ้น
    ขอให่อดทนสู่เอ็นดูกันให่มันคล่อง
    ส่อยกันเด้อพวกพี่น้องลุงป้าครานี่ทุกข์ระทม
    ..ล่มแล้วเหงี่ยง..
    *****
    ฟ้าไม่เคยลำเอียงเพียงพิโรธ ให้เป็นบทเรียนว่าอย่าได้เหลิง
    พัฒนาประเทศไทยใหลระเริง เตลิดเปิดเปิงเหลือรอยที่ย่อยยับ
    พึงสดับในอาเพทด้วยเหตุผล อิทธิฤทธิ์อิทธิพลหนอคนเรา
    ความโง่เขลาที่กัดกร่อนจงย้อนดู ที่นี่คืออู่ข้าวน้ำตามระแวก
    พากันแหกกฏเกณฑ์เที่ยวเข่นขืน ธรรมชาติเกรี้ยวกราดจึงเอาคืน
    ไม่อาจยืนฝืนชะตากล้าลำพอง เราพี่น้องจึงต้องร่วมรวมรับผล
    ประเทศชาติขาดทุนจะหมุนวน การเริ่มต้นที่ยุ่งยากลำบากแสน
    ต่อแต่นี้เป็นจั่งได๋หนอไทยแลนด์ ความยากแค้นวุ่นวายดังสายป่าน
    ภาคแรงงานเคยช่วยด้วยกันหนุน เหมือนสิ้นบุญมาลาลับกับนที
    *****
    ศรี-อโยโศกากั้นเวียงสวรรค์หลุบหล่ม
    จมอยู่ใต้แผ่นน้ำสองก้ำต้องหล่องเรือ
    น้ำจากเหนือไหลบ่าสายธาราฟ้าถล่ม
    ปิงวังยมแม่น่านไหลสะท้านถิ่นสะเทือน
    ไหลบ่อิดบ่เอื้อนบ่หยุดหย่อนเข้ามาโทม
    ฟังระงมได้ยินเสียงสนั่นเนืองตีต้อง
    ไหลมากองมาท่วมไหลมารวมจนล้นอั่ง
    หยังกะหยั่งหยั่งย้อยไหลลงค้อยจากฝ่ายเหนือ
    ยามทุกข์เข็ญเฮาได้เห็นจิตต์เอื้อแจกเผื่อน้อปุณแปง
    น้ำสิใหลมาแฮงกะแข่งคนน้ำใจล้น
    มาหลูโตนคนทั้งค่ายญิงซายน้อยหนุ่ม
    เคยเกาะเกี่ยวกอดกุ้มแรงงานทุ่มเจ้าหลั่งไหล
    ได้แต่มองหมองไหม่เสียใจเด้เก๊แล้วแหม่
    เศรษฐกิจแฮ่งสินับมื้อแย่แลน้องกะบ่เห็น
    คราวต้องพลัดพรากเว้นเวรหากจ่องจำใจ
    เหลือแต่ฮอยอาลัยหล่องไหลไปนำน้ำ
    ได้แต่ฝืนกลืนกล้ำจำอำลาโอ๊ยหว้าเหว่
    อุกแท้เด้บาดนี่สิหนีหน้าหล่าเมือ
    ..เหลือใจเด๊..
    สู้สู้เด้อครับพี่น้อง
    ปล.ป้าลำซิ่งส์..น้องหญ้านาง ลำให้ฟังแหน่ครับ

    แก้ไขครั้งสุดท้ายโดย pcalibration; 18-09-2014 at 10:47.

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ซวดๆๆ...สุดยอดค่ะอ้ายพี สามารถอิหลีค่ะอ้าย..
    มองต่าง..อย่างปลง

  3. #3
    ศิลปิน นักแต่งเพลง สัญลักษณ์ของ ธีระปลัด
    วันที่สมัคร
    Oct 2009
    กระทู้
    529
    บล็อก
    8
    สุดยอด .............................. ถ้าฟังลำอยู่เด้อครับ

  4. #4
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ป๊าสสสส สมส่าสมลืออีหลีอ้าย ม่วนคักขนาด นับถือๆๆๆ

  5. #5
    ศึกษาหาความรู้ สัญลักษณ์ของ jong
    วันที่สมัคร
    Mar 2007
    กระทู้
    27
    คึดฮอดเมืองนว หม่องเคยนอน เคยอยู่ แต่โดนแล้วละ สู้ครับ ถ้าบ่ไหวกะกลับบ้านเฮา ตั้งหลักซะก่อน

  6. #6
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    แต่งแล้วกะร้องให้ฟังแนแมะหมอ ป๊าด ลักว่าแต่งหมอลำได้ปานนั่นบ่โดเนี่ย เบิ่งหน้าคือนักมวยแถะ 5555

  7. #7
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    หลานพีจ๋า ป้าก็อยากให้หลานพีนั่นแหล่วจ้าลำให้ป้าฟังกะดาย บทกลอนม่วนสุดยอดเลยจ้าหลาน

  8. #8
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430
    สุดยอดเด้อ อ้ายพี...
    บอกมากะนาลำทำนองได๋ สิให้เฒ่ายาวลำสู่ฟัง 5555

  9. #9
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    คือสิไปได้กับลำล่อง-ยาว สังวาสเมืองอุบลฯครับหนุ่มหน้าลาว
    ผมบ่ได้เป็นหมอลำ เพียงแต่มัก และได้ยินได้ฟังมา
    บวกกับช่วงนี่เห็นมหาอุทกภัยที่พี่น้องกำลังประสบอยู่กะเลยเกิดความรู้สึก(อิน)
    ขอบคุณทุกคอมเมนท์และอย่าลืมแรงใจแรงกายเพื่อส่อยเหลือพี่น้องที่กำลังประสบภัยครับ
    :l-:l-:l-:,1-:,1-:,1-:l-:l-:l-

  10. #10
    แบ่งปันความรู้และประสบการณ์ สัญลักษณ์ของ กะแยงนา
    วันที่สมัคร
    Apr 2009
    กระทู้
    211
    บล็อก
    2
    คราวต้องพลัดพรากเว้นเวรหากจ่องจำใจ
    เหลือแต่ฮอยอาลัยหล่องไหลไปนำน้ำ
    ได้แต่ฝืนกลืนกล้ำจำอำลาโอ๊ยหว้าเหว่
    อุกแท้เด้บาดนี่สิหนีหน้าหล่าเมือ
    ..เหลือใจเด๊..

    ....จำใจต้องบ่ายหน้าหอบห่อผ่าคืนถิ่นฐาน
    เมืองอีสานบ้านเฮายังรอรับโฮมต้อน
    เมืองมหานครยังหลับใหลใต้ท้องแม่คงคา
    น้องสิอ่วยกลับคืนมาแนมตากันตอนโรงงานเปิดเด้ออ้าย....

    มาต่อผญาจ้าญาอ้าย...ต่อได้ตามกะเยิมค่ะ :l-

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •