บ่าวจัยเมือบ้าน ซิดปลาอิก่า ปลากะแยง(แขยง)

[บ่าวจัย]

สวัสดีครับพี่น้องที่เข้ามาชมกระทู้ของบ่าวจัย หลังจากที่ผมได้ห่างหายไปด่นเติบแล้ว
บ่ได้ลงให้พี่น้องได้เบิ่งเลย(จักเขาอยากเบิ่งบ่ดอก)เว่าปานเพิ่นคักเนาะพี่น้อง55555 ตามมาเลยครับว่าสิหมานบ้อมื้อนี้

ตัดภาพมาตอนหาเหยือไปตกปลาเลยครับ ลักยามลี่พ่อเฒ่านี้ละเห็นมีกุ้งหลายโตยุ

ที่เห็นนะเป็นหมวกเด้อครับ บ่แม่นผมเอาล่มแม่ค้ามากางเด้

และนี้คือหม่องสิลงเบ็ดครับ ใต้ฝายน้ำล้นนี้ละครับ

อันนี้เป็นเบ็ดที่สิเอามาล่าปลามื้อนี้ครับ วางคันละเป็นพันไว้บ้าน เอาคันไม้ไผ่บ่กีบาทมาลง
ว่ามันสิหมานคือกันแนบ้อ ปลาธรรมชาดอีกต่างหาก

นั่งยุบ่ด่นปานได๋น้องเติ้ลกะได้ปลาเสียบธง(ปลาปากแหลม)แล้วแต่เปิงบ้านสิเอิ้นดอกเนาะครับ

ส่วนผมยังบ่มีแนวมาตอดเบ็ดเลยสงสัยสิแพ้เด็กน้อยแล้วละ คิดฮอดเบ็ดยุ กทม.เด้เนาะเอ๋:l-

นั่งยุนั่นด่นเติบปลาบ่แหลกเลย ย้ายหม่องดีกว่า ไปตกใต้สะพานฝายน้ำล้นดีกว่า
สมใจแล้วครับปลาอิก่ามากินแล้ว เสร็จละมื้อนี้บ่แห้วแล้วอิอิอิ

มีปลาใส่ถังแล้วหลังจากเก็บแต่ผักบุ้งใส่ไว้

มือสังหารน้อย น้องเติ้ล หมานคักเด้อมื้อนี้ มือขึ้นอิอิอิ

บาดนี้ถึงตาพ่อมันบ้างละ ปลากะแยงครับเก็บโตน้อยๆได้หลายๆมันกะสิพอกินยุดอกครับ

[บ่าวจัย]

หย่อนเบ็ดไว้รอปลามากิน มาตอดปุ๊บๆปั๊บๆแล้วครับเตรียมโตตวัดได้เลยครับ

นั้นแน้ ปลาอิก่าโตน้อยขึ้นมาให้โยลโฉมแล้วครับ

ส่วนผมกะปลากะแยงอีกตามเคยครับอิอิอิ

น้องเติ้ลปลากะแยงอีกแล้วครับ เด็กๆควรระวังเด้อครับปลาโตนี้มีพิษเด้อ
ปักเข้าไปได้ไห้แน่นอนครับ ปวดคัก

ส่วนผมปลาอิก่ามั้ง โตมันน้อยรึว่าผมโตใหญ่ว่ะ

ระหว่างรอปลามากินอีกเก็บภาพน้ำตกไปพลางๆเนาะครับ
เด็กๆอย่าไปเล่นไปตกปลาแบบนี้เด้อครับถ้าบ่มีผู้ใหญ่ไปนำตกน้ำตายเด้ สิหาว่าบ่เตือน

ปลากะแยงโตสุดท้ายของทริปนี้ครับ

มื้อนี้พอแค่นี้ก่อนเนาะครับฟ้าวไปเอ็ดกินแล้วสิเข้า กทม.ก่อนมันสิค่ำ

ปลารวมครับมีปลาอิก่าโตแปๆนั่นละครับปลากะแยงปลาสูดปลาขาวนา

มาฮอดเถียงนาน้อยกะฟ้าวดังไฟเลย ควันกุบถีบปานสุมไฮ่มันละครับ5555

เมนูมื้อนี้กะมีแกงปลาใส่บวบกับปิ้งปลา

ตำหมากถั่วกะมีเด้อครับเก็บเอายุข้างๆเถียงนานั่นละครับ
เป็นหมากถั่วพุ่มแม่เฒ่าเพิ่นปลูกไว้ ทุกอย่างหาเก็บเอา
บ่ได้ซื้อดอกครับทางบ้านเฮาน่ะ

ลากันด้วยภาพนี้ละครับ มีโอกาศอีกสิเอามมาลงให้พี่น้องเบิ่งอีกครับถ้าบ่คร้านเบิ่งก่อนอิอิอิ

ขอบคุณบ้านมหาที่เอื้อพื้นที่ให้บ่าวจัยได้ลงกระทู้ครับ

[pui.lab]

เอามาลงก็เบิ่งตั๊วจัย ยิ่งเหงาๆอยู่ ฮ่าาาา
ขอบคุณสำหรับภาพตกปลา ถ้ามีโอกาสพาเอื้อยไปตกนำเด้อ อิ อิ

[พล พระยาแล]

เบิ่งหมวกเพิ่น เห็นตอนแรก นึกว่านินจาเต่าตี๊ซั่นดอก 55555

[พงศ์น้อย ส กสิน]

ปลาเข็งน้อยติอ้ายจัย ฮ่าๆๆๆๆๆๆๆๆ ขอซดต่ะน้ำดอก เป็นต่ะส่วง รอกินเนื้อปลา คือสิเค่ะยากสั่นดอก ปลาคอใหญ่บ่ถืกเบ้ดบ้อ ฮ่าๆๆๆ

[chudhancock]

อยากกินปิ้งปลานำหลานบ่าวจัยจั๊กโตเด้ คือสิแซบ ปลาสิหลายเนาะจ้าได้หลายโตเนาะ
แกงลูกบวบ ต่ำถั่วกะเป็นตาแซบแท้ น่าอยากไปอยู่แถวบ้านหลานคือสิบออึกอยากแนวอยู่แนวกินเนาะจ้า

[สะใภ้อิสาน]

ลูกน้องบ่าวจัย ห้อยพระองค์โตแท้

[บักขามป้อม]

ติดตามกระทู้อยู่คือเก่านั่นล่ะจ้า
บ่เห็นดนๆ กะคิดฮอดคิดถึงบรรยากาศที่เคยเอามาฝากกัน
พากันหากินหมานเนาะจ้า
ปิ้งปลาก่ากินกับตำบักถั่ว เบิดเมียงทางแซบจ้าผู้ลังคนว่า
บรรยากาศกินข้าวกลางท่งแห่งเฮ็ดให้เจริญอาหารขึ้นก่อเก่า
คึดฮอดบ้านเนาะ

[lungyai1123]

บ่แม่นกะทู้แลกในลอบปีบ่น้ออออฮะเนี่ยหึบ่าวจัย
ละล้างห่างไปดนเติบแหล่วเพิ่น สี่แนะแหมนอ้งลุงใหญ่กะถ่าเบิ่งถ่าเซียยุ

[ฅนภูค่าว]

ได่การๆๆที่แท้กะหนีน้ำแก่งในกรุงเตป ไปหาหลอยซ้อมมือยู ตจว กะถือวาหมานมือขื่นตั๊วะนี่มื้อนี่ โตซำนี่หละกำลังแซบบบบ่ว่าสิปิ้งทาเกลือ ต้มใส่ใบขามอ่อน แกงใส่บวบหรือหน่อไม้ส่มกะแฮงแซบบบบบ :*- :*-