หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 26

หัวข้อ: ลมเปลี่ยนทาง....ย้านน้องนางเจ้าเปลี่ยนใจ

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    ลมเปลี่ยนทาง....ย้านน้องนางเจ้าเปลี่ยนใจ

    ออกพรรษาปลาบืนต้อน ข้าวนาดอนออกฮวงแก่
    เลาะคันแทแจน้ำข่อน ปลาเข็งน้อยได้แล่นฮน
    ฮู้ว่าฝนสิลาแล้ว แถวนาทามน้ำขาดหลี่
    ปีนี้ฝนส่งท้าย ส่างหลายล้นบาดสั่งลา

    สายลมหนาวหวนมาแล้ว จากอีสานสิลงหล่อง
    หมุนวนพัดสะบัดต้อง กอฮวงข้าวเนิ้งอ่อนเอน
    ดวงตาเว็นกะเอียงค้อย บ่อเที่ยงตรงคือก่อนเก่า
    คึดหลายเด เป็นห่วงนำแต่ใจเจ้า ย้านคือด้ามดั่งตะเว็น

    อีกหนึ่งเห็นสายลมล่อง ย้านประคองฮักบ่ออยู่
    เป็นคือใจยอดซู้ นางหล่าสิเปลี่ยนไป
    ใจเอยใจ มาเป็นสีอ้างว่าง บัดลมส่าเดือนสิบสอง
    คนที่เคยหมายปอง ย้านหล่องนำสายลมย้าย

    ฟังเสียงสายสะนูว่าว สะบัดลมอยู่ดื่อดื่อ
    คือแท้น้อ คือจั่งเสียงน้องเว้า บอกลาอ้ายได้ฮ่ำฮอน

  2. #2
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,369
    โอ้วๆๆๆกินใจหลายอ้ายทิดขุดยอดเลยออกมาแก้โต๋เบิ่งผุสาว555

  3. #3
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    ใจอ้ายคิดอ้อนต้อน ได้ติดบ่อยความเหงาจิต

    ย้านสายลมเป็นยาพิษ พรากฮักนางให้ลาอ้าย

    ฝากแหน่เด้อสายลมเอ้ย อย่าพัดเลยให้ใจสั่น

    ให้สัญยาของอ้ายนั้น ยังคงมั่นอย่าอ่อนเอน...แหน่เด้อน้องสาวเอย

  4. #4
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    วอนวอนเว้าสายลมหนาวเจ้าอย่าปั่น
    อย่าพัดผันใจน้อง ให้ลาร้างห่างพี่ชาย
    คือจั่งลายก้อนขี้ฟ้า ลมตีได้แตกแหล่ง
    อ้ายฮักแฮงแพงแต่น้อง ย้านเพม้างบัดห่างกัน

  5. #5
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    อ้ายย้านใจเจ้านั้น เบิดสัมพันธ์ป๋าถิ่มปล่อย

    ถิ่มให้รอเกี่ยวข้าวฮ้าง บ่คืนบ้านต่าวมา

    ย้านน้ำตาได้อาบหน้า กลางท่งนาลมหนาวล่อง

    ฝากสายลมไปกล่าวน้อง ให้คืนบ้านอ่วยแหน่เด้อ...

  6. #6
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    ย้านเจ้าเผลอปันใจให้ หนุ่มทางไกลที่ใกล้ชิด
    อ้ายคิดหลายจนว้าวุ่น ได้นอนไห้จ่มหา
    นอนกลางคืนอ้ายกะเหลียวเบิ่งฟ้าเผื่อสายตาน้องจอบส่อง
    เผื่อว่าน้องสิคิดฮอดอ้าย เอาตาจ้องส่องใส่ดาว

  7. #7
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31

    สายลมฟ้องว่าบ่...ลืม

    สายลมฟ้องว่าบ่...ลืมสายลมฟ้องว่าบ่...ลืม มีแต่ผุบ่าวเว้ากัน ผุสาวไปไสน้อ...

    ฤดูหนาวเข้ามาใกล้ ในหัวใจยังว่างเปล่า
    ฝากถึงบ่าวผู้อยู่บ้าน ผู้ขานเอิ้นอยู่สุคืน
    บ่ได้ตืนหลงเมืองฟ้า หนุ่มหน้าหล่อในเมืองหลวง
    ใจยังหวงหวนคิด ติดตามแต่นำอ้าย
    ฝากสายลมวอย ไปหาอ้ายฮอดปีใหม่นางคืนหา
    ทั้งวาจาและคำสัตย์ ยังผูกมัดจิตใจน้อง
    อ้ายอย่าหมองใจเศร้า ฝากเดือนดาวไปถามไถ่
    อยู่จั่งได๋น้อจ้าอ้าย สายลมฟ้องว่าบ่ลืม..........


    สายลมฟ้องว่าบ่...ลืมสายลมฟ้องว่าบ่...ลืม ร่วมแจมนำแหน่จ้าท่านอาจารย์ อิอิ

  8. #8
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    สายลมส่า ....ว่าแหม่นลืม

    เห็นแต่ลมพัดต้อง พัดใบตองขุหล่น
    ว่าแม่นคนผู้ห่างบ้าน ลืมแล้วบ่อห่วงหลัง
    หยังกะไปมิดจ้อย ได้แต่คอยอยู่หล่องๆ
    ว่าแหม่นโตอีน้อง ไปมีซู้ผู้ใหม่ควง
    หวงกะหวงย้านฮักฮ้าง ย้อนนางห่างไปไกล
    กดเลขหมายกะบ่อเห็น ทางหน้าจอกะแสนเวิ้ง
    ถ่าไปเหิงย้านแต่จ้อย โทรหาสายบ่อหว่าง
    คอยทางกะมิดจ้อย จักนู๋น้อยไปอยู่ไส........นางเอย

  9. #9
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    อ้ายเอ่ย..เปลี่ยนหากเปลี่ยนแต่สายลมต้อง ทางใจน้องบ่แปลเปลี่ยน
    คอยแวะเวียนวอนเว้า จาเจ้าอยู่ดั่งเดิม
    บ่เฮอเหิมคำคนล้อ ลวงนางให้ไกลห่าง
    สายลมจางทางใจน้อง ยังคองหมั่นถิ่นสถาน...อ้ายเอ้ย


  10. #10
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31

    พบปะพูดคุย อยู่ในใจเสมอ..ฮู้บ่ ^_^

    อยู่ในใจนั้นละอ้าย บ่ไปไสให้หายห่วง
    ถึงอยู่กวงไกลเยิ้น เมินสัญญานการติดต่อ
    บางเทื่อน้อเจ้านายเร่ง เฮ็ดหน้าเค่งยามรับสาย
    บ่ได้หมายปิดสัญญานเสียง หรือลำเอียงให้ใจวุ่น
    โถ๋พ่อคุณอย่าใจน้อย คอยตัดพ้อเอื้อนเอ่ยคำ
    :l-:l-

หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •