ช่วงที่ได้เมือบ้านตอนวันหยุดลาเพิ่นไปงานศพยายทางสกลเสร็จงานศพแล้วกะเลยเตลิดเข้าเมืองหนองบัวลำภู
ไปหาลูกมีเวลาบ่หลายตื่นเช้ากะฟ้าวไปนาไปซิดเบ็ดปลากะแยงอีกทางหนึ่งเพิ่นกะสูบน้ำออกจากป่าข้าว
เพราะว่าใกล้สิได้เกี่ยวแล้วแต่น้ำยังบ่แห้งเลยครับ ย้านได้เกี่ยวข้างลุยน้ำยุดอกถ้ารอให้มันแห้งเองนะพี่น้อง
เลยเป็นที่มาของเมนูของกะทู้นี้ละครับ และหม่องนี้ละที่สิลุยเก็บแมงกิซอน ตามมาเลยครับ
ส่วนตรงนี้คือน้ำที่สิสูบออกครับ น้ำท่วมข้าวเหลือแค่นี้ละครับพอได้คุยว่ายุนามีข้าว
ข้าวกำลังพอเม๋าเนาะครับบ่งามปานได๋ดอกซุมนี้มันดวงแข็ง น้ำท่วมบ่ตาย ช่วงพายุนกเต็นเข้าว่าแม่นสิบ่ได้เกี่ยวละเด้นิ
ถ่ายเล่นคักหลายหลังจากที่ถ่ายรูปตอนไปตกปลาแล้วมาถ่ายรูปป่าข้าวแบตเจ้ากรรมกะเบิ่ดแหมะพี่น้อง
ตัดภาพมาตอนได้แมงกิซอนเลยละกันครับ เอามาล้างขี้ตมออกให้เบิ่ดครับ สะอาดแล้วยกมาลงหม้อ
จัดการเสียบปลั๊กคั่วให้สุก ตอนนี้เริ่มสิหิวข้าวแลงแล้วครับ
สุกแล้วหยิบมาซิมจักโต ป๊าดดดดคั่วหน่อยๆเค็มๆเนาะครับ
พร้อมเสริฟแล้วครับ ลองเบิ่งเด้อครับหน้าตากะน่ากินยุเด้ละ แมงตับเต่ากะมีครับ
ผุได๋มักกินเมนูนี้กะคือสิว่าคักละครับแต่สำหรับคนบ่กินคือสิเบือนหน้าหนีเนาะแม่นบ้อ
แต่สำหรับผมฟาดเรียบ บ่เอิ้นกะสิกิน5555555
ลากันด้วยภาพนี้ละกันครับ ขอบคุณพี่น้องทุกท่านที่เข้ามาชมภาพของบ่าวจัยครับ
ทุกเสียงที่ทุกข้อความคือกำลังใจสำหรับคนโพส ถืกใจกะกดให้บ่ถืกใจกะกดให้เด้อ
Bookmarks