กำลังแสดงผล 1 ถึง 7 จากทั้งหมด 7

หัวข้อ: อยากไปอยู่...นครพนม

  1. #1
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884

    อยากไปอยู่...นครพนม

    น้องสาวเอย...สาวนครพนมคนงามหล่า อ้ายขอมาสิเอื้อนเอย

    อยากเป็นเขยบ้านเจ้า มีคนเฝ้าแล้วบ่น้อ

    อ้ายได้มาพบพ้อ อยากสานต่อก่อสัมพันธ์

    ย้านแต่เป็นเพียงฝัน น้องนางบ่เหลียวอ้าย

    มืออยากเดินถือฝ้าย คู่เครียงมัดข้อต่อ

    หวังเป็นกอฮ่วมต้น คอยช่นให้อุ่นใบ

    หากว่าบุญพอได้ คงได้ฮ่วมเครียงสอง

    พอประคองทางฝัน สู่วันที่หวังไว้

    หวังว่าใจของเจ้า บ่มีไผมาคั่นหว่า

    อ้ายขอหย่างฮ่วมน้อง ประคองสู้คู่นาง...แหน่เด้อน้องสาวเอย


  2. #2
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    ไปหยังไกลแท้น้อหลานวัฒจ๋า นครพนมนั่นเปลืองค่ารถ อั่นหม่องเพินอยู่ไกล้ๆกะมีตัวผุสาวนั่น อิอิอิ


    อ้ายเอ้ย แมนจริงใจจังอ้ายเว้า
    อั่นสาวนางกะบอว่า
    เชิญแวะหาได้สุมื่อ
    คือโตน้องนี่อยู่เดียว
    ขาดคนมาเว้าเกี้ยว
    เหลียวส่องมองแนมหา
    วาสนาพอซ่ำนาง
    ย้านบอสมกับโตอ้าย
    ย้านมาหมายแล้วหนีม้ม
    คั่นได้ชมแล้วหนีห่าง
    หลอกให้นางนี่ฮักแล้ว
    สมใจอ้ายแล้วผัดลืม นี่แหล่ว

  3. #3
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    381
    บล็อก
    63
    เอ๋าๆหล่าที่อยู่น่ะมันเลือกได่....แต่หัวใจน่ะมันเลือกยากเด้อวัฒนชัย

  4. #4
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    2,090
    ร้อยเอ็ดบ่อยากไปอยู่ที่น้อง มาๆ ซิพาไป อิอิ

  5. #5
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,197
    บล็อก
    3
    อยากไปอยู่ นครพนม คือกัน.... อิอิอิ

  6. #6
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    เป็นหยังน้อคืออยากไปอยู่นครพนม หนีน้ำท่วม หรือหนีซ้ำน้อ น้องซายอ้าย
    ถามเผิ่นก่อนเดอว่าเผิ่นอยากให้ไปอยู่นำบ่อ

  7. #7
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    หนุ่มเมืองน้ำปาวมาแอ่วสาวถิ่นลำน้ำโขง
    ขอฝากหัวใจเอาไว้เชื่อมโยงบุญมีก็คงจะอุ้มสม
    กราบไหว้บูชาลูกขอขมาองศ์พระธาตุพนม
    ด้วยเมตตามหานิยม แม่สาวตาคมจงเอ็นดู
    ธุจ้าธุจ้าธุจ้า

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •