น้องสาวเอย...สาวนครพนมคนงามหล่า อ้ายขอมาสิเอื้อนเอย
อยากเป็นเขยบ้านเจ้า มีคนเฝ้าแล้วบ่น้อ
อ้ายได้มาพบพ้อ อยากสานต่อก่อสัมพันธ์
ย้านแต่เป็นเพียงฝัน น้องนางบ่เหลียวอ้าย
มืออยากเดินถือฝ้าย คู่เครียงมัดข้อต่อ
หวังเป็นกอฮ่วมต้น คอยช่นให้อุ่นใบ
หากว่าบุญพอได้ คงได้ฮ่วมเครียงสอง
พอประคองทางฝัน สู่วันที่หวังไว้
หวังว่าใจของเจ้า บ่มีไผมาคั่นหว่า
อ้ายขอหย่างฮ่วมน้อง ประคองสู้คู่นาง...แหน่เด้อน้องสาวเอย
ไปหยังไกลแท้น้อหลานวัฒจ๋า นครพนมนั่นเปลืองค่ารถ อั่นหม่องเพินอยู่ไกล้ๆกะมีตัวผุสาวนั่น อิอิอิ
อ้ายเอ้ย แมนจริงใจจังอ้ายเว้า
อั่นสาวนางกะบอว่า
เชิญแวะหาได้สุมื่อ
คือโตน้องนี่อยู่เดียว
ขาดคนมาเว้าเกี้ยว
เหลียวส่องมองแนมหา
วาสนาพอซ่ำนาง
ย้านบอสมกับโตอ้าย
ย้านมาหมายแล้วหนีม้ม
คั่นได้ชมแล้วหนีห่าง
หลอกให้นางนี่ฮักแล้ว
สมใจอ้ายแล้วผัดลืม นี่แหล่ว
เอ๋าๆหล่าที่อยู่น่ะมันเลือกได่....แต่หัวใจน่ะมันเลือกยากเด้อวัฒนชัย
ร้อยเอ็ดบ่อยากไปอยู่ที่น้อง มาๆ ซิพาไป อิอิ
การที่จะประสบความสำเร็จได้ ต้องขึ้นอยู่กับความพยาม ความตั้งใจ สู้ฝ่าฟันอุปสรรคทุกอย่าง
อยากไปอยู่ นครพนม คือกัน.... อิอิอิ
:heart: ไทอุบล คนเมืองนักปราชญ์:heart:
เป็นหยังน้อคืออยากไปอยู่นครพนม หนีน้ำท่วม หรือหนีซ้ำน้อ น้องซายอ้าย
ถามเผิ่นก่อนเดอว่าเผิ่นอยากให้ไปอยู่นำบ่อ
หนุ่มเมืองน้ำปาวมาแอ่วสาวถิ่นลำน้ำโขง
ขอฝากหัวใจเอาไว้เชื่อมโยงบุญมีก็คงจะอุ้มสม
กราบไหว้บูชาลูกขอขมาองศ์พระธาตุพนม
ด้วยเมตตามหานิยม แม่สาวตาคมจงเอ็นดู
ธุจ้าธุจ้าธุจ้า
กฎการส่งข้อความ
อ้างข้อความนี้
Bookmarks