สวัสดีพี่น้องบ้านมหาจ้า
ในสถานการณ์ของเมืองไทยตอนนี้เฮ็ดให้พี่น้องหลายๆพื้นที่
ได้รับความเดือดร้อนโดยทั่วถึงกัน
ในภาวะแบบนี้กะขอเป็นกำลังใจให้พี่น้องที่กำลังประสบภัยทุกๆท่านเด้อจ้า

เกาะสมุยเองแม่นน้ำบ่ท่วมกะได้รับผลกระทบไปนำนั้นกะคือของกินของใช้ขึ้นราคา

รวมไปฮอดบางอย่างฮอดบ่มีขายเลย จั๊กสิเฮ็ดจั่งได๋ได้เนาะจ้าพี่น้อง
นอกจาก......... หาทางลดค่าใช้จ่ายของเจ้าของลงท่อนแหล่ว

แนวได๋มันบ่มีเฮากะบ่กิน หากินตำแจ่วลวกผัก แต่ผักกะแพงคักแท้ล่ะ
จากปกติในเกาะสมุยผักกะแพงอยู่แล้วแห่งไปกันใหญ่ ซื้อตะคะเจ้ากินกะบ่ไหว
กะเลยต้องหาทางออก....

ผักสวนครัวน้อยข้างออฟฟิศ

ผักสวนครัวน้อยข้างออฟฟิศ

ขามป้อมกะเลยเลาะเบิ่งข้างๆออฟฟิศว่าสิพอมีหม่องได๋ใช้ประโยชน์ได้บ่
สำหรับโครงการที่กำลังเกิดขึ้นในหัวนั่นกะคือ "ปลูกผักกินเอง"


ผักสวนครัวน้อยข้างออฟฟิศ


ผักสวนครัวน้อยข้างออฟฟิศ


ผักสวนครัวน้อยข้างออฟฟิศ



ย่างอ้อมไปข้างหลังออฟฟิศแล้วกะพ้อขั้นบันไดสารพัดประโยชน์
ตะเก่าเป็นสวนดอกไม้ที่ถูกปล่อยปละละเลย กะเลยดัดแปลงซะเลย
แต่กะบ่สามารถเฮ็ดคนเดียวได้ดอกจ้า ขอความร่วมมือกับป้าแม่บ้านเพิ่น
ขามป้อมซ่อยออกทุนไนผักกับซ่อยหดน้ำ แหะๆ


ผักสวนครัวน้อยข้างออฟฟิศ


ผักสวนครัวน้อยข้างออฟฟิศ


ฝั่งทางซ้ายมีผักชีลาว หอมป้อม โหระพา แล้วกะคะน้าจ้า
คะน้าอยู่ชั้นเทิงสุดกำลังป่ง แต่โหระพา หอมป้อม(ผักชี) ผักชีลาวป่งยากจักหน่อย


ผักสวนครัวน้อยข้างออฟฟิศ


ส่วนขวามือเป็นผักบุ้งจีน ผักกาดกะจ้อน(ผักกวางตุ้ง)สลับกันไป
เน้นไปที่ผักบุ้งหลายๆ ย้อนว่ามักกินผักบุ้งไฟแดง อิอิ


ผักสวนครัวน้อยข้างออฟฟิศ


ผักสวนครัวน้อยข้างออฟฟิศ

ผักบุ้งกำลังเกิดจ้า แยงเช้าแยงแลงภูมิใจขนาดจิมีผักบุ้งเป็นของเจ้าของแล้ว


ผักสวนครัวน้อยข้างออฟฟิศ

ป้าแม่บ้านเลาบ่ได้หยอดเป็นแถว แต่ว่าหว่านไปเลย
ก่อนหว่านกะเอาไนผักบุ้งแช่น้ำไว้สองคืน แล้วกะมาห่อผ้าไว้อีกหนึ่งคืน
พอตะมาหว่านได้มื้อหนึ่งกะป่งมาอย่างที่พี่น้องเห็นนี่ล่ะจ้า

ผักสวนครัวน้อยข้างออฟฟิศ

ผ่านไปสองมื้อผักกาดกะจ้อนกะป่งนำก้นมา

ผักสวนครัวน้อยข้างออฟฟิศ

ผักสวนครัวน้อยข้างออฟฟิศ


ผักคะน้ากะตามมาติดๆ แต่อยากซ้าก่อผักกาดกะจ้อนแหน่อยู่


ผักสวนครัวน้อยข้างออฟฟิศ

ผักสวนครัวน้อยข้างออฟฟิศ


และมื้อนี้เป็นการเจริญเติบโตล่าสุดของผักต่างๆจ้า
ต่อไปกะคือสิประหยัดเงินได้หลายเติบอยู่

ผักสวนครัวน้อยข้างออฟฟิศ

ผักสวนครัวน้อยข้างออฟฟิศ

ผักสวนครัวน้อยข้างออฟฟิศ

ขอบคุณพี่น้องซู่คนที่แวะเวียนเข้ามา

และขอบคุณพื้นที่การแบ่งปันจากเว็บบ้านมหาดอทคอมจ้า