สวัสดีครับพี่น้องบ้านมหาซุคน มื้อนี้เป็นโอกาศดีสิได้ปล่อยกระทู้อีกจักกระทู้ครับ
หลังจากที่เมือก่อนเมือบ้านไปซิดปลากะแยงมาแล้ว บาดนี้มาเล่นโตใหญ่ขึ้นกว่าเก่าเนาะครับ
สิหมานแนบ้อจักสิเป็นจังได๋ต้องติดตามเด้อครับอย่าฟ้าวปิดหนีเด้ออิอิอิ
และนี้คือทำเลสิลงเบ็ดมื้อนี้ครับ บรรยากาศดีแดดบ่ฮ้อนปานได๋(ตอนเช้า)อิอิอิ สายมายังบ่รู้
หลังจากลงเบ็ดไปประมาณสิบกว่านาทีเสียงเบ็ดของเพื่อนกะดังขึ้นข้างๆผม
แต่ว่าพี่เล็กเพิ่นเร็วกว่าแล่นมาคั่วคันไปลากขึ้นมาแหมะ เป็นปลานิลไซล์กำลังพอย่าง
มีดีดดิ้นนิดหน่อยครับ มันบ่ยอมง่ายๆดอกเนาะ แต่ขนาดปลาขังยุในไหยังแล่นจนว่าเก็ดถลอกพุ้นตั๋วะเนาะครับ5555
บาดนี้ถึงทีของบ่าวจัยบ้างละ เอาขึ้นมาโชว์นำเขายุเด้มื้อนี้เน้นปลานิลครับ
มีออเดอร์จากทางบ้านว่าต้องปลานิลถ่อนั้นปลาอื่นห้ามเอา คึดในใจยุดอกว่าปานกรูไปจับเอาในไหน้อซั่นดอก:l-
ไซล์กำลังพอดีกิน มีตะคนอยากสิมีออกกล้องนำเนาะ
นี้เป็นอาวุธสำคัญในการล่ามื้อนี้ครับ คันหนึ่งกะหลายพันยุครับ ส่วนของผมน่ะบ่กี่ร้อยดอก
แต่ว่าอย่าลืม หมานกว่าหมู่เด้อคันบ่กี่บาทกะดายอิอิอิอิ
พี่อำนาจกะอีกคนครับที่หากินหมานอิหลี พี่คนนี้น่ารักดีครับอารมณ์ดี
ที่สำคัญควักตังค์ดีคือกันฮ่าๆๆๆๆๆๆๆๆๆๆๆบ่เมาบ่เลิก
มือขึ้นอิหลีครับมื้อนี้ บ่แม่นถ่ายเอาแต่เจ้าของมาลงเด้ครับ คนอื่นมือบ่หมานแหมะมื้อนี้
ปลดปลาเสร็จแล้วกะเอามาใส่กะซังไว้ กำลังคุยว่าเจ้าของมือขึ้น ปลาดิ้นบาดเดียวตกน้ำต้ามเลย
Bookmarks