"http://www.thailandsusu.com/webboard/index.php?topic=205583.0ชาวกะเหรี่ยงสาละวินมาช่วยต่อแพให้ชาว กทม. "
นี้คือหัวข้อข่าวที่ขะน้อยไปอ่านเจอมาค่ะ ในฐานะที่เป็นคนอิสานคนหนึ่ง เฮ็ดให้ได้สะท้อนคิดว่า ขนาดเพิ่นเป็นกะเหรี่ยงแท้ๆ เพิ่นยังมีน้ำใจแสดงออก เฮาคนทางภาคอิสานเฮากะเป็นคนไทยคือกัน อยากเห็นภาพข่าวว่า..คนที่ทางภาคอิสานเฮาเหมารถไปส่อยทางกทม.นำแม๋ะค่ะพี่น้อง ..
อยากเห็นคนทางจว.อุดรฯ(บ้านขะน้อยนิล่ะ) หรือจว.ทางอิสานเฮาที่บ่เดือดร้อนน้ำท่วมเหมารถ พากันเอิ้นพี่เอิ้นน้อง ลงไปส่อยเพิ่น สมัครเป็นจิตอาสาเนาะค่ะ ส่อยกันคนละไม้คนละมือ เพิ่นสิให้เฮ็ดหยังกะเฮ็ดไปนำเพิ่นเนาะจ้า
ขะน้อยว่า คนเฮาสิเห็นกันกะในยามยากนี้ละเด้อค่ะ มันบ่เพียงแต่สิส่อยให้คนไทยเฮากลับมารัก สามัคคีกันอย่างเดียว มันสิส่อยให้ชาติบ้านเมืองเฮาเป็นไปในทางที่ดีขึ้นนำ อย่าลืมว่านี้น่าสิเป็นโอกาสดีที่เพิ่นสิเห็นภาพลักษณ์ของคนอิสานบ้านเฮาที่แท้จริงค่ะ น้ำใจกะสิเห็นกันในยามตกทุกข์นี้ล่ะค่ะ
ขะน้อยอยากเป็นอบต.เด้เนาะ สิเหมารถบัสจักคันซวนพี่ซวนน้องขึ้นไปส่อยเพิ่นแม่ะ เผื่อสิเป็นโอกาสนำล่อง ให้พี่น้องทางจว.อื่นๆเพิ่นอยากไปส่อยนำกันเนาะค่ะ
คนไทยด้วยกัน ส่อยเหลือกัน ฮักกัน สามัคคีกัน บ้านเมืองเฮาต้องเจริญไปหน้าแน่ค่ะ ขะน้อยเชื่อจั่งซั่นเพราะเห็นจากที่ปท.ที่ขะน้อยอยู่นี้เเพิ่นเป็นกันจั่งซั่นค่ะ ..
ปล. นี่เป็นแสดงความคิดเห็นส่วนตัวเนาะค่ะ ควรบ่ควรจั่งได่กะแล้วแต่สิพิจารณาเอาเนาะจ้า
Bookmarks