กำลังแสดงผล 1 ถึง 9 จากทั้งหมด 9

หัวข้อ: ดวงดอกไม้ แกมผญ่าออเยาะ

  1. #1
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492

    ดวงดอกไม้ แกมผญ่าออเยาะ


    ลิขสิทธิ์บน YouTube Credit By : https://www.youtube.com/watch?v=q7lCugSWllo&feature

    ดวงดอกไม้งามตาสูงค่า
    งามสง่ากลีบซ้อนสะออนเอ้อวดทรง
    ดวงมาลาต่ำเตี้ยไผเด้น้อสิมาส่อง
    เผิ่นหมายปองแต่ดอกฟ้างามตาสูงส่ง
    บุญผลาบ่สมเซื้อหงเจ้าเผ่าพงศ์
    อันว่างามดอกไม้งามละมัยผุดผ่อง
    แม่นสิสูงเกินจ้องยังมีมื่อหล่นโรย



    ดวงดอกไม้ แกมผญ่าออเยาะซ่ำหนิล่ะค่ะ พอดีหัดเฮ็ดวิดีโอลงยูทูบกะเลยเอามาฝากพี่น้องนำค่ะ ผญากะได้พอออเยาะ ติชมตามสบายเด้อค่ะ :l-
    แก้ไขครั้งสุดท้ายโดย จำปา; 26-11-2011 at 04:14.


  2. #2
    อันนี้ดวงดอกซ้อนซอนดอกชบาไพร
    ดอกหอมไกลกลิ่นหอมก่อมกันขูลูก้าน
    สะเลเตต้านต้อนต่อปอขะยอม
    สะมั่งหอมหวลคิดติดจิกคันจองเจ้า
    นางหอมดอกคัดเค้าเคล้าดอกฮังป่า
    ใจผวาฮอดซู้สิซูถ่าน้องบ่น้อ..........พี่แพงเอ๊ย

  3. #3
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    หลานจำปาจ๋าที่รักอื่อฮือ ผญาดวงดอกไม้ มวนแท้ๆจ้าหลานรัก


    ว่าสิเก็บดอกมาสอดใส่แซมผม เทิ้งอยากดมดวงสีพวงมารีบานแย้ม
    เก็บมาแซมสอดม้วนมวนมวยม้วยผมใส่ ลมพัดไกวกิ่งก้านดอกบานไม้ ได้กลิ่นหอม แท้น่า

  4. #4
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884
    เจ้าผู้สวยดอกไม้ งามไฉไลใจอ้ายหวั่น
    เพียงพบกันกะหลงเพ้อ ระเมอได้จ่มหา
    แค่เพียงพบพ้อหน้า กะพาใจอ้ายหลุดหล่น
    แม่หน้ามนต์ดวงดอกไม้ ใจอ้ายหลงคึดนำ...แท้แหล่ว

  5. #5
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    ม่วนจ้าน้องจำปา ดอกไม้กะงาม เอามาประกอบกับผญา สุดดยอดดดด

  6. #6
    เจ้าผุดวงดอกไม้ หอมไกลกุ้มกลิ่น
    รวยระรินระย้าย้อย ยลแล้วซื่นสนาน
    ยามลมพานพัดต้อง ก้านก่องอวยเอน
    ดุจดั่งเล่นลองเชิง เนิ้งนวยกวยล่อ
    งามละออระอินอ้อน ดั่งให้ป่อนมือบาย
    แต่หากกายเกินจริง ได้แค่หลิงเหลียวจ้อง
    แม่นหมายปองบ่อาจโน้ม น้าวกิ่งมากุมกอด
    ยื้อบ่ฮอดยอดด้อแด้ แค่แลจ้องพ่องสะออน....




  7. #7
    เสี่ยวคือเฮ็ดได่ ทั้งสวยทั้งเก่ง

  8. #8
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    เจ้าผู้ดวงผกามาลาไม้ บ่าวพี่ชายอยากดมดอก
    หอมกลิ่นซอกกลีบก้าน ส่างบานล่อบ่าวพี่ชาย
    ยามหย่างกายได้ยืนจ้อง อยากสิเป็นเจ้าของขอจองทังก้านหง่า
    วาสนานกกะปีดน้อย อยากงอยก้านก่องน้ำหวาน.....เบิ่งเด

  9. #9
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    ดวงดอกไม้หลากพันธุ์หลายสี ภูมรีปองจ้องจูมเจ้าเกสร
    ขาวนวลอ่อนจำปีแก้ว พอเห็นแล้วอยากดมดอม
    พวงพยอมหอมกลั้ว กลิ่นเจ้าหอมไกลแท้น้อ


    ขอบคุณค่ะที่มาแกมออเยาะนำ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •