มาเด้อพี่น้องมากินต้มปลาหลาด(ปลากระทิง)นำกัน

[ฅนภูค่าว]

พากันไปซิดเบ็ดมา เห็นปลาหลาดมีหลายโตเติบ เลยพากันต้มใส่บักกอกซดน้ำแซบๆเบิ่งกะน้าแนวบ่ค่อยได่กินดนแล้ว....

บ่ค่อยหมานปานได๋ มีเทิงปลากด ปลาขาวส่อย ปลากะแยง ปลาตอง ปลาหลาด บ่ว่าน้อยบ่อว่าใหย่เอาเหมิด





ได่ปลาหลาดมาเกือบสิบโต กะเลยจัดการคัวแล้วกะตัดเป็นต่อนๆ โตหนึ่งกะตัดสี่ตอนกำลังดี



ต้มน้ำให่เดือดๆ ปรุงเครื่องต้มตามที่หาได่แต่มื้อนี่ใส่ใบหม่อนลงนำหนึ่งมัด



เดือดได่ที่แล้วกะเทปลาลง ถ่าน้ำบ่เดือดเอาปลาลงก่อนมันสิคาว(อีพ่อ อีแมสิฮ้าย)



ปล่อยให่เดือดอีกจนปลาสุก แล้วจังฝานบักกอกลง หรือสิบีบเป็นน่วยลงกะได่



ซีมปรุงเครื่องอีกเทือจนไดรสซาดตามต้องการแซบๆกะตักเสริฟได่เลยครับ



มาครับมา มาซดนำกัน พกซ้อนมานำเด้อพี่น้อง เดี๋ยวสิซดบ่ทันเขา(บ่มีไผวางซ้อนให่ซด น้ำต้มปลามันแซบนำใบหม่อน)

ขอบคุณพื้นที่ บ้านมหาดอทคอม