กำลังแสดงผล 1 ถึง 9 จากทั้งหมด 9

หัวข้อ: วันเดือนปีสิเปลี่ยนย้าย....ใจอ้ายยังฮักเธอ

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    วันเดือนปีสิเปลี่ยนย้าย....ใจอ้ายยังฮักเธอ

    ฤดูกาลสิไหลเลื่อน วันเดือนปีสิเคลื่อนผ่าน
    แม้สายธารสิเหือดแห้ง หัวใจอ้ายหากดั่งเดิม
    อยากมาเสริมควมเว้า ที่สองเฮาเคยเว้าต่อ
    ไม้ไผ่บ่อถิ่มกอ เครือขอฮอบ่อหวานจ้อย ทางอ้อยบ่อเหล่าขม
    ลมเซาพัดใบไม้ หัวสิงไคไปอยู่ป่า ปูปลาลาจากน้ำ สองเฮานั้นสิบ่อไล
    ไหมบ่อกลายเป็นฝ้าย เสือโคร่งบ่อมีลาย แต่อ้ายกับน้องยังมั่นแก่น
    ฮักเป็นแฟนแหนแต่น้อง ใจยังฟ้องว่าบ่อลา
    พี่นี้ปรารถนาห้อย นำฮอยทุกบาดหย่าง
    ปรารถนาห่วมน้อง หมายไว้สิแต่งดอง
    งัวบ่อลืมเชือกคล้อง ทองบ่อกลายเป็นขี้กั่ว
    บัวบ่อลาจากน้ำ นาทามบ่อเป็นป่า
    ปลาบ่อเซาดีดบ้อน หนอนบ่อเซาเจาะปลาแดก
    ตาแฮกเซากินไก่ต้ม กะยังเว้าว่าบ่อลืม
    ฟืมสิลาผ้า ไหมแพรวาสิลากี่ ผีลาหม้อดินปั้น ยืนยันได้ว่าฮักนาง
    ดวงอาทิตย์สิขึ้นผิดข้าง น้ำทะเลสิจางจืด
    โลกสิมืดบ่อแจ้ง แสงดาวน้อยบ่อหุ่งใส
    เอี่ยนสิขึ้นอยู่ปลายไม้ มดแปลงฮังในน้ำแก่ง
    ฝนสิแล้งน้ำสิท่วม ควมฮักอ้ายบ่อเปลี่ยนนำ
    คึดฮอดคำสัญญาเว้า แม้ใจนางเจ้าสิเปลี่ยน
    เกวียนสิลืมไม้ค้ำ อ้ายยังย้ำว่าฮักเดอ



  2. #2
    Banned

    วันที่สมัคร
    Oct 2010
    กระทู้
    798
    บล็อก
    4
    ยกแม่น้ำทั้งห้า หาแนวมาเว้าต่อ
    ย่านแต่ตกคำกล่าวล่อ พอให้ได้คิดนำ
    ซิบ่อลืมกันได้ คำชายนั้นกะว่าไป
    บัดห่าพ้อสาวใหม่ แม่ไฉไลสะโอดองค์
    ย่านแต่ชายประสงค์ หลงนงค์นางจนลืมน้อง
    ไปล่ำมองแต่สาวอื่น ปล่อยให้น้องยืนท่าเป็นบ้าป่วงยุผุเดียว..ละชายเอ้ย..

    อิอิ มั่วๆ แจมนำแน่จ้า
    แก้ไขครั้งสุดท้ายโดย หนึ่ง; 30-11-2011 at 09:55.

  3. #3
    ร่วมกิจกรรมนำความรู้ สัญลักษณ์ของ เซียนเมา
    วันที่สมัคร
    Jun 2009
    ที่อยู่
    Suratthani
    กระทู้
    1,702
    ถึงฟ้าสิเปลี่ยนสี
    ถึงปีสิเปลี่ยนใจคน
    ผุข้าคนจนบ่คิดเปลี่ยนใจ...

  4. #4
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    ยกคำอ้างฤดูผันสัมพันก่อ
    โอน้อใจคนเอ้ย..ส่างเขยเว้าเปลียบเปลย
    พองเฉลยคำล้อ..คารมหวานป่านตาลปี๊บ
    ย้านเด้ย้าน..หวานคำคนปนตะกั่ว
    เพียงมาตั๋วออยเว้า..สมใจเจ้าแล้วเซินหนี



    สิมีผุสาวเซือจักคนบ่น้ออ้ายเอ้ย

  5. #5
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    381
    บล็อก
    63
    เถิงวันเดือนสิเปลี่ยนย้าย...หัวใจอ้าย(ลุงใหญ่)กะบ่เปลี่ยนไปดอกนางเอ้ยๆๆ หุหุอิอิ

  6. #6
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    อ้ายเอ้ย ซาติปากเว้า เป่าลมลวง ให้ม้มผ่าน
    ย้านบอทันสิม้มมื่อ อันคำเว้ากะเปลี่ยนไป
    ย้านแต่ใจนั่นของอ้าย โอนเอียงไปย้ายบอเที่ยง
    ตะเว็นเอียงบ่ายย้าย ย้านใจอ้ายนั่นอ่วยตาม
    วันเดือนปีกะเลยข้าม ตามเวลาฤดูผ่าน
    ย้านคำจ๋าของอ้ายนั่น สิผันปลิ้นเปลี่ยนไปอ้ายเอ้ย

    มาแจมนำลูกเขยอีกแล้วอันผญาแม่เฒ่าเว้าเล่นๆแจมแทนลูกสาว ซั้นดอกวา อิอิอิ เห็นผญาเว้า
    กลอนลูกเขยมาซ่างม่วน

  7. #7
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    อ้างถึง กระทู้จำปา

    ยกคำอ้างฤดูผันสัมพันก่อ
    โอน้อใจคนเอ้ย..ส่างเขยเว้าเปลียบเปลย
    พองเฉลยคำล้อ..คารมหวานป่านตาลปี๊บ
    ย้านเด้ย้าน..หวานคำคนปนตะกั่ว
    เพียงมาตั๋วออยเว้า..สมใจเจ้าแล้วเซินหนี


    สิมีผุสาวเซือจักคนบ่น้ออ้ายเอ้ย


    นางเอย..........
    บ่อได้หมายมาอ้อน
    บ่อได้หวังให้ไผมาออนซอนนำคำอ้ายแถลงกล่าว
    บ่อได้ป่าวประกาศฮ้อง ให้คนฮู้ฮักบ่อลืม
    บ่อได้หมายให้ไผปลื้ม นำคำออดอ่อย
    อยากระบายควมฮู้สึกแค่นิดน้อย
    อย่าฟ้าวต้อยว่าอ่อยสาว...หลายเถาะ จำปาเอย

  8. #8
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    อ้างถึง กระทู้ Chudhancock
    อ้ายเอ้ย ซาติปากเว้า เป่าลมลวง ให้ม้มผ่าน
    ย้านบอทันสิม้มมื่อ อันคำเว้ากะเปลี่ยนไป
    ย้านแต่ใจนั่นของอ้าย โอนเอียงไปย้ายบอเที่ยง
    ตะเว็นเอียงบ่ายย้าย ย้านใจอ้ายนั่นอ่วยตาม
    วันเดือนปีกะเลยข้าม ตามเวลาฤดูผ่าน
    ย้านคำจ๋าของอ้ายนั่น สิผันปลิ้นเปลี่ยนไปอ้ายเอ้ย

    มาแจมนำลูกเขยอีกแล้วอันผญาแม่เฒ่าเว้าเล่นๆแจมแทนลูกสาว ซั้นดอกวา อิอิอิ เห็นผญาเว้า
    กลอนลูกเขยมาซ่างม่วน


    ผญาเว้าเล่นคือม่วนแท้ครับคุณแม่
    บ่อได้เห็นลูกสาวได้เห็นคุณแม่กะดีใจแล้วล่ะคร้าบบบบบบบ อิ อิ อิ

  9. #9
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    อิอิอิ ขอบใจจ้าลูกเขยฮักของแม่เฒ่าที่อุตส่าชม
    ขอบใจที่ให้การต้อนรับแม่เฒ่า อันเรื่องลูกสาวนั่น
    กะขอให้ใจเย็นๆเอาไว้ก่อน ตอนนี่เขายากการยากงานยุจ้า
    แต่เขากะยังคิดฮอดลูกเขยแม่คือเก่านั่นหล่ะจ้า




    ขอให้จริงจังหว่าสัดจ๋าคำให้เจ้าแน่
    อย่าสุแค่มาเว้าเล่นให้ตกล้อหลุมลวง หลายเถาะ อิอิอิ ต่อหน่อยนึง พออย่าเสีย อิอิอิ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •