ได้หน่อไม้ถุงมาจากภูกระดึงหลายถุงย่านกินบ่เบิดเลยคิดหาเมนูหน่อไม้มาเฮ็ดสู่พี่น้องบ้านมหาเฮาจ้า บ่เคยเฮ็ดเลยเมนูนี้เคยกินตะแม่เฮ็ดจำสูตรเลามาดอกจ้า แซบบ่แซบจังได๋กะย่องกินเอาเด้อจ้า
หน้าตาพอไปวัดได้บ่
หน่อไม่เขี่ยนแล้วกะนำมาอุใส่น้ำยานาง ทุบหัวตะไคร้แป๊ะๆใส่นำจ้า
ได้อุหน่อไม้แล้ว
เครื่องปรุง กะมี ถั่ว งา ใส่งาดำเพื่อสุขภาพนำจ้า
แตงกวาสับๆๆๆๆจ้า
ตำแจ่วปลาทูใสนำจ้า แม่บอกว่าใส่แจ่วนำเด้อมันค่อยสินัว
ผักหอมต่างๆนานา มี ต้นหอม ผักชี สาระแหน่ ผักอิหล่า
ปรุงโดยการใส่แตงลงไปในอุหน่อไม้ ใส่แจ่ว คนให้เข้ากัน ปรุงรสด้วยน้ำปลา บัดสุดท้ายใส่ผักหอมต่างๆลงไปจ้า เท่านี่แหละ ซุปหน่อไม้สาวบ้านแต้
Bookmarks