มื้อนี่มีเมนูง่ายๆมาฝากพี่น้องครับ ไก่บ้านต้มน้ำปลา เมนูนี่บ่อได้กินมาโดนเติบแล้ว
ย่อนว่าเข้าพรรษาบ่อค่อยได้เฮ็ดแนวกินเองส่วนมากสิซื้อเอาง่ายดีครับ
ไปตลาดได้ไก่บ้านมาโตหนึ่งกะเลยต้มน้ำปลากินครับ
เครื่องปรุงกะมีตามที่เห็นนี่หล่ะครับ
ล้างไก่ให้สะอาด เอาเครื่องในออก ทุบข่า ตะไคร่ ใบบักกรูด ยัดในท้องไ่ก่ครับ
ต้มน้ำให้เดือดแล้วใส่ไก่ลงไป ใส่น้ำปลาประมานครึ่งแก้ว แล้วกะใส่รสดีนิดหน่อยครับ
ปิดฝาหม้อแล้วกะต้มไปเรื่อยๆจนไก่เปื่อยครับ
ระหว่างต้มไก่กะได้ทอดส้มปลารองท้องจักหน่อย
เรียบร้อยแล้วครับไก่ต้มน้ำปลา น้ำต้มกะย่าทิ่มเอามาเป็นน้ำซุปซดฮ้อนๆ น้ำจิ่มกะตำน้ำจิ้ม
ทะเลนี่หล่ะครับ รับประกันความแซบครับเมนูนี่
ขอบคุณทุกท่านที่เข้ามาชม และเวปบ้านมหาครับ
Bookmarks