กำลังแสดงผล 1 ถึง 6 จากทั้งหมด 6

หัวข้อ: ถามข่าวทาวหา..อาจารย์ศรีสะท้าน ขอรับ..

  1. #1

    ถามข่าวทาวหา..อาจารย์ศรีสะท้าน ขอรับ..

    เวลาเลยล่วงพ้น นานดนเงียบมิดหมี่
    อาจารย์ศรีสะท้าน สำราญล้วนอยู่สบาย บ่น้อ..
    วันเดือนกายหลายแล้ว แม่นท่านแจวจรจาก
    ส่างมาพรากพี่น้องไว้ ให้หวนโอ้อ่าวคะนิง..แท้น้อ
    สุ้มเสียงมิดอิ้งติ้ง เลยถามข่าวทาวหา
    อยากฮู้ว่าเป็นจั่งได๋ สุขสบายอยู่บ้อท่าน
    ปราชญ์อีสานคนผู้โก้ ขอโปรดโงโค้งต่าว
    บอร์ดกะเหงาเมื่อขาดท่าน มาสานส่อต่อเติม
    ต่างกำพวมหัดเริ่ม ขีดเขียนเฮียนใหม่
    หวังอาศัยท่านผู้รู้ เป็นครูเค้ากล่าวกลอน
    ซ่อยมาสอนตางซ้วน วาทกระบวนตางชี้ป่อง
    ตามครรลองฮีตเค้า ให้เนาว์ยั้งอยู่ยืน...อาจารย์เอ้ย...


    ธุจ้าธุจ้าธุจ้า


  2. #2
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    608
    เลาเข้าไงยังบ่อทันได้เวลาออกจากไงยุ555

  3. #3
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    บ่อแม่นเลาไปซุ่มตั้งคณะหมอลำติครับ
    หรือว่าน้ำท่วมแล้วไปกับน้องน้ำหือใด๋บุ 555555
    ยุใสกะให้กลับมาพาลูกหลานม่วนต่อเดอครับอาจารย์

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    คึด เถิงพวกพี่น้อง ที่เคยฮ่วมเฮียงกัน
    ฮอด สัมพันธ์เพียรหา กล่าวจาจริงเว้า
    หลาย คนนอมาเข้า สมานไมตรีต่อ
    เด้อ คึดเห็นอ่านพ้อ หัวข้อหากซื่นใจ แท้แหลว

  5. #5
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    อ้ายเล้าสิออกจากทหารแล้วตั้วะราวๆกลางๆปีหน้านิล่ะจ้าพี่น้อง แล้วกะสิพาลูกเมียหนีบักเขียบกลับมาอยู่กาสินถิ่นดินดำน้ำสุ่มพะนะจ้าพี่น้อง ไผ๋ได่ผ่านไปผ่านมากะฝากแวะไปให้อาหารเผื่อขะน้อยนำแน่ะเด้อจ้า .. ปล. กลับไปปีหน้าคือสิได่ซวนเสี่ยวไปกินต้มปลาค่อบ้านอ้ายเล้าอยู่ดอก พาอิน่อยไปแล่นเล่นท่งนำ :l-

  6. #6
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    ศรีเอ้ยศรีศรีสะท้าน..ปราชญ์อิสานผู้เป็นปิ่น
    ฮอยลิขิตยังบ่สิ้น ถวิลบ้างบ่ห่างหาย
    ชาติเสือย่อมมีลาย ชาติชายยังคงอยู่
    มีเทิงบุ๋นเทิงบู้ ในเชิงสู่ออกต่อตี
    :l-:l-:l-:l-

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •