กำลังแสดงผล 1 ถึง 6 จากทั้งหมด 6

หัวข้อ: ฝากสะนูว่าวไปข่าวน้อง

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    ฝากสะนูว่าวไปข่าวน้อง

    ฝากสะนูว่าวไปข่าวน้อง

    ฝากสะนูว่าวไปข่าวน้อง


    เย็นลมหนาวมาพานต้องเดือนสิบสองได้พ้นผ่าน
    ข้าวสั่งลานมันสั่งต้น กบเขียดหม่นเข้าอยู่ฮู
    ขวยกะปูถืกเสียมไง้ ตีนคันแทเป็นหลุมบ่อ
    ไผ่ออดอออีแอ้อ้อ คือซออู้พ่อใหญ่สี
    ลมพัดตีกอหว้า เอนไปมาปานสิก่น
    ใบขุหล่นจากก้าน กองกุ้มใส่ขี้ดิน
    ใจถวิลแต่นำซู้ปูทางให้หวังวาด
    ตัดสวาทขาดสิ้นไปจ้อยบ่อต่าวมา
    เว้ากับลมจ่มกับฟ้า ผลาคนอยู่บ้านป่า
    นอนท่งนาเอาผ้าตุ้ม ได้นอนซุ้มไห้ใส่หนาว
    แสงเดือนดาวอยู่ฟากฟ้า แทนดวงตาผู้ไปจาก
    ฝากแต่ลมฮักไว้ ได้หนาวจ้อยบัดห่างไกล
    มีเพียงว่าวไม้ไผ่ได้เป็นเพื่อน เสียงสะนูดังดื้อดื่อ
    สังมาคือเสียงออดอ้อน ให้โตเจ้านั้นอ่วยคืน
    ฟังฟังไปคือจั่งเสียงสะอื้น ของชายผู้ไร้คู่
    ฝากไปกู่กูกเอิ้น หาซู้ผู้ห่างลา
    ฝากควมในจากใจล้า กลางท่งนาหม่องอ้ายอยู่
    ฝากสะนูว่าวไปข่าวน้อง ว่าทางอ้ายนั้นป่วยใจ
    แก้ไขครั้งสุดท้ายโดย ทิดจ่อย; 21-12-2011 at 09:01.


  2. #2
    ผู้ช่วยผู้ใหญ่บ้านมหา สัญลักษณ์ของ lukhin_inter
    วันที่สมัคร
    Sep 2007
    ที่อยู่
    อิสานใต้ ประเทศไทย
    กระทู้
    2,090
    อ่านจบแล้ว....เปิดเพลงสะนูว่าวข่าวรักของญาอ้ายเอกพล มนต์ตระการ ฟังต่อ
    ได้บรรยากาศคัก ขอบคุณจ้า....คิดฮอดผุลางคนเลยเด้นี่

  3. #3
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    บุญผลาอ้ายหันมายมายปานเชือกหว่าว
    ถืกลมสาวหลอกต้ม ได้นอนล้มห่มเฟียง
    มีแต่เถียงนาเศร่า โพนกระเดาต้นเก่า
    ควยบักเลเถ่าและอี่ตู้ ยังยืนคู่อยู่ท่งนา
    5555555ทิดจ่อยเล่นว่าว
    :,1-:,1-:,1-


  4. #4
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    381
    บล็อก
    63
    ปูๆกบๆกะบ่อยากไปไง่ดอกเพาะว่ามันฮ้อนไปหาแลนว่าดักั่วซั่น

  5. #5
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    คิดฮอดบ้านคิดฮอดสมัยแต่กี้ หน้าหนาว นอนนาเฝ้าลานข้าวกับพ่อกับแม่ เดิ๊กๆ นอนฟังเสียงสนูว่าว

    ม่วนหลายจ้าลูกเขย สุดยอดม่วนเลยจ้า

  6. #6
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    แต่ก่อนเนาะ ยามลงจากฟาดเข้า ดึกๆแน่จักหน่อย กะไปปล่อยบ่าว(ว่าว)ถิ่มไว้ ผูกไว้ดีๆ แล้วกะมานอนฟังเสียงสนู จนกว่าว่านอนหลับป๋า ยามมื่อเช้าจั่งมากู้บ่าว ..จั่งแม่นมีความสุขหลายเนาะ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •