หนาวคักหนาวแนผุสาวเอ้ย

[หนุ่มน้ำโขง1]

...เดือนสิบเอ็ดหัวลมต้อง เดือนสิบสองหัวลมหย่าว หนาวหัวใจคึดฮอดน้อง ยามสิเข้าดอกบ่อนนอน เป็นคำกลอนเผิ่นว่าไว้ หนาวจับใจจับจิต คิดนำสาวผุเผิ่นห่าง เฝ้าแนมทางบ่ทันพ้อ หนาวกะเดี้ยกะด้อ คือลมหนาวส่อว่านางลืม นั่งซึมโต้ลมหนาว ข้างกองไฟเถียงนาน้อย ฮอยขี้ถ่านเจ้าเขียนไว้ ว่าฮักหลายบ่อยากห่าง เทียวถามทางอยู่สุมื่อ ป่านได๋น้องสิต่าวคืน น้อ น้องหล่าเอย...

[lungyai1123]

รู้สึกว่าปีนี่มีการหนาวเผื่อแผ่ไปทั่วประเทศเด้อคือน้ำท่วมหละ

[หนึ่ง]

ลมหนาวมาเย็นจ้อย เพิ่นแนมฮอยผุสาวเก่า
คนเคยฮักตั้งแต่เค้า พี่ชายเจ้าซางบ่อลืม
เพิ่นได้ไลลืมทิ่มอ้าย ยังบ่อวายซิคิดต่อ
นั่งท่าเขายุค่อม่อ เอาหน่าท่อโต้ลมหนาว
ผุสาวมีบ่อห่อนอึด อ้ายบ่อคึดซิจาเว้า
ซั่นกะนั่งเศร้าท่าเขาไปโลด อย่ามาจ่มโอดโอย..หนาวเด้ผุสาวเอ้ยยย

[ธิดายาเย็น]

..ฮอยขี้ถ่านเจ้าเขียนไว้ ว่าฮักหลายบ่อยากห่าง..มักหลายท่อนนี้ ฮอยขี้ถ่านว่าสั่นแนมเห็นภาพเลยจ้า.ซึ้งๆๆๆ..

[chudhancock]

หนาวหลายแท้บ้อ เบิงซงคือสิหนาวใจน้อคั่นแบบนี่
จังได๋กะะขอให้มีคนเคียงข้างสาเด้อ อิอิอิอิ

[เซียนเมา]

เดือนสิบเอ็ดหัวลมต้อง
เดือนสิบสองหัวลมต่าว
หนาวโอ้ยหนาวบ่มีคู่ซ้อน
ได้นอน...ไห้ใส่แต่หมอน...โอ้ยเด้นาง.....

[แดนดาหาร]

มาหลอยอ่านผะหยาซื่อดอกครับ เอามาอีกแหน่เด้อ..มักหลาย