ขออวยพรล่วงหน้าปี 2555

**prayoon** · 24-12-2011, 16:14

ปี 2555 ขอให้ม่วนให้สนุก อันตรายภัยทุกข์อย่าสะมีมาใกล้
ไปทางเหนือหรือใต้เดินทางไกลให้แคล้วคลาด ปราศจากอุบัติเหตุฮ้าย มีแต่โซคซุ่มเย็น เด้อ
คันว่าไผยังบอมีคู่ซ้อน นอนเคียงขาดคู่ ขอให้บุญผลาส่งยู้ มีคู่ซ้อนฮ่วมสอง....
ไผมีความคับแค้นแน่นอังอยู่ในใจ ขอให้สะสางเสียหรือปล่อยไลไปคือน้ำ
ให้มีความสุขล้ำในใจจนล่นเอ่อ พุ้นเด้อ ขอให้เจอคนดี เจอแต่คนโก้ๆ ทั้งคำเว้าและนิสัย
อย่าได้เจอคนฮ้ายมาต้มหลอกตั๋วะเอา เจอคนเมาคนเซมาก่อกวนให้ใจฮ้าย
อันหมู่คนหลอกใซ้ ให้หนีไกลอย่าพ้อหน้า ปี 2555แล้วให้คือแก้วที่ผ่องใส เด้อพี่น้อง....
พวกพี่น้องมวลหมู่ไทยอิสาน ขอให้ถืกรางวัลร่ำรวยเงินล้าน
ทั้งการงานเวียกเจ้าเจริญฮุ่งสุกใส แม่นสิเฮ็ดแนวใด๋ แม่นสิทำแนวใด๋ กะถืกใจเจ้านายย่อง
มอบทั้งของทั้งคำเว้าซมเซยเจ้าจนอิ่ม เต็มพุง เงินเดือนขึ้นจ๊วดๆ ปานหมื่อทังบั้งไฟ พุ้นเด้อ

สวัสดีปีใหม่ล่วงหน้าซุคน...ครับ มีความสุขตลอดปี 2555

**หนึ่ง** · 24-12-2011, 16:43

เงินเดือนขึ้นจ๊วดคือบั้งไฟอวยพรเป็นตาย่านเน๊าะ ย่านตะหนี้ล่ะขึ้นคือบั้งไฟแหมะอ้าย อ้ายเอ้ยยคนไข้น้องมาจาก กทม เพิ่นย้ายมายุบ้าน ตกงาน เพิ่นคือวา กทม เปลี่ยนไป เพิ่นวาแย่สุดๆๆๆๆ อ้วยกะมีความสุขแบบพอเพียงเด้อจ้าปีหน้า