หลอมรวมใจ สายใยรัก”บ้านมหา"

[nuzing]

หลอมรวมใจ สายใยรัก”บ้านมหา”

(อ่านเป็นภาษาอีสานเด้อจ้า)ธุจ้าขะน้อยยายหนูซิงในนามสมาชิกเก่าแก่ (เว่าค่อยๆกะเจ็บ)ยังหว่า “แก่”นี่
ตั้งแต่ได้ยินเผิ่นส่าเผิ่นลิอเรื่องเอาบุญบ้านมหาพาแลง555 (เบิ่งแต่ชื่อกะเป็นหม่วนเนาะ 555 พะนะ)หัวอกผุเถ่าเนาะคึดหลายย่านงานบ่เวิคย่านพี่น้องบ่หม่วนย่านพี่น้องบ่มาฮ่วมพาข้าวพาน้ำย่านพี่น้องถิ่มพี่น้องป๋า(เว่าแล้วน้ำตาห่งหน่วยอีหลี)บ้านมหาเมืองใหญ่ ยายกะจั๊กเป็นผีบ้าอีหยังคือมาคึดนำงานนี่แถ้เด๊ ย่านงานไปบ่รุ่ง..บ่รอด..ยายเลยขอถือโอกาสนี่ตีกลองร้องป่าวขอเชิญชวนสมาชิกพี่น้องบ่หว่าสิเก่าแก่(อีกแล้ว)ลายครามหรือสมาชิกรุนน้องใหม่/สดซิงๆกะขอให้ถือว่าเสมอด้ามดั่งกันมีความสำคัญถ่อๆกันบ่ต้องหลื่นกันดอกเนาะ (อาจสิให้ผู่ใหญ่บ้านเลาหลื่นแหน่ในฐานะเลาเฝ้าหม้อเซิฟเวอร์ )เอ๋าฮอดไสหละธุจ้ายายขอเด้อขอใจขอความร่วมมือจากพี่น้องลุงป้าอาวอาน้าบ่าวสุคู่ซุคนให้ออกมาร่วมด้วยช่วยกันส่อยกันเติมเต็มสิ่งดีๆไผเก่งหรือถนัดแนวได๋ขอจิตอาสาให้เป็นเจ้าภาพดูแลฝ่ายนั่นเพื่อให้งานพาแลงปีขบขัน สองพันฮ่าฮ่าฮ่าที่สิมาฮอดในเวลาอันใกล้นี้มีความประทับใจที่สุด
ณ..โอกาสนี้ในนามทีมงานบ้านมหายายขอกราบขอบพระคุณสมาชิกทุกท่านที่ได้มอบแต่สิ่งดีๆมอบหัวใจรักอันบิสุทธุ์ให้กันมาโดยตลอด
กราบขอบคุณเจ้าบ้านบ้านมหาที่ให้แหล่งพำนักพักพิงหัวใจมานานนับ ขอบคุณทุกความรักความจริงใจจ้า
(อ่านแล้วมาลงชื่อเฮ็ดงานเด้อบาดหนิ(ห้ามหนิ่ง(เกี่ยง)กัน) บ่มีผุ่ลงยายสิเสนอนายกสมาคมให้เผิ่นออกคำสั่งแต่งตั้งห้ามว่ากันเด้อจ้า)

**************
ประกาศแต่งตั้งเจ้าหน้าที่ ปฏิบัติงานบ้านมหาพาแลง ๕๕๕

**********************
เพื่อความเหมาะสมกับความรู้ความสามารถและเป็นกำลังใจให้กับ สมาชิกบ้านมหาดอทคอม ที่มีจิดอาสา

จึงขออนุญาตแต่งตั้งโลด ( ยายเซิฟๆเหล่นเด้อนี่)

เจ้าหน้าที่ฝ่ายสถานที่/มีหน้าที่ (เฮ็ด/ตกแต่งฮ่านหมอลำ/เวที/โต๊ะอาหาร)

1 ยายหนูซิง ตัดพวงมโหตร(พวง มะ โหตร)

2 ติ๊คต๊อค ประสานทางร้านอาหาร

3 กุ้ง (เก็บทำความสะอาด)

4 โอ๋(เฮ็ดคือ กุ้งเด้อ)

5 ไก่น้อย (ตัดพวงมโหตร)

6 ติ๋ม (นั่งให้กำลังใจกะพอเด้อจ้า)

7 หล่อร้อยเมตร (ปีนเสาผูกสายรุ้ง/พวงมโหตรนะจ๊ะ)

8.......... ฯลฯ

เจ้าหน้าที่ฝ่ายเทคนิค

1 ทิดรส มักเมี่ยน หัวหน้าทีม (เชิญ...ออกมาเด้อลูก)

2 อาวอ้วน

3 ........ฯลฯ


ฝ่ายพิธีกรคู่ขวัญประจำรายการ

1 ทิดรส มักเมี่ยน (ยายมักลีลามืออาชีพเด้อหมอนี่ ...อั่น ....4 ....4...โอ๊ย จาแหม่นมักเนาะ 4)

2 ซ่งทางห่มบักมี่เด้อจ้าส่งขึ้นฮ่านโลด

2 แมงดิ้ง ...มาเด้อๆๆคือหลายปีแล้วๆจ้า

3........ฯลฯ (ห้ามยาดคิวกันหละท่านพิธีกรมันสิหมุ่นปานเต๋เห็ดเด้อ

ฝ่ายรับลงทะเบียนหน้างาน

1 ธิดายาเย็น

2 เขมราฐ

3 สาวมุก

เจ้าหน้าที่ฝ่ายที่เหลือกรุณาออกมาเติมเต็มด้วยจ้า(ยายหิวข้าวแล้ว อิอิ..)...ฯลฯ

หวังว่าทุกท่านจะใช้ความรู้ความสามารถที่มีให้เกิดประโยชน์กับสมาชิกยิ่งๆขึ้นขอขอบคุณทุกๆท่านไว้ ณ ที่นี้ ขอให้มีความสุขและโชคดีตลอดไป

ประกาศให้ทราบทั่วกัน ณ วันหวยออก 16 มกราคม 2555

ปล.ท่านผู่ใหญ่บ้าน/ผู่บริหารระดับสูงบ่าวเซียงน้อย/ติ๋ม/ถ่าตัดลูกโป่ง/ห้ามหย่างเพ่นพ่านเด้อให้นั่งเป็นพระประทานโลดจ้าปีนี้ลูกน้องเขาสิต้อนรับแขกเองดอก

[พล พระยาแล]

มีความเหมาะสมด้วยประการทั้งปวงครับคุณยาย ส่วนผมประกาศตั้งแต่ต้นแล้ว สิเป็นคนต้อนรับ ดูแลเทคแคร์เด็ก สตรีมีครรภ์และบ่มีครรภ์ และคนชรา ซึ่งเป็นสมาชิกใหม่ครับ ...อิอิ

เข้าใจข้อห่วงใยของยายหนูครับ งานทุกงานจะสำเร็จได้ก็ด้วยความร่วมมือร่วมใจ ถ้าต่างคนต่างคิดว่าธุระไม่ใช่ ก็จะทำให้งานนั้น ๆ ไม่ประสบผลสำเร็จเท่าที่ควร

การแบ่งงานกันทำเป็นขั้นเป็นตอน มีแผนงาน ไม่ก้าวก่ายกัน ถึงเวลาทุกคนประจำที่ ทำหน้าที่ของตนเอง ตรงต่อเวลา มีจิตสำนึก ประสานสอดคล้อง ก็จะทำให้งานนั้นสำเร็จลุล่วงไปได้ด้วยดีเสมอครับ

[หนึ่ง]

สมาชิกใหม่สดซิงๆจ้าคุณยาย...มาเป็นกำลังใจให่คุณยาย และทีมจัดงานจ้า ให้ลุล่วงไปด้วยดีเด้อจ้า:l-

[ตรี ศรีเมืองใหม่]

......ม่วนคักยายปีนี้ ..อยากให้พี่น้องมาชมบรรยากาศการจัดงาน แบบงานบุญอิสานบ้านเฮา ตกแต่งร้านแบบมีกลิ่นอายของความเป็นอิสานขนานแท้ ได้ข่าวว่าทางไก่น้อย สิขนเฟืองมาจากโคราช มาประกอบฉาก ทาง วมต.เฮา เบื้องต้นสิใช้แห มาเป็นซุ้มประตู หรือสมาชิกท่านใดมีวัสดุอุปกรณ์ออกแนวอิสานบ้านเฮาก็เอามาร่วมได้ครับ

......ส่วนป้ายที่ใช้ในงานนี้อยากได้แบบเขียนเอาครับ จั่งได๋ก็สิได้ประสานกับพ่อเสี่ยวคําแสง แกเชี่ยวชาญในด้านนี้ ครับ


.....ส่วนพี่น้องที่เดินทางมาก่อนวันงาน หลังจากเข้าพักแล้ว เช้าวันที่ 10 ก็วางแผนตกแต่งร้านช่วยกันครับ ยามเที่ยงก็กินข้าวร่วมกัน เบื้องต้น วมต.เผิ่นเสนอ ข้าวเที่ยงวันที่ 10 ขอเป็นเมนูลาบเลือดอุบลขมแป๋ตาย ว่าซ้าน.... จัดให้ตามนั้นครับ


......มีข่าวดีมาบอก ตอนนี้ทีมงานน้องกุ้ง มือพิณน้องใหม่ ได้ประสานวงโปงลางวงใหญ่จากลาดกระบัง มีนางไห นางรํา เต็มอัดตรา ส่งมาช่วยงานนี้โดยตรง เพื่อให้ตรงกับรูปแบบของงาน มีเสียงพิณ เสียงแคน โปงลาง ซึ่งน้องเขาเล่นประจําอยู่ ตอนนี้ทางทีมงานโปงลางก็ตกลงมาแน่ 90 เปอร์เซ็นต์ รอมื้ออื่นคุยขั้นสุดท้าย ได้ความจั่งได๋ทีมงานผู้ติดต่อจะแจ้งให้ทราบ ต่อไปครับ

[พล พระยาแล]

โอ้ว...สุดยอดครับบ่าวเซียงน้อย โปงลางพระนครเหนือกะแจ่มครับ ไปเบิ่งมาแล้ว เขาจัดได้ดีครับ

กองเฟียงที่กองนั้น อย่าลืมเขียนป้ายไว้แนเด้อล่ะว่า "ห้ามสูบยาเส้น" มันสิไหม้ร้านเพิ่นเด้อ 555

ปีนี้บ่าวเซียงน้อยลงมากำกับการแสดงเอง คึดว่าสมาชิกเก่า ๆ คือสิมาหลายอยู่ครับ

ประสานศรีสะท้านให้มาโชว์เดี่ยวแคนนำแนเด้อครับ

[ติ๋ม เปอร์โย]

จัดไปจ้าคุณยายทางใด๋สิม่วน และเป็นระบบระเบียบ...สิให้นั่งซื่อๆจังใด๋ ว่าสิไปตลาดกับน้องติ๊ก...ซื้อหน่อไม้มาเขี่ยนซุปสู่กินอยู่...:l-
ลาบเลือดบ้อ จัดไปจ้าอ้ายเซียง...ขอคั่วจักบ่วงแหน่เด้อ อยากชิมนำ ขมตายบ่เอาเรื่องอิหลีบ้อ....
หนูติ๊ก....อย่าลืมหาซื้อข้าวเหนียวนึ่งหอมๆจักหวด2หวดแหน่เด้อหล่าวันที่10มีนา...
ขอบคุณพี่น้องทุกก้ำทุกฝ่ายเด้อจ้าที่ซ่อยเหลือ ร่วมมือร่วมใจกัน....
หนูติ๊กเลิกงานจักโมงวันที่8มีนาคม...มาฮับเอื้อยได้บ่หล่า...บิน15.50ถึงกรุงเทพฯ16.50 อยากไปกินข้าวแลงนำซั่นแหล่วว่า....:b-b น้ำเปล่าเด้อหนี่...ย่านถืกฮ่าย....

[ไก่น้อย]

ทุกๆความทุ่มเทที่เฮดไปกะเพื่อความสุขของพี่น้องทุกท่านบ่ได้เจาะจงคนได๋ คนหนึ่ง ที่สำคัญเฮาทุกคนต่างมีภาระหน้าที่ประจำเป็นของตนเอง งานนี้ถือว่าส่อยกันจากใจอิหลีจ้า
ที่ผ่านมาไก่น้อยกะบ่ค่อยได้ส่อยพี่น้องเฮดหยังหลาย มีปีนี้พีติ๋มมอบหมายให้จัดการเรืองเสื้อ ของที่ระลึกงานบ้านมหา ไก่มีเพื่อนที่เฮดธุรกิจอันนี้ยุแล้วกะเลยรับอาสาอย่างเต็มที่ แล้วกะเห็นความตั้งใจของพี่ติ๋ม ของคุณยาย ที่อยากเฮดเพื่อพี่น้อง งานอันได่ที่มอบให้ไก่กะสิเฮดให้เต็มที่จ้า
พวงมาลัยมะโหตร ไก่น้อยตัดเล่นเป็นประจำยุ สบายมากจ้า อิอิ (มีคุย)

ปล....ประกาศหามีสบ้านมหาทุกๆปีแน่เด้อจ้า ขอเสียงแน๊...คือมิดแทะจ้า

[ขอโทษที่คิดถึง...เด็กดื้อ]

เด็กน้อยสิถ่าอยู่หน้าประตู้จ้า สิไปรอถ่ายรูปพี่น้องมาร่วมงานจ้า รอกอดนำจ้า ฮ่าๆๆๆๆๆ

[ตรี ศรีเมืองใหม่]

...ถ้าจั่งสั้นอ้ายสิแต่งตั้งน้องดีเจเด็กน้อย เป็นฝ่ายต้อนรับพี่น้องที่จะมาร่วมงาน นั่งประจําที่หน้าซุ้มเลยเน๊าะ ไผ่มาก็กอดและถ่ายรูปก่อน จึงจะผ่านเข้างานได้ อิอิ ไอเดียร์ดีมากจ้าน้องเด็กน้อย

[ธิดายาเย็น]

ส่วนทางนี้อยู่ไกลพะโล สิให้เฮ็ดหยังช่วยกะบอกเลยเด้อจ้ายายหนู น้องติ๊ก แต่ว่ากะสิฟ้าวไปแต่เว็นๆอยู่ดอกจ้า..เอาใจช่วยกับทุกๆฝ่ายเด้อจ้า..:l-