มาเด้อพี่น้อง มากินเข่าเทียงนำกัน ของแซบอิสานบ้านเฮาเรียกว่าเกือบสิเป็นเมนูหลักยามเทียงกินได่เกือบสิทุกมื้อ กินยามได๋กะแซบยามนั่น....ตำบักหุ่ง+ต้มบักหอยจูบ(จุ๊บๆๆ)
ต่อเนื่องจากมื้อวาน(สัญญานบ่งบอก)
หลังจากตากยางเสร็จแล้ว กะเกือบเทียงเคิ่ง ป้ายูบ้านกะโทร.ขื่นมาเอิ้นพอดี
“ลงมาเถาะตากยางแล้วยังข่อยต้มบักหอยจูบไว่แล้วกับฝานบักหุ่งเฮิ่มไว่ ฟ้าวมาตำข่อยหิวเข่าแล้ว”
กะเลยฟ้าวขื่นมาตำบักหุ่ง หิวคือกันเกือบบ่ายโมงแล้ว
เมนูเสริม ไก่ย่างยางตลาด มื้อคืน(วันศุกร์)ผ่านยางตลาดเลยแวะซื้อเมือนำโตนึง
ต้มบักหอยจูบ(ไปหาขัวเอานำท่งนา) ผักบุ้งเข็ม(ขาดผักกะเสดแก่ )ผักกินกับตำบักหุ่งเฮิ่ม
อีหล่าน้อยตีสมาธิใส่ก่อนหมู่ แนวมักเพิ่น
มาเด้อพี่น้องเทือนี่ มาสีกปลาแดกนำกัน แซบบบ(จนได่ดูดนิ้วมือ)
ปลาแดกกะปลาแดกปลาค่อ (ปลาช่อน)
บักหอยกะมีแต่น่วยอ้วนๆไข่เต็มท้อง แซบคักเข่าเทียงมื้อนี่.....
สมัยยังน้อยๆเฒ่าพ่อ เก็บบักหอยปัง บักหอยจูบ เพิ่นสิเอาคันบ่วง(ช้อนโต๊ะ)สักเอาหัวบักหอย มากินกับตำบักหุ่งแบบดิบๆ กุ้งฝอยกะคือกันส่อนจากหนองสาขื่oมาใหม่กำวานลงในถาดตำบักหุ่งเต้นโดงเดงๆนำคุบเอา กินกับตำบักหุ่งแซบแฮง มักหลาย แต่ทุกมื้อนี่บ่กล้ากินดิบแล้วย่อนว่าในท่งนาเฮาทุกมื้อนี่มีสารเคมีหลายโพด ปลอดภัยไว่ก่อน เฮ็ดให่สุกก่อนแล้วจังกินเป็นดีที่สุดครับ
:*- บ้านมหาดอทคอม ที่ให้พื้นที่นำเสนอ :*-
อ้างข้อความนี้
Bookmarks