สวัสดีจ้าพ่อแม่พี่น้องชาวบ้านมหาที่ักทุกๆท่านและพี่น้องผู้แวะมาเยี่ยมชมกะทู้ หายหน้าหายตาไปพักหนึ่งบ่แม่นไปเก็บโตนางงามแต่ประการใด๋
แต่ว่ากลับไปยามบ้านในช่วงเทศกาลตรุษจีนจ้า เลยเก็บเอาบรรยากาศบ้านเฮายามเข้าหน้าแล้งมาฝากในช่วงหลังฤดูการเก็บเกี่ยวแล้วทางท่งนา แต่กะยังบ่แล้วเวียกทางไฮ่ เวียกหลายเบิ้ดปี
เช้านี้ที่บ้านเฮา(ศรีสะเกษ)
เมือฮอดบ้านกะเลาะเบิ่งท่งนาที่สุดแสนจะคิดฮอดสาก่อน เกี่ยวข้าวออกแล้วเป็นจั่งใด๋แหน่น้อ
ต้นหูเสือในสวนหลังเฮือนงามๆ
ดอกบักงิ้ว(บักนุ่น) กำลังบานเต็มต้น
หย่างออกไปอีกจักหน่อยพ้อต้นบักกอก มีตะดอกเต็มต้นใบหล่นเบิ้ด (พึ่งเคยเห็นเทื่อแรกดอกบักกอก)
หย่างขึ้นไปเทิงหัวนา อิแม่ว่าอ้ายปลูกมันทิ่มไว้ไปเบิ่งให้แหน่นาง มื้อคืนฝนตกริน ดินชุมแหน่บ่ จัดให้ ตามที่ขออิอิ
มันกะปลูกในงานนาได้ บ่มีปัญหา พอดีละมันรุ่นนี้พอดีกับค่าปุ๋ยยามลงนาสิฮอด
เบิ่งนามันแล้วกะเลาะลงมาหาเถียงนาน้อยหม่องเก่าเคยนอนเวนเห็นแต่หลักฐาน ฮ่าๆๆ
เหลี่ยวลงไปเบิ่งสระน้ำข้างๆเถียงน้ำเหลือน้อยๆแต่กะพอมีสิ่งมีชีวิตอาศัยอยู่ ว้าวลูกบักหอยหลายยุ๊เด้หนิ
หย่างมาอีกพ้อกองเฟือง แล้วกะคิดฮอดสมัยแต่น้อย ขึ้นไปเทิงสูงๆแล้วกะม้วนโตลงมาเล่นคือหนังจีนกำลังภายใน
สู้กันแบบนินจากะปานนั้นฮ่าๆๆม่วนหลายแต่บัดนามนอนเด้อ คันดีตาหน่าย
มะม่วงหิมะพาน เผิ่นว่าเม็ดแห้งโลละหลายบาทเติบ ถ้าปลูกขายแต่นี้ปลูกไว้เบิ่งพอบ่ให้ดับแนว
ผักกะเดา ต้นหลังบ้านกำลังพอดีกินกับลาบปลา กับป่น
มื้อนี้ได้เวียกยุ๊จ้า มัดหอม ส่อยเผิ่นหลังจากกินข้าวเที่ยงแล้ว
มื้อแรกแนวกินแลง ง่ายๆตามมีตามเกิด ช่วงหน้าฝนที่ผ่านมาแถวบ้านเห็ดปลวกเกิดหลาย แม่เลยนึ่งแล้วกะแช่ช่องฟิตไว้ให้
หลายคนถามว่า รสชาติมันคือเก่าบ่ คำตอบ ทุกอย่างเหมือนเดิมมิเปลี่ยนแปลง คือตอนเก็บมาใหม่ๆแล้วกะแกงนั้นละ
แกงเห็ดปลวกให้คุณลูก+คั่วแงจิซอนไปหยั้มมาตะหนองนาแม่ป้าใหญ่
+ตำแจ่วบักเขือเก็บเอายุ๊หลวงบ้านให้ท่านแม่+ผัดลูกชิ้นกับคะน้าจากสวนให้ท่านพ่อ
เบิ้ดไปอีกมื้อหนึ่งสำหรับการเมือพักผ่อน อิ่มท้อง อิ่มใจได้กินข้าวพ้อมหน้าพ้อมตาพี่น้องหลายๆบรรยากาศบ่ได้เก็บภาพมาฝาก
อย่างหยั่มแมงซอนกะคาตะม่วนบ่ได้เอากล้องไปนำ ภาพบรรยากาศรุมหยุ๋มแปะซะปลาค่อใหย่กะคาตะกิน(เผิ่นลงตึกปลาไว้ถ่า) :l-:l-
Bookmarks