หลังจากที่น้องอิ๊ทไปจ่ายตลาด เห็นปลาที่ชาวบ้านไปไล่มาขาย สะออนปลาหลาย "ปลา" เป็นอาหารที่ชื่นชอบ เฮ็ดหยังกะแซบ โดยเฉพาะ "ปลาร้า" ถ้าบ่มีปลาร้าใส่ส่มบักกอ บ่มีทางแซบ แต่ว่าสำหรับมื่อนี้เป็นเมนู "อยากเฮ็ด" อันอยากกินบ่ปานได๋ เมนูนั้นคือ "ส่มปลาโต๋" บ่ทันเคยลองทำจักเทีย ครั้งแรกจ้า ถ้าบ่แซบจังได๋กะสิรับไว้เป็นบทเรียนจ้า

ปลาขาวซื้อมาจากตลาด
"ส่มปลาโต๋"

เอามาล้าง ขอดเกล็ด เอาขี่ เอาพุงออก ล้างให่ดีดี้จ้า
ล้างด้วยน้ำหม่าข้าว (น้ำซาวข้าว) และสุดท้ายแช่ในน้ำหม่าข้าวจักหนึ่งชั่วโมง

นำมาคลุกเคล้ากับเครื่อง ก็มี ข้าวเหนียว ปั้นใหญ่ๆปั้นหนึ่ง เกลือป่น (หลายเติบ)
กระเทียมตำให้แหลก
คั้นให้เข้ากันดี
"ส่มปลาโต๋"

เนื้อปลาจิแข็งกีดี๊เพราะว่าแช่น้ำข้าวหม่า
"ส่มปลาโต๋"

ได้การแล้วกะวางเรียงกัน หมักไว้อุณหภูมิห้อง 2 คืน สิส่มพอดีจ้า
"ส่มปลาโต๋"

น้องอิ๊ทก็เอามาปิ้งแน ทอดแน อบแน ตุ๋นแน แต่ตอนนี้ขอลองชุบไข่ทอดเด้อจ้า
ปลาส่มที่เตรียมไว้
"ส่มปลาโต๋"

ตอกไข่ใส่ลงไป
"ส่มปลาโต๋"

นำไปทอดในน้ำมันร้อนๆ กะสิได้ "ปลาส่มชุบไข่ทอด" จังซี้ล่ะจ้า
"ส่มปลาโต๋"
แซบบ่แซบจังได๋เม้นท์มาได้เลยจ้า ขอบคุณสำหรับพื้นที่เวบบ้านมหานำจ้า