หน้าที่ 1 จากทั้งหมด 8 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 75

หัวข้อ: ~?*♥?*?~ลำกลอน...อวยพรอ้าย ~?*?♥*?~

  1. #1
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    ~?*♥?*?~ลำกลอน...อวยพรอ้าย ~?*?♥*?~



    ~?*♥?*?~ลำกลอน...อวยพรอ้าย ~?*?♥*?~

    ..........กลอนลำ..........

    ผญาหวานอ่านจนซึ้ง เสียงรำพังเขาโจทย์จัน
    ได้ยินข่าวว่าอ้ายนั้น สิกินดองเข้าพาขวัญ
    ใจของนางแสนตื้นตัน จักว่าเป็นแนวได๋
    สิยินดี....หรือเสียใจ บ่าวพี่ชายจรไกลแล้ว
    เสียงโฮแซวว่าเดือนห้า ให้ยอขันหมากมา...มีผู้ถ่าอยู่ฟ้าใหม่
    น้ำตารินลงไหล....ในหัวใจมันสะท้อน...ออนซอนเด้...บ่าวพี่ชายยย...โอ...ล่ะนา.........



    ...........เว่า.............


    อ้ายเอ๊ย...ได้ยินข่าวเขาโจทย์เล่า ว่าอ้ายบ่าวสิแต่งงาน
    ขอให้สุขชื่นบาน เป็นคู่เคียงเธอคนนั้น
    นางขออวยพรให้ บ่าวพี่ชายมีความสุข
    อย่าให้ทุกข์คือใจน้อง....อย่าให้หมองจั่งหล่า...ผลาฮ้ายอย่าให้มี

    ให้ไปดีเด้อเจ้า ในมื้อเล่าเข้าพาขวัญ
    ปานอยู่แมนแดนสวรรค์ เป็นกิ่งทองใบหยกแก้ว
    นางขอลาแท้จริงแล้ว บ่อาจเอื้อมดึงอ้ายต่าว
    ให้โชคดีเด้ออ้ายบ่าว มีความสุขเด้ออ้ายเจ้า...อย่ามีเศร้าดอกมัวหมอง


    ....นางขอนั่งก้มหน้า...ยอมรับโชคชะตา...ฟ้าขีดไว้บ่ถึงพี่
    ...อยู่อย่างเจียมในชีวี...อยู่อย่างคนที่พ่ายแพ้...ยอมรับแท้ใจความจริง....ซั่นแหลววววว



    ..........ร้อง..........

    เสียงไชโยโห้ร้องดังก้องลั่น....................เมื่อถึงวันที่สองเจ้าเข้าพาขวัญ
    นั่งล้างจานในงานของอ้ายนั้น.................เขาสุขสันต์แต่ฉันนั่งปาดน้ำตา
    สุขเถิดหนาอย่าให้มีเรื่องทุกข์โศก.........ขอให้มีแต่โชคนะพี่จ๋า
    ใจน้องหมองพี่ชายอย่านำพา..................ยอมรับโชคชะตารักพ่ายพัง
    มองเห็นเขานั่งเคล้าอยู่เคียงคู่...............ฝืนยิ้มสู้ด้วยใจรู้ไม่มีหวัง
    เสียงพ่อพราหมร้องไชโยโห่เสียงดัง.......เหมือนดังคำกล่าวอำลาจากพี่ชาย


    ...........ให้ไปดีเด้ออ้าย.....คนบ่มีความหมาย อวยพรอ้ายด้วยใจหม่น..........
    อย่าให้เจ็บอย่าให้จน....มีความสุขล้นฟ้า....ขอลาแล้ว...บ่าวพี่ชาย...โอ....ล่ะนา............

    [wma=380,70]http://kantaphong.admin.googlepages.com/a08.wma[/wma]


  2. #2
    care
    Guest

    Re: ~?*♥?*?~ลำกลอน...อวยพรอ้าย ~?*?♥*?~

    อู้ฮู้ แม่นไผเฮ็ดเอื้อยแก้มเนาะ คือมาสั่งลาคักแท้

  3. #3
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    Re: ~?*♥?*?~ลำกลอน...อวยพรอ้าย ~?*?♥*?~

    หล่านางเอ้ย มาฟังคำผญาเว่า คือสิเศร้าแทะน่ออุ่น
    โอ่แม่คุณ น้องสาวหล่า มาคือเว่าว่ารักพัง
    เป็นอิหยัง น่อน้องแก้ว แนวคนไกลได้แต่ข่าว
    เอื้อยจั่งมาอยากเว่า แล้วนำแจ้ง แปลงสูฟัง เบิ่งดู๋..
    ..แม่นเป็นคือ ความคิดเอื้อย คือสิส่ำคำผญา
    อันวาจา ความหวาน กล่าวนำคำเว่า
    อย่าสิเศร้าเด้อน้อง อันความหมอง ขอเจ้าจงได้ห่าง
    เพิ่นบ่มางมักเอื้อย แค่คำเว่า ให้ม่วนหู
    ..อยากสิให้น้องฮู้ คำเก่าแต่หนหลัง บ่มีหยังอยู่ในใจนำคำเว่า
    ยังเป็นเขาคนนั้น คนที่หวัง คนที่นางคิดนำฮ่วม
    ขอผอวนจงแจ้ง แถลงเว่า เอื้อยกล่าวมา ...เด้อ หล่าเด้อ ....

  4. #4
    NONGNAN
    Guest

    Re: ~?*♥?*?~ลำกลอน...อวยพรอ้าย ~?*?♥*?~

    ว่าโอน้อ...มานั่งอ่านผญาเว้า ว่าเศร้าหลายแท้เด้พี่
    เป็นคือกันน้องนี้ ชีวีช้ำเพราะรักพัง
    น้องผิดหวังเพราะรักร้าว ปวดใจจ้าวล่ะเอื้อยเอ๊ยย
    เพิ่นเมินเชยบ่มาซ้ำ หรือแม่นกรรมแต่ปางก่อน
    คำหวาน ๆ ที่เคยวอน บ่สะออนน้องซ้ำ แม่นกรรมน้อง หรือสิ่งได๋


  5. #5
    เจ้าหน้าที่ประชาสัมพันธ์ สัญลักษณ์ของ บ่าววิทย์
    วันที่สมัคร
    Jun 2006
    กระทู้
    903

    Re: ~?*♥?*?~ลำกลอน...อวยพรอ้าย ~?*?♥*?~

    :D อ้ายวิทย์ให้ 1 คะแนนสำหรับ ผญา ซึ้งๆเด้อน้องแนนคนสวย อิอิอิ Re: ~?*♥?*?~ลำกลอน...อวยพรอ้าย ~?*?♥*?~ 8)

  6. #6
    mj_limited
    Guest

    Re: ~?*♥?*?~ลำกลอน...อวยพรอ้าย ~?*?♥*?~

    .......................
    ว่าโอ้น้อ.............มานั่งอ่านพญาเศร้า ว่าอุกหลายแท้น้ออุ่น
    พวกคุณ คุณ หมู่เจ้าแม่นไผเว้าให้เมื่อยใจ๋
    ให้เจ้าอดสาไว้ อย่าสิไปเว้า เฮาสิตกเป็นพื้นเพิ่น
    พอกะเทินเขาสิเว่า เทิงวาจาเขาสิหยั่น...........หว่าเฮานั่นเสียท่าชายยยยยย นี่น้อ....

    อั่นว่าเป็นแม่ญิงนั่น โต๋ฉันเข้าใจ๋อยู่
    ฮักไผยากให้ฮู้ ย่านเขาเว่าแต่เก่าหลัง
    ผิดหวังไปกะผิดถ่อน อย่าออนซอนนำผู้บ่าว
    ฉันสิปลอบโต๋เจ้า......ให้เซาถ่อนอย่าสุหมอง....เด้อน้องหล่า......สั่นดอกหว่า....


  7. #7
    atirat
    Guest

    Re: ~?*♥?*?~ลำกลอน...อวยพรอ้าย ~?*?♥*?~

    ตกฟากเข้าแปดสองหนวนมาใหม่ พฤษภาสิกลายใจอ้ายแม่นคิดนำ
    สาวบ้านมหาชอกซ้ำระกำใจในความฮัก แม่นผู้ได๋มาลักเอาหัวใจไทบ้านนี่
    มีตั้งแต่ผู้ซ้ำอกพังเพมุ่น เว้ามาเป็นตาสูน สุ่มหมู่เอื้อยนุ่งน้องหมองเศร้าแม่นทั่วกัน
    อย่าสะกั้นเด้อหล่าฟังวาจาทางอ้ายก่อน อย่าซะไปออนซอน ซุมผู้บ่าวใจร้าย ตายถิ่มสะแม่นสม
    หันมางมทางพี้ เว้าผญาให้มันม้วน ใจอย่ารวนเด้อหล่า ผู้ซายนั้นหากอื่นหลาย
    หันมาแนมทางอ้าย ใจซายยังว่างอยู่ อย่าสะบูดพู้ยู้ ข้าวนำแม่นบ่กิน...คำเอ้ย

  8. #8
    NONGNAN
    Guest

    Re: ~?*♥?*?~ลำกลอน...อวยพรอ้าย ~?*?♥*?~

    มานั่งฟังคำจาอ้าย พอใจหลายกะยังว่า นั่งคิดไปคิดมา
    จักสิหมองสิเศร้า หาหมู่เว้าให้ม่วนใจ แม่นอีหลีล่ะอ้าย
    ซ่ำชาติผู้ชาย บ่แคร์ซ้ำให้คนหมิ่น สิถวิลหารักแท้
    เจอซ้ำแต่รักลวง ฟังเอาเด้อเอื้อยแก้ม ฟังไปน้องสิว่า
    เจ็บหลายนำผู้ชาย เจ็บเอาหลายสิเป็นบ้า
    ขอลาแล้ว ซ่ำผู้ชาย หาเอาใหม่ดอกเด้อเอื้อย
    ให้ผู้ดีกว่าคนเก่า อย่าไปหมองไปเศร้า
    เชิญมาเว่าให้ม่วน จัย

  9. #9
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    Re: ~?*♥?*?~ลำกลอน...อวยพรอ้าย ~?*?♥*?~

    กำลังใจจากพี่น้องมวลมิตรชาวผญา อย่าไปซานำซายจ่ม นำคำเว่า
    เฮดให้เหงา มกหมุ่น ความในใจบ่ชื่น จิตใจบ่ระรื่น ...ข่มขื่นบัดห่าจาง
    .....นางกะจามาแจ้ง แปลงความในไขความม่วน พี่น้องเอ้ย...อยากสิชวนหมู่เจ้าเข้ามาเว่าสูฟัง ....แน่สั่นดอก
    มันสิจริงหรือแท้ เว่าไปให้มันม่วน มากมิตร มากชวน ขอผอวนจาเว่า
    เอามาเข้าสู่หัวใจ ไส ฮ่องๆ เอ่อ เอ้ย เอ้ยน่อ ละนางงง (คือมาจบหมอลำน่อไก่น้อยบาดนิ 555+)

  10. #10
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    Re: ~?*♥?*?~ลำกลอน...อวยพรอ้าย ~?*?♥*?~



    ....พี่น้องเอ๊ยยย.....
    ความผญาที่แก้มเว้า นางเขียนเอาให้มันม่วน
    ทั้งกลอนลำล้วน..ล้วน ผญาตื่มอีกซ้ำ..ลำเล่า..เว่าสู่ฟัง
    ฝึกฝีมือเพียงท่อนั้น บ่ได้คิดถิ่มลงใจ
    สัมผัสนอก-สัมผัสใน ฝึกเขียนไว้ให้มันคล่อง

    อย่าคิดมากเด้อพี่น้อง ว่านางช้ำเพราะคำไผ
    เพียงแต่เขียนให้ม่วนใจ อารมณ์ได๋อยากเขียนเว่า
    บางทีม่วนทางทีเศร้า... บางทีใจเหงา..เหงา กะลองต้าวเขียนเบิ่ง
    คันฝีมือน้องบ่เถิง ซุมอ้ายพี่ซ่อยแนะชี้...อีนางน้อง...น้อมรับฟัง..เด้อพี่น้องเอ้ยยยย.....


    ((อุ่นหนาฝาคั่งดีเนาะ...ลองเขียนเบิ่งนำเพิ่นน่ะค่ะว่าสิม่วนบ่ม่วนเนาะ...กะซ่อยพิจารณาแหน่เด้อจ้า))..............

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •